Bank Holidays November: 10 రోజుల పాటు మూసి ఉండనున్న బ్యాంకులు.. ఏయే రోజు అంటే..!
ప్రతి నెల బ్యాంకులకు సెలవులు ఉంటాయి. ఈ సెలవులను రిజర్వ్ బ్యాంక్ ఆఫ్ ఇండియా (ఆర్బీఐ) విడుదల చేస్తుంటుంది. అయితే ఈ సెలవులను గమనిస్తే బ్యాంకు పనులను..
Updated on: Oct 30, 2022 | 5:35 AM
ప్రతి నెల బ్యాంకులకు సెలవులు ఉంటాయి. ఈ సెలవులను రిజర్వ్ బ్యాంక్ ఆఫ్ ఇండియా (ఆర్బీఐ) విడుదల చేస్తుంటుంది. అయితే ఈ సెలవులను గమనిస్తే బ్యాంకు పనులను ముందస్తుగా ప్లాన్ చేసుకోవచ్చు. ప్రతి నెల బ్యాంకులకు ఏయే రోజుల్లో సెలవులు ఉన్నాయి.. అనే విషయాలను ముందస్తుగా గమనించుకోవాల్సిన అవసరం ఉంది. ఇలా సెలవులను తెలుసుకుంటే బ్యాంకులు తెరిచి ఉన్న రోజుల్లో బ్యాంకు పనులు చేసుకునేందుకు ఆస్కారం ఉంటుంది. లేకపోతే బ్యాంకులకు ఎప్పుడు సెలవులు ఉంటాయో తెలుసుకోకపోతే తర్వాత ఇబ్బందులు పడాల్సి ఉంటుంది. ఈ నేపథ్యంలో నవంబర్ నెలలో బ్యాంకులు 10 రోజుల పాటు మూత పడనున్నాయి. ఇందులో రెండో శనివారం, ఆదివారాలు కూడా ఉన్నాయి. ఇంకో విషయం కొన్ని రాష్ట్రాల్లో మూసి ఉండవచ్చు.. మరి కొన్ని రాష్ట్రాల్లో తెరిచి ఉండవచ్చు. రాష్ట్రాలను బట్టి ఆర్బీఐ సెలవులను నిర్ణయిస్తుంది.
నవంబర్ నెలలో బ్యాంకులు మూసి ఉండే తేదీలు:
- నవంబర్ 1న – కర్ణాటక ఆవిర్భావ దినోత్సవం, బెంగళూరు, ఇంఫాల్లో బ్యాంకులకు సెలవు
- నవంబర్ 6 – ఆదివారం
- నవంబర్ 8 – గురునానక్ జయంతి, కార్తీక పౌర్ణమి..అగర్తల, బెంగళూరు, గ్యాంగ్టక్, గౌహతి, ఇంఫాల్, కోచి, పాణాజి, పాట్నా, షిల్లాంగ్, తిరువనంతపురంలో సెలవు
- నవంబర్ 11 – కనకదాస జయంతి-వంగల పండుగ..బెంగళూరు, షిల్లాంగ్లో సెలవు
- నవంబర్ 12 – రెండో శనివారం
- నవంబర్ 13 ఆదివారం
- నవంబర్ 20 – ఆదివారం
- నవంబర్ 23 – సేంగ్ పండగ (షిల్లాంగ్లో సెలవు)
- నవంబర్ 26- నాలుగో శనివారం
- నవంబర్ 27 – ఆదివారం
మరిన్ని బిజినెస్ వార్తల కోసం ఇక్కడ క్లిక్ చేయండి
