EV Plug: ఎలక్ట్రిక్ వాహనంకొంటున్నారా? ఛార్జింగ్ సాకెట్ కంటే ముందు ఇవి తప్పక చెక్ చేసుకోండి!

EV Chaging Plug In: సొంత ఇల్లు ఉన్నవారికి ఎలక్ట్రిక్ వాహనం (EV) ఛార్జింగ్ పాయింట్ ఏర్పాటు చేసుకోవడం సులభమే కావచ్చు. కానీ, అపార్ట్‌మెంట్లు, హౌసింగ్ సొసైటీలలో ఉండేవారికి ఇది కొంత సంక్లిష్టమైన విషయం. ఈవీని కొనుగోలు చేసే ముందే మీ ఇంటి ఎలక్ట్రిసిటీ లోడ్ (Power Load), బిల్డింగ్ విద్యుత్ వ్యవస్థ సామర్థ్యాన్ని తనిఖీ చేయడం ఎంతో అవసరం.

1. అపార్ట్‌మెంట్లలో ఎదురయ్యే ప్రధాన సమస్యలు:

1. మంజూరైన లోడ్ పరిమితి: సాధారణంగా ప్రతి ఇంటికి విద్యుత్ శాఖ (DISCOM) నిర్దిష్ట విద్యుత్ లోడ్‌ను మాత్రమే మంజూరు చేస్తుంది. ఈవీ ఛార్జర్‌లు ఎక్కువ విద్యుత్‌ను వినియోగిస్తాయి. అందుకే మీ ప్రస్తుత లోడ్ సరిపోకపోవచ్చు.
2. ట్రాన్స్‌ఫార్మర్ సామర్థ్యం: సొసైటీలో ఒకరు లేదా ఇద్దరు ఛార్జర్‌ను ఏర్పాటు చేసుకున్నంత మాత్రాన, అందరికీ అది సాధ్యం కాకపోవచ్చు. బిల్డింగ్ ట్రాన్స్‌ఫార్మర్ ఒకేసారి అనేక EV ఛార్జర్ల భారాన్ని తట్టుకోలేకపోవచ్చు.

2. EV కొనుగోలుకు ముందు మీరు చేయాల్సిన 4 ముఖ్యమైన పనులు:

1. సొంత ఇంటి మంజూరు లోడ్ సరి చూసుకోండి: కారు బుక్ చేసే ముందే మీ పాత కరెంట్ బిల్లు ద్వారా ప్రస్తుత లోడ్ ఎంతో తెలుసుకోండి. ఛార్జర్ ఏర్పాటుకు అదనంగా ఎంత కెపాసిటీ అవసరమో లెక్కించండి.
2. సొసైటీ/RWA తో చర్చించండి: మీ హౌసింగ్ సొసైటీ కమ్యూనిటీ లేదా ఫెసిలిటీ మేనేజర్‌ను కలవండి. అదనపు ఈవీ ఛార్జర్ లోడ్‌ను తట్టుకునేంత సామర్థ్యం సొసైటీ ట్రాన్స్‌ఫార్మర్‌కు ఉందో లేదో తెలుసుకోండి.
3. పార్కింగ్ స్లాట్ కనెక్షన్ విధానం: మీ పార్కింగ్ స్లాట్‌కు విద్యుత్ కనెక్షన్ ఎలా వస్తుందో చూడండి. మీ ప్లాట్ ప్రధాన మీటర్ నుంచే వైరింగ్ ఇస్తారా? లేదా ప్రత్యేక విద్యుత్ మీటర్/కనెక్షన్ అవసరమవుతుందా అనే స్పష్టత తీసుకోండి.
4. అనుమతులు ముందుగానే తీసుకోండి: వాహనం డెలివరీకి ముందే సొసైటీ సంక్షేమ సంఘం (RWA), ఫెసిలిటీ మేనేజ్‌మెంట్, స్థానిక విద్యుత్ సరఫరా సంస్థ నుంచి అవసరమైన అనుమతులు తీసుకోండి.

ఇది కూడా చదవండి: Insurance Claim: వాహనదారులకి ఊరటనిచ్చే తీర్పు.. డ్రైవింగ్ లైసెన్స్ అవసరం లేదు!

నిపుణుల సూచనలు:

ఈవీ ఛార్జర్‌ను కేవలం ఒక సాధారణ హోమ్ అప్లయన్స్‌లా పరిగణించవద్దని, ఛార్జర్ బిగించడం సులభమే కావచ్చు, కానీ లోపల ఉన్న ఎలక్ట్రికల్ నెట్‌వర్క్‌ను పునర్నిర్మించడానికి ఎక్కువ సమయం, ఖర్చు కావచ్చని నిపుణులు సూచిస్తున్నారు.

ఇవి కూడా చదవండి

ఇంటి స్లాబ్‌పై లక్షలోపే రేకుల ఇల్లు నిర్మాణం.. దేనికి ఎంత ఖర్చు?

కారు బ్యాటరీ మధ్యలోనే పాడైపోయిందా? నిమిషాల్లోనే జంప్-స్టార్ట్..!

వాహనదారులకి ఊరటనిచ్చే తీర్పు.. డ్రైవింగ్ లైసెన్స్ అవసరం లేదు..!

రికార్డ్‌ స్థాయిలో కుప్పకూలుతున్న బంగారం ధరలు..భారీ తగ్గింపు

ప్రత్యేక వైరింగ్, భద్రత: కారు ఛార్జింగ్ కోసం నాణ్యమైన వైరింగ్, సరైన MCB, RCCB ప్రొటెక్షన్ సిస్టమ్‌లను ఉపయోగించాలి. BIS లేదా సర్టిఫైడ్ కంపెనీల ఛార్జర్లను మాత్రమే అర్హత కలిగిన ఎలక్ట్రీషియన్ ద్వారా అమర్చుకోవాలి. అలాగే ఎక్స్‌టెన్షన్ బాక్స్‌లు లేదా తాత్కాలిక వైరింగ్ ద్వారా గంటల తరబడి ఛార్జింగ్ చేయడం ప్రమాదకరం.

అపార్ట్‌మెంట్లలో ఒకేసారి అందరూ ఛార్జింగ్ పెట్టినప్పుడు విద్యుత్ గ్రిడ్‌పై భారం పడకుండా ఉండటానికి స్మార్ట్ ఛార్జింగ్ విధానం ఉపయోగపడుతుంది. దీని ద్వారా అందరి వాహనాలకు ఒకే సమయంలో కాకుండా, లభ్యతలో ఉన్న పవర్ ఆధారంగా విడతల వారీగా విద్యుత్ సదుపాయం అందుతుంది.

ఇది కూడా చదవండి: House Construction: ఇంటి స్లాబ్‌పై లక్షలోపే రేకుల ఇల్లు నిర్మాణం.. దేనికి ఎంత ఖర్చు..!

ఇది కూడా చదవండి: Gold Price Today: రికార్డ్‌ స్థాయిలో కుప్పకూలుతున్న బంగారం ధరలు.. ఒక్క రోజులోనే ఎంత తగ్గిందో తెలిస్తే షాకవుతారు!

మరిన్ని బిజినెస్ వార్తల కోసం ఇక్కడ క్లిక్ చేయండి