భార్యకు వైద్యం చేయించలేక ఓ భర్త ఘాతుకం.. కత్తితో పొడిచి దారుణహత్య..!

Man fed up of unwell wife kills : కష్ట సుఖాల్లో జీవితాంతం తోడుంటాడనుకున్న భర్తే కాలయముడయ్యాడు. బతుకు భారంగా కాలం వెల్లదీస్తున్న సతీమణినే హతమార్చాడు ఓ కిరాతకుడు.. భార్య అనారోగ్యం, తడిసిమోపెడవుతున్న వైద్య ఖర్చులతో విసుగు చెందిన ఓ