SBI Customers Alert: ఎస్బీఐ ఖాతాదారులకు గుడ్ న్యూస్.. మిస్డ్ కాల్ తోనే బ్యాంక్ స్టేట్ మెంట్.. వివరాలివి..
ఎస్బీఐ ఆన్ లైన్, యోనో యాప్ లలో వినియోగదారుల ఖాతాలకు సంబంధించిన పూర్తి వివరాలు అందిస్తోంది. అలాగే టోల్ ఫ్రీ నంబర్, ఎస్ఎంఎస్ ల వంటి వాటి ద్వారా ఖాతా బ్యాలెన్స్ వివరాలు ఇస్తోంది. ఇప్పుడు మినీ స్టేట్‌మెంట్‌ను కూడా మిస్డ్ కాల్ ద్వారా వచ్చేలా ఏర్పాట్లు చేసింది.
Madhu |
Updated on: Jan 29, 2023 | 3:35 PM
మన దేశంలో అతి పెద్ద ప్రభుత్వ రంగ బ్యాంక్ అయిన స్టేట్ బ్యాంక్ ఆఫ్ ఇండియా(SBI) తన వినియోగదారులకు అత్యాధునిక సాంకేతికతో కూడిన సదుపాయాలను అందించడంలో ఎప్పుడూ ముందు ఉంటుంది. ఎస్బీఐ ఆన్ లైన్, యోనో యాప్ లలో వినియోగదారుల ఖాతాలకు సంబంధించిన పూర్తి వివరాలు అందిస్తోంది. అలాగే టోల్ ఫ్రీ నంబర్, ఎస్ఎంఎస్ ల వంటి వాటి ద్వారా ఖాతా బ్యాలెన్స్ వివరాలు అందిస్తుండగా.. ఇప్పుడు మినీ స్టేట్‌మెంట్‌ను కూడా మిస్డ్ కాల్ ద్వారా వస్తోంది.
ఫోన్ నంబర్ లింకై ఉంటేనే..
ఖాతాదారులకు ముఖ్యంగా అకౌంట్ బ్యాలెన్స్, మినీ స్టేట్ మెంట్ ఎక్కువగా అవసరం అవుతాయి. వీటిని తక్షణం పొందేందుకు ఎస్బీఐ అనేక రకాల మార్గాలను ప్రవేశపెట్టింది. కస్టమర్లు ఎస్బీఐ క్విక్ బ్యాంకింగ్, మిస్డ్ కాల్ బ్యాంకింగ్, ఎస్ఎంఎస్ బ్యాంకింగ్, మొబైల్, నెట్ బ్యాంకింగ్ వంటి వివిధ మార్గాల్లో మినీ-స్టేట్‌మెంట్‌ను పొందవచ్చు. అయితే స్టమర్‌లు తప్పనిసరిగా వారి ఫోన్ నంబర్‌ను ఖాతాకు లింక్ చేసుకొని ఉంటేనే ఇది సాధ్యమవుతుంది. ఈ మినీ స్టేట్‌మెంట్‌లో NEFT, RTGS, IMPS, UPI వంటి వివిధ మోడ్‌ల ద్వారా నిర్వహించబడే అన్ని లావాదేవీల వివరాలు ఉంటాయి.
బ్యాలెన్స్ ఇలా.. ఎస్బీఐ టోల్-ఫ్రీ నంబర్ 9223766666 ద్వారా కస్టమర్లు వారి ఫోన్లోనే ఎస్ఎంఎస్ లేదా కాల్ చేయడం ద్వారా బ్యాలెన్స్ వివరాలను పొందవచ్చు. మినీ స్టేట్ మెంట్ ఇలా.. గత 5 లావాదేవీల గురించి తెలుసుకోవడానికి SBI మినీ స్టేట్‌మెంట్ నంబర్ 09223866666కి మిస్డ్ కాల్ ఇవ్వండి. రెండు రింగ్‌ల తర్వాత కాల్ డిస్‌కనెక్ట్ అవుతుంది. ఆ తర్వాత వినియోగదారు ఫోన్ కి మినీ స్టేట్‌మెంట్‌తో ఎస్ఎంఎస్ వస్తుంది. ఆ ఖాతాపై ఇటీవల చేసిన ఐదు లావాదేవీలు అందులో కనిపిస్తాయి.
మొబైల్ బ్యాంకింగ్ రిజిస్ట్రేషన్ ఇలా..
- ఎస్ఎంఎస్, లేదా మొబైల్ సేవలను పొందేందుకు ఎస్బీఐ ఖాతాదారులు తమ ఖాతాకు ఫోన్ నంబర్ ను లింక్ చేసుకోవాలి.
- ఆ తర్వాత రిజిస్టర్డ్ మొబైల్ నంబర్ నుంచి 09223488888కి ‘REG Account Number’అని SMS పంపాలి.
- ఇది విజయవంతం అయినట్లు మీకు మెసేజ్ వస్తుంది. అప్పుడు రిజిస్ట్రేషన్ పూర్తయినట్లు లెక్క.
మరిన్ని బిజినెస్ వార్తల కోసం..
