BSNL Bharat Fiber: రూ.549కే 4000GB డేటా.. హైస్పీడ్‌ ఫైబర్‌ ఇంటర్నెట్‌.. 25కుపైగా OTTలు!

BSNL Bharat Fiber: ప్రభుత్వ రంగానికి చెందిన ప్రముఖ టెలికాం సంస్థ భారత్ సంచార్ నిగమ్ లిమిటెడ్ (BSNL) తన భారత్ ఫైబర్ (FTTH) వినియోగదారుల కోసం ఒక అద్భుతమైన ఆఫర్ అందుబాటులోకి తీసుకువచ్చింది. ఫిక్స్‌డ్ ఓటీటీ ప్యాకేజీలకు స్వస్తి పలుకుతూ యూజర్లు తమకు నచ్చిన రీతిలో డిజిటల్ వినోదాన్ని కస్టమైజ్ చేసుకునేలా BYO OTT Builder సౌకర్యాన్ని పరిచయం చేసింది. ఈ ప్లాన్‌ ద్వారా ఏకంగా 25 కంటే ఎక్కువ ఓటీటీ యాప్స్ ల నుంచి తమకు కావలసిన ప్లాట్ ఫారమ్ లను స్వయంగా ఎంచుకోవచ్చు. దీనికి తోడు భారీ డేటా, వేగవంతమైన ఇంటర్నెట్తో కూడిన భారత్ ఫైబర్ బ్రాడ్ బ్యాండ్ ప్లాన్లను బీఎస్ఎన్ఎల్ పరిచయం చేసింది.

బీఎస్ఎన్ఎల్ భారత్ ఫైబర్ ప్లాన్స్ ఇవే:

• రూ.549తో ఏకంగా 4000GB హైస్పీడ్ డేటాతో అందిస్తోంది. 60Mbps వరకు స్పీడ్ తో వస్తుంది. ఆ తర్వాత 4 Mbps స్పీడ్ లభిస్తుంది.
• రూ.699 ప్యాక్‌తో 4000 జీబీతో 100 Mbps వేగం గల డేటా లభిస్తుంది. ఆ తర్వాత 4 Mbps వరకు స్పీడ్ వస్తుంది.
• రూ.799 ప్యాక్‌తోనూ 4000 GBతో 150 ఎంబీపీఎస్ స్పీడ్‌తో డేటా లభిస్తుంది. ఆ తర్వాత 10 Mbps వరకు స్పీడ్‌తో ఇంటర్నెట్ వస్తుంది.
• రూ.999 ప్యాక్‌తో 5000 GBతో 200 Mbps స్పీడ్‌తో హైస్పీడ్ డేటా వస్తుంది. ఆ తర్వాత 10 Mbps వరకు స్పీడ్ లభిస్తుంది.

రూ.549 ప్లాన్ ఎవరికి ఉపయోగపడుతుంది?

తక్కువ ధరలో బ్రాడ్‌బ్యాండ్ కనెక్షన్ కావాలనుకునేవారికి రూ.549 ప్లాన్ ఒక ఎంపికగా ఉంటుంది. ఈ ప్లాన్‌లో నెలకు 4,000 జీబీ వరకు హైస్పీడ్ డేటా, గరిష్ఠంగా 60 Mbps వేగం లభిస్తాయని కథనం పేర్కొంది. ఇంట్లో సాధారణ ఇంటర్నెట్ వినియోగం, ఆన్‌లైన్ తరగతులు, వీడియో స్ట్రీమింగ్, సోషల్ మీడియా వంటి అవసరాలకు ఈ వేగం ఉపయోగపడవచ్చు. అయితే ఒకేసారి ఎక్కువ పరికరాల్లో భారీ నాణ్యతతో వీడియోలు చూడడం లేదా పెద్ద ఫైళ్లను డౌన్‌లోడ్ చేయడం వంటి అవసరాలుంటే అధిక వేగం గల ప్లాన్లను పరిశీలించవచ్చు.

25కి పైగా ఓటీటీ యాప్స్‌లో నచ్చినవి ఎంచుకోవచ్చు

ఈ ఆఫర్‌లో ప్రధాన ఆకర్షణ BYO OTT Builder సదుపాయం. దీని ద్వారా 25కి పైగా ఓటీటీ ప్లాట్‌ఫామ్‌లలో వినియోగదారులు తమకు కావాల్సిన సేవలను ఎంచుకునే అవకాశం ఉంటుంది. ఈ జాబితాలో జియో హాట్‌స్టార్, సోనీ లివ్, జీ5, లయన్స్‌గేట్ ప్లే, హోయ్‌చోయ్ వంటి ప్లాట్‌ఫామ్‌లు ఉన్నట్లు తెలుస్తోంది. అయితే అన్ని ఓటీటీ సేవలు ప్రతి ప్లాన్‌లోనూ ఉచితంగా లభిస్తాయని భావించకూడదు. ఏ ప్లాట్‌ఫామ్‌కు ఎంత చెల్లించాలి, ఏ ప్లాన్‌కు ఏ సబ్‌స్క్రిప్షన్ వర్తిస్తుంది, ఎన్ని ఓటీటీ సేవలను ఎంచుకోవచ్చనే వివరాలను ముందుగా పరిశీలించడం మంచిది. అధికారిక వెబ్‌సైట్ లో వివరాల కోసం http://www.bsnl.co.in వెబ్‌సైట్‌ను చూడవచ్చు.

ఓటీటీ ప్లాన్‌ను ఎలా ఎంచుకోవాలి?

• బీఎస్ఎన్ఎల్‌కు సంబంధించిన ఓటీటీ పోర్టల్‌ను సందర్శించాలి.
• అందుబాటులో ఉన్న ఓటీటీ ప్లాట్‌ఫామ్‌లు, సబ్‌స్క్రిప్షన్ ప్యాకేజీల వివరాలను పరిశీలించాలి.
• తమకు అవసరమైన ఓటీటీ సేవలను ఎంచుకోవాలి.
• వర్తించే ధరలు, నిబంధనలను నిర్ధారించుకున్న తర్వాత సబ్‌స్క్రిప్షన్‌ను యాక్టివేట్ చేసుకోవాలి.

మరిన్ని బిజినెస్ వార్తల కోసం ఇక్కడ క్లిక్ చేయండి