Gold Karat: బంగారం క్యారెట్ల మధ్య తేడా ఏంటి? స్వచ్ఛతను ఎలా గుర్తిస్తారు?
Gold Karat: మీరు కొనుగోలు చేసే బంగారు ఆభరణాలలో ఎంత బంగారం ఉందో క్యారెట్ ద్వారా తెలుసుకోవడం చాలా సులభం. ఉదాహరణకు, మీరు 14 క్యారెట్ల బంగారంతో కూడిన ఉంగరాన్ని కొనుగోలు చేసినట్లయితే బంగారం స్వచ్ఛతను 0 నుండి 24 స్కేల్లో కొలుస్తారు..
Updated on: Sep 28, 2025 | 12:01 PM
Gold Karat: ప్రస్తుతం బంగారం ధరలు భగ్గుమంటున్నాయి. మన భారతీయ సాంప్రదాయంలో మహిళలు బంగారానికి అత్యంత ప్రాధాన్యత ఇస్తారు. చాలా మంది చూపు బంగారంపైనే ఉంటుంది. బంగారం పెరిగినా, తగ్గినా అది హైలెట్ అవుతుంది. రానున్న ప్రస్తుతం బంగారం ధర తులానికి రూ.లక్షా 16 వేల వరకు ఉండగా, రానున్న రోజుల్లో మరింత పెరిగే అవకాశం ఉందని బులియన్ మార్కెట్ నిపుణులు అంచనా వేస్తున్నారు. అయితే బంగారం స్వచ్ఛతను గుర్తించేందుకు ISO (ఇండియన్ స్టాండర్డ్ ఆర్గనైజేషన్) ద్వారా హాల్ మార్కులు ఇస్తారు. 24 క్యారెట్ల బంగారు ఆభరణాలపై 999, 23 క్యారెట్లపై 958, 22 క్యారెట్పై 916, 21 క్యారెట్పై 875, 18 క్యారెట్పై 750 అని రాసి ఉంటుంది. ఎక్కువగా బంగారాన్ని 22 క్యారెట్లలో విక్రయిస్తుండగా, కొందరు 18 క్యారెట్లను కూడా ఉపయోగిస్తున్నారు.
ఇది కూడా చదవండి: Bank Holidays: నేటి నుండి వరుసగా 10 రోజులు బ్యాంకులు బంద్.. ఎందుకో తెలుసా..?
22, 24 క్యారెట్ల మధ్య తేడా ఏమిటో తెలుసా?
బంగారంలో క్యారెట్ల రకాలు
- 24 క్యారెట్ బంగారం: ఇది 99.9 శాతం స్వచ్ఛతను సూచిస్తుంది. అలాగే దీనిని స్వచ్ఛమైన బంగారం అని కూడా పిలుస్తారు. 24 క్యారెట్ల కంటే ఎక్కువ బంగారం రూపం లేదని మీరు తెలుసుకోవాలి. భారతదేశంలో బంగారం ధర ప్రతిరోజూ మారుతూ ఉంటుంది. కానీ ఇది బంగారం స్వచ్ఛమైన రూపం కాబట్టి, ఇది సహజంగా 22 క్యారెట్ లేదా 18 క్యారెట్ కంటే ఖరీదైనది. అయితే, ఇది పెట్టుబడి ప్రయోజనాల కోసం సరిపోతుంది.
- 22 క్యారెట్ బంగారం: ఇందులో రాగి, జింక్ వంటి ఇతర లోహాల 2 భాగాలతో కలిపి 22 భాగాల బంగారం ఉంటుంది. 24 క్యారెట్ల బంగారంతో ఆభరణాలు తయారు చేయలేము కాబట్టి 22 క్యారెట్ల బంగారం ఆభరణాల తయారీకి అనుకూలంగా ఉంటుంది. ఈ క్యారెట్ బంగారాన్ని ‘916 బంగారం’ అని కూడా పిలుస్తారు. ఎందుకంటే ఇందులో 91.67% స్వచ్ఛమైన బంగారం ఉంటుంది.
- 18 క్యారెట్ బంగారం: ఇందులో 18 భాగాల బంగారం, 6 ఇతర లోహాలు ఉంటాయి. 18 క్యారెట్ బంగారం 75% బంగారానికి సమానం, మిగిలిన 25% జింక్, రాగి, నికెల్ మొదలైన ఇతర లోహాలను కలిగి ఉంటుంది. 18 క్యారెట్ల బంగారంలోని అదనపు లోహాలు 24 క్యారెట్, 22 క్యారెట్ల కంటే గట్టివి, మన్నికైనవి.
