ఉద్యోగులను ఆఫీసులకు రప్పించేందుకు కొత్త మార్గం.. ‘ఆఫీస్ పికాకింగ్’ పేరుతో
అదే 'ఆఫీస్ పికాకింగ్' ఇటీవల ఈ పదం ఎక్కువగా వినిపిస్తోంది. ఇంతకీ ఆఫీస్ పికాకింగ్ అంటే ఏంటి.? అసలు దీని ఉద్దేశం ఏంటో ఇప్పుడు తెలుసుకుందాం. కరోనా మహమ్మారి తర్వాత చాలా వరకు కంపెనీలు వర్క్ ఫ్రమ్ హోమ్ విధానాన్ని అమలు చేసిన విషయం తెలిసిందే. అప్పటి వరకు ఈ విధానాన్ని అమలు చేయని సంస్థలు సైతం అనివార్యంగా అమలు చేసే పరిస్థితి వచ్చింది...
కార్పొరేట్ ప్రపంచంలో రోజుకో కొత్త ట్రెండ్ మారుతుంది. రకరకాల పేర్లతో ట్రెండింగ్ అవుతుంటాయి. మొన్నటి మొన్న డ్రై ప్రమోషన్ చర్చనీయాంశంగా మారిన విషయం తెలిసిందే. ప్రస్తుత ఆర్థిక మాంద్య పరిస్థితుల నేపథ్యంలో ఈ డ్రై ప్రమోషన్ను కొన్ని కంపెనీలు అమలు చేశాయి. డ్రై ప్రమోషన్లో ఉద్యోగి పొజిషిన్ మారుతుంది కానీ, ఎలాంటి జీతం పెరగదు. అయితే ఇప్పుడు కార్పొరేట్ వరల్డ్లో మరో కొత్త పదం ట్రెండ్ అవుతోంది.
అదే ‘ఆఫీస్ పికాకింగ్’ ఇటీవల ఈ పదం ఎక్కువగా వినిపిస్తోంది. ఇంతకీ ఆఫీస్ పికాకింగ్ అంటే ఏంటి.? అసలు దీని ఉద్దేశం ఏంటో ఇప్పుడు తెలుసుకుందాం. కరోనా మహమ్మారి తర్వాత చాలా వరకు కంపెనీలు వర్క్ ఫ్రమ్ హోమ్ విధానాన్ని అమలు చేసిన విషయం తెలిసిందే. అప్పటి వరకు ఈ విధానాన్ని అమలు చేయని సంస్థలు సైతం అనివార్యంగా అమలు చేసే పరిస్థితి వచ్చింది. అయితే కరోనా పూర్తిగా తగ్గుముఖం పట్టింది, మళ్లీ పాత రోజులు వచ్చేశాయ్.
దీంతో కంపెనీలు ఉద్యోగులను కచ్చితంగా ఆఫీసులకు రావాలని చెబుతున్నాయి. అయితే ఇప్పటికే కొంత మంది ఉద్యోగులు దీనికి విముకంగా ఉంటున్నారు. వర్క్ ఫ్రమ్ హోమ్ విధానానికి అలవాటు పడ్డవారు ఆఫీసులకు వెళ్లడానికి ఇష్టపడడం లేదు. దీంతో ఉద్యోగులను ఆఫీసులకు రప్పించడం కోసం కంపెనీలు ఈ ఆఫీస్ పికాకింగ్ విధానాన్ని అమలు చేస్తున్నాయి. ఉద్యోగులను రప్పించేందుకు కార్యాలయాల్లో మెరుగైన సౌకర్యాలు కల్పిస్తున్నాయి. ఆఫీస్ను అందంగా అలంకరించడం, కిచెన్లు, ఆకట్టుకునే సోఫాలు, ఫర్నిచర్ను, లైటింగ్ను ఏర్పాటుచేస్తున్నాయి.
దీనినే ఆఫీస్ పికాకింగ్గా చెబుతున్నారు. కోవిడ్ పూర్తిగా తగ్గిపోయిన నాలుగేళ్లు గడుస్తోన్న ఇప్పటికీ ఉద్యోగులు కంపెనీలకు వెళ్లడానికి ఇష్టం చూపకపోవడంతోనే కంపెనీలు ఈ నిర్ణయం తీసుకున్నట్లు చెబుతున్నారు. మరి ఈ విధానంతోనైనా ఉద్యోగులు మళ్లీ పూర్తి స్థాయిలో ఆఫీసుల బాటపడుతారో లేదో చూడాలి.
మరిన్ని బిజినెస్ వార్తల కోసం క్లిక్ చేయండి..