Credit Score Report: క్రెడిట్ స్కోర్‌ నివేదికలో కూడా తప్పులు ఉంటాయా? ఇలా సరిదిద్దుకోండి!
Credit Score Report: మీ క్రెడిట్ నివేదికలో ఏదైనా తప్పు కనిపిస్తే, మీరు ఆన్‌లైన్ ఫిర్యాదుల విభాగంలో ఫిర్యాదు చేయవచ్చు. బ్యాంక్ స్టేట్‌మెంట్‌లు, లోన్ క్లోజర్ లెటర్‌లను అప్‌లోడ్ చేయండి. ఇందుకు సంబంధించి ఫిర్యాదుల ఫారం CRIF హై మార్క్, CIBIL, ఎక్స్‌పీరియన్, ఈక్విఫ్యాక్స్ అధికారిక వెబ్‌సైట్‌లలో..
Updated on: Mar 20, 2025 | 1:37 PM
క్రెడిట్ స్కోర్‌.. ఇది మీ ఆర్థిక లావాదేవీలలో కీలక పాత్ర పోషిస్తుంది. స్కోర్‌ బాగుంటేనే మీకు బ్యాంకు నుంచి రుణాలు సులభంగా పొందవచ్చు. లేకుంటే బ్యాంకు నుంచి రుణాలు పొందడంలో ఇబ్బంది పడవచ్చు. అందుకే క్రెడిట్ స్కోర్‌ను బాగుంచుకోవడం చాలా ముఖ్యం. అయితే మనం మన క్రెడిట్ రిపోర్ట్ ని చెక్ చేసుకోవాలి. కనీసం సంవత్సరానికి ఒకసారి మీ క్రెడిట్ రిపోర్ట్‌ను తనిఖీ చేసుకోవాలని అంటారు. ఇలా చేయడం వల్ల మీ క్రెడిట్ స్కోరు ఎంత బాగుందో తెలుసుకోవచ్చు. కొన్ని సార్లు మీ క్రెడిట్ స్కోర్‌ తప్పుగా చూపించవచ్చు. అందుకు కారణాలు కూడా ఉంటాయి. ఏవైనా లోపాలను సరిదిద్దుకోవచ్చు. మీరు ఖచ్చితమైన ఆర్థిక లావాదేవీలు చేసినప్పటికీ, మీ క్రెడిట్ సమాచారం కొన్నిసార్లు తప్పుగా కనిపించడం మీరు ఎప్పుడైనా గమనించారా? ఈ క్రెడిట్ లోపాలను మీరే సరిదిద్దుకోవచ్చు.
మీరు మీ క్రెడిట్ నివేదికను మీ స్వంతంగా తెలుసుకోవచ్చు. మీ క్రెడిట్ నివేదికను తనిఖీ చేయడానికి మీరు చేయవలసిన మొదటి విషయం ఏమిటంటే కొత్త కాపీని పొందడం. మీరు CRIF హై మార్క్, CIBIL, ఎక్స్‌పీరియన్, ఈక్విఫ్యాక్స్ వంటి క్రెడిట్ బ్యూరోలు అందించిన సమాచారాన్ని తనిఖీ చేయవచ్చు.
మీరు మీ క్రెడిట్ నివేదికను ఈ వెబ్‌సైట్‌ల ద్వారా డౌన్‌లోడ్ చేసుకోవచ్చు:
- CIBIL- www.cibil.com
- ఎక్స్‌పీరియన్- www.experian.in
- ఈక్విఫాక్స్- www.equifax.co.in
- CRIF హై మార్క్- www.crifhighmark.com
మీ క్రెడిట్ నివేదికను డౌన్‌లోడ్ చేసుకున్న తర్వాత అందులో లోపాలు ఉన్నాయా అని తనిఖీ చేయండి. సాధారణ దోషాలలో పేరు, చిరునామా, పాన్, ఆధార్ వంటి వ్యక్తిగత సమాచారం, ఖాతా సమాచారం, చెల్లింపు జరగలేదని చూపించడం, నకిలీ ఖాతాలు వంటివి నివేదికలో చూపిస్తుంటాయి.
మీరు ఫిర్యాదు చేయవచ్చు:
మీ క్రెడిట్ నివేదికలో ఏదైనా తప్పు కనిపిస్తే, మీరు ఆన్‌లైన్ ఫిర్యాదుల విభాగంలో ఫిర్యాదు చేయవచ్చు. బ్యాంక్ స్టేట్‌మెంట్‌లు, లోన్ క్లోజర్ లెటర్‌లను అప్‌లోడ్ చేయండి. ఇందుకు సంబంధించి ఫిర్యాదుల ఫారం CRIF హై మార్క్, CIBIL, ఎక్స్‌పీరియన్, ఈక్విఫ్యాక్స్ అధికారిక వెబ్‌సైట్‌లలో అందుబాటులో ఉంటుందని నిపుణులు సూచిస్తున్నారు.
పొరపాటు గురించి తెలుసుకోండి:
ఏ ఆర్థిక సంస్థలో పొరపాటు జరిగిందో వారికి తెలియజేయండి. లిఖితపూర్వకంగా ఫిర్యాదు చేయవచ్చు. బ్యాంక్ ఈ విషయంపై దర్యాప్తు చేస్తుంటే, క్రెడిట్ బ్యూరోను అప్‌డేట్ కోసం అడగండి.
సమయం:
లోపాలను సరిచేయడానికి 30 నుండి 45 రోజులు పడుతుంది. దిద్దుబాటు జరిగిందని నిర్ధారించుకోవడానికి మీ క్రెడిట్ నివేదికను తనిఖీ చేయండి.
మరిన్ని బిజినెస్ వార్తల కోసం ఇక్కడ క్లిక్ చేయండి