- 14 క్యారెట్ బంగారం: ఇది 58.3% బంగారం, 41.7% ఇతర లోహాలతో రూపొందించి ఉంటుంది. 18 క్యారెట్ల బంగారంతో పోలిస్తే 14 క్యారెట్ ఎక్కువ మన్నికైనది, చౌకైనది. 14 క్యారెట్ల బంగారు ఆభరణాలు రోజువారీ వినియోగానికి మంచివి.18, 22 క్యారెట్ల బంగారం కంటే ధరించడానికి మరింత అనుకూలంగా ఉంటాయి.
ఇది కూడా చదవండి: School Holidays: అక్కడ అక్టోబర్ 6 వరకు పాఠశాలలకు సెలవులు!
క్యారెట్ ఉపయోగించి బంగారం స్వచ్ఛతను ఎలా కొలుస్తారు?
మీరు కొనుగోలు చేసే బంగారు ఆభరణాలలో ఎంత బంగారం ఉందో క్యారెట్ ద్వారా తెలుసుకోవడం చాలా సులభం. ఉదాహరణకు, మీరు 14 క్యారెట్ల బంగారంతో కూడిన ఉంగరాన్ని కొనుగోలు చేసినట్లయితే బంగారం స్వచ్ఛతను 0 నుండి 24 స్కేల్లో కొలుస్తారు కాబట్టి, 14ని 24తో భాగిస్తే మీకు 0.583 వస్తుంది. అంటే మీ 14 క్యారెట్ల బంగారు ఉంగరంలో 58.3% బంగారం ఉంటుంది.
బంగారు క్యారెట్ అంటే ఏమిటి?
22 క్యారెట్ల బంగారం, 24 క్యారెట్ల బంగారం మధ్య వ్యత్యాసాన్ని అర్థం చేసుకునే ముందు, మీరు క్యారెట్ అంటే ఏమిటో తెలుసుకోవాలి. ఇది బంగారం స్వచ్ఛతను కొలవడానికి ఉపయోగించే పదం. క్యారెట్ విలువ ఎంత ఎక్కువగా ఉంటే బంగారం అంత స్వచ్ఛంగా ఉంటుంది. ఇది 0 నుండి 24 స్కేల్లో కొలుస్తారు. దీన్ని దృష్టిలో ఉంచుకుని, 24 క్యారెట్ల బంగారం మీరు కొనుగోలు చేయగల స్వచ్ఛమైన బంగారం. రాగి, నికెల్, వెండి, పల్లాడియం వంటి ఇతర లోహాలు బంగారాన్ని బలోపేతం చేయడానికి మరియు ఆభరణాలను ఉత్పత్తి చేయడానికి జోడిస్తారు. అందువలన, క్యారెట్ అనేది ఇతర లోహాలు లేదా మిశ్రమాలకు బంగారం నిష్పత్తిని కూడా కొలమానం అని చెప్పవచ్చు.
మిస్డ్ కాల్ ద్వారా ధరలు:
బంగారం ధరలను తెలుసుకోవడానికి 8955664433కి మిస్డ్ కాల్ ఇవ్వవచ్చు. రేట్లు SMS ద్వారా అందుబాటులో ఉంటాయి. ఇది కాకుండా, నిరంతర అప్డేట్ల గురించి సమాచారం కోసం మీరు www.ibja.co లేదా ibjarates.comని సందర్శించవచ్చు. బంగారం ధరలు జీఎస్టీ, ఇతర ఛార్జీలను కలిపి ఉండవు. ఖచ్చితమైన ధరల కోసం మీ స్థానిక ఆభరణాల వ్యాపారిని సంప్రదించవచ్చు.
హాల్మార్క్ను గుర్తుంచుకోండి:
ప్రజలు బంగారం కొనుగోలు చేసేటప్పుడు దాని నాణ్యతను గుర్తుంచుకోవాలి. వినియోగదారులు హాల్మార్క్ గుర్తును చూసిన తర్వాత మాత్రమే కొనుగోలు చేయాలి. హాల్మార్క్ అనేది బంగారంపై ప్రభుత్వ హామీ, బ్యూరో ఆఫ్ ఇండియన్ స్టాండర్డ్స్ (BIS) హాల్మార్క్ని నిర్ణయిస్తుంది. హాల్మార్కింగ్ స్కీమ్ బ్యూరో ఆఫ్ ఇండియన్ స్టాండర్డ్స్ యాక్ట్, నియమాలు, నిబంధనల ప్రకారం పనిచేస్తుంది.
ఇది కూడా చదవండి: TVS: కస్టమర్లకు గుడ్న్యూస్.. భారీగా తగ్గిన టీవీఎస్ బైక్, స్కూటర్ల ధరలు
