Gold Price Today: స్వల్పంగా తగ్గిన బంగారం, వెండి ధరలు.. తెలుగురాష్ట్రాల్లో ధరలు ఎలా ఉన్నాయంటే..
కొద్దిరోజులుగా పెరుగుతూ వస్తున్న బంగారం, వెండి ధరలు అక్టోబర్ 11వ తేదీన (మంగళవారం) స్వల్పంగా తగ్గాయి. బంగారం కొనాలనుకునే వారు ఎప్పుడు ధర దిగివస్తుందా అని ఎదురుచూస్తూ ఉంటారు. ధర తగ్గినప్పుడు పసిడి కొనుగోలు..
Updated on: Oct 11, 2022 | 6:15 AM
కొద్దిరోజులుగా పెరుగుతూ వస్తున్న బంగారం, వెండి ధరలు అక్టోబర్ 11వ తేదీన (మంగళవారం) స్వల్పంగా తగ్గాయి. బంగారం కొనాలనుకునే వారు ఎప్పుడు ధర దిగివస్తుందా అని ఎదురుచూస్తూ ఉంటారు. ధర తగ్గినప్పుడు పసిడి కొనుగోలు చేయాలని చాలా మంది భావిస్తుంటారు. భవిష్యత్తులో ఆర్థిక ఇబ్బందులు ఎదురైనా.. మన దగ్గర ఉన్న బంగారమే మన ఆస్తి అవుతుందని చాలా మంది పేద, మధ్య తరగతి ప్రజలు సైతం బంగారం కొనేందుకు ఆసక్తి చూపిస్తుంటారు. అదే కొంత ఉన్నత వర్గాలకు, ధనిక కుటుంబాలకు చెందిన వారైతే.. మార్కెట్లోకి వచ్చే నూతన మోడల్స్ ను కొనుగోలు.. ఆ ఆభరణాలతో తమను అలంకరించుకుంటారు. ముఖ్యంగా పేద, మధ్య తరగతి ప్రజలు బంగారం కొనేటప్పుడు చూసేది ధర, గతంలో ధర ఎలా ఉంది, భవిష్యత్తులో తగ్గుతుందా, పెరుగుతుందా అని ఆలోచిస్తూ ఉంటారు. ఇలా గత కొద్దిరోజులుగా బంగారం ధరలు ఎలా ఉన్నాయో చూసి పెరిగితే కొద్ది రోజులు ఆగుదామని, ధర కొంత తగ్గుదల కొనిపిస్తే వెంటనే కొనుగోలు చేయడం చేస్తుంటారు. మరి ఈరోజు (11అక్టోబర్ 2022) బంగారం, వెండి ధరలు తెలుగు రాష్ట్రాల్లోని ప్రధాన నగరాలతో సహా, దేశంలోని ప్రధాన నగరాల్లో ఏ విధంగా ఉన్నాయో తెలుసుకుందాం.
బంగారం ధరలు ద్రవ్యోల్బణం, అంతర్జాతీయ పరిస్థితుల్లో మార్పు, సెంట్రల్ బ్యాంక్ గోల్డ్ రిజర్వ్, వడ్డీ రేట్లలో హెచ్చుతగ్గులు, నగల మార్కెట్‌లతో సహా అనేక పరిణామాల ప్రభావం బంగారం, వెండి ధరలపై ఆధారపడి ఉంటాయి. అక్టోబర్ 10వ తేదీ సోమవారంతో పోలిస్తే అక్టోబర్ 11వ తేదీ మంగళవారం బంగారం, వెండి ధరలు స్వల్పంగా తగ్గాయి.
తెలుగు రాష్ట్రాల్లో బంగారం ధర
హైదరాబాలో 22 క్యారెట్ల బంగారం ధర చూసుకుంటే సోమవారం ధరతో పోలిస్తే మంగళవారం బంగారం ధరలో స్వల్ప తగ్గుదల కనిపించింది. గ్రాము బంగారం ధర మంగళవారం రూ.4,760గా ఉండగా, పది గ్రాముల బంగారం ధర రూ.47,600గా ఉంది. 24 క్యారెట్ల బంగారం కూడా సోమవారంతో పోలిస్తే మంగళవారం ధర గ్రాముకు రూ.27 మేర తగ్గింది. గ్రాము బంగారం ధర 5,193గా ఉండగా, పది గ్రాముల బంగారం ధర రూ.51,930గా ఉంది. ఇవే ధరలు తెలుగు రాష్ట్రాల్లో ప్రధాన నగరాలైన విజయవాడ, విశాఖ పట్నంతో పాటు తెలంగాణలోని వరంగల్ లో కూడా కొనసాగుతున్నాయి.
