ఏడేళ్ల చిన్నారిపై అఘాయిత్యానికి యత్నించిన కామాంధుడు

కామాంధుల లైంగిక వేధింపులకు మరో చిన్నారి బలైంది. అభంశుభం తెలియని ఏడేళ్ల చిన్నారిపై అఘాయిత్యానికి యత్నించాడు ఓ దుర్మార్గుడు. ఇంటి ముందు ఆడుకుంటున్న బాలికను మాయామాటలతో ఎత్తుకెళ్లి అత్యాచారానికి యత్నించాడు. ఈ దారుణం అనంతపురం జిల్లాలోని పుట్లూరు పోలీస్ స్టేషన్ కు కూత వేటు దూరంలో ఈ ఘటన చోటుచేసుకుంది.

పుట్లూరు చెందిన ఏడేళ్ల చిన్నారి ఇంటి ముందుకు ఆడుకుంటుండగా, అదే ప్రాంతానికి చెందిన రామాంజనేయులు(35) బాలికకు మాయ మాటలు చెప్పి ఇంట్లోకి ఎత్తుకెళ్లాడు. అనంతరం బాలికపై లైంగికదాడికి యత్నించాడు. దీంతో బాలిక అరుపులకు భయపడి వదిలివేసి పారిపోయాడు. జరిగిన విషయాన్ని బాలిక తల్లికి చెప్పడంతో విషయం వెలుగులోకి వచ్చింది. జరిగిన ఘటనపై పుట్లూరు పోలీసులకు బాలిక తల్లి ఫిర్యాదు చేసింది. బాలికను వైద్య పరీక్షల కోసం అనంతపురం ఆసుపత్రికి తరలించిన పోలీసులు దర్యాప్తు చేపట్టారు. నిందితుడు రామాంజనేయులు కోసం గాలింపుచర్యలు చేపట్టారు.