వివిధ నగరాలలో బంగారం ధరలు
దేశ రాజధాని ఢిల్లీలో కూడా 22, 24 క్యారెట్ల బంగారానికి సంబంధించి సోమవారంతో పోలిస్తే మంగళవారం స్వల్ప తగ్గుదల ఉంది. 22 క్యారెట్ల గ్రాము బంగారం ధర రూ. 4,775గా ఉంది. పది గ్రాముల బంగారం ధర రూ.47,750గా ఉంది. 24 క్యారెట్ల బంగారం గ్రాము ధర ఢిల్లీలో రూ.5,210గా ఉంది. అదే పది గ్రాముల బంగారం అయితే రూ.52,100గా ఉంది.
దేశ ఆర్ధిక రాజధాని ముంబైలో 22 క్యారెట్ల బంగారం ధర ఈరోజు (మంగళవారం) రూ.4,760గా ఉంది. అదే పది గ్రాముల బంగారం ధర రూ.47,600గా ఉంది. ప్యూర్ గోల్డ్ 24 క్యారెట్ల బంగారం గ్రాము ధర రూ.5,193గా ఉంది. పది గ్రాముల బంగారం ధర రూ.51,930గా ఉంది.
దేశంలో అన్ని ప్రధాన నగరాల్లో కంటే చెన్నైలో పసిడి ధరలు అధికంగా ఉన్నాయి. మంగళవారం (అక్టోబర్11) గ్రాము బంగారం ధర రూ. 4,805గా ఉండగా, పది గ్రాముల బంగారం ధర చెన్నైలో రూ.48,050గా ఉంది. అదే 24 క్యారెట్ల బంగారం అయితే సోమవారంతో పోలిస్తే మంగళవారం గ్రాము బంగారం ధర రూ.38 తగ్గింది. దీంతో గ్రాము బంగారం ధర రూ.5,242కు చేరుకోగా, పది గ్రాముల బంగారం ధర రూ.52,420గా ఉంది.
దేశంలో వెండి ధరలు
దేశీయంగా పసిడి ధరల్లో స్వల్ప తగ్గుదల కనిపించగా.. వెండి ధర కూడా స్వల్పంగా తగ్గింది. మన దేశంలో పెళ్లిళ్లు, ఫంక్షన్లు, పూజలు వంటి సమయంలో వెండి వస్తువుల ఖరీదుకి ఆసక్తిని చూపిస్తారు. ప్రస్తుతం పండగల సీజన్ కావడంతో వెండి వస్తువులను కొనుగోలు చేయడానికి మరింత ఆసక్తిని చూపిస్తారు. సోమవారం ధరలతో పోలిస్తే మంగళవారం వెండి ధర కిలోకు రూ.1200 తగ్గింది. దీంతో హైదరాబాద్ సహా తెలుగు రాష్ట్రాల్లోని ప్రధాన నగరాలైన విజయవాడ, విశాఖపట్టణంతో పాటు తెలంగాణలోని వరంగల్ నగరాల్లో నేడు వెండి ధర కిలో రూ.64,800గా ఉంది.
Note: పైన పేర్కొన్న బంగారం ధరలు GST, TCS వంటివి కలిపిన ధరలు కావు.. ఖచ్చితమైన ధరల కోసం మీ స్థానిక నగల వ్యాపారిని సంప్రదించాల్సి ఉంటుంది. ఈ పసిడి వెండి ధరలు.. ఈ రొజు ఉదయం 6 గంటల సమయానికి ఉన్న ధరలు. అయితే ఈ ధరలలో హెక్చుతగ్గులు స్థానిక పరిస్థితిని బట్టి కూడా ఏర్పడవచ్చు. కొనుగోలు దారులు ఈ విషయాన్నీ గమనించాల్సి ఉంటుంది.
మరిన్నిబిజినెస్ వార్తల కోసం చూడండి..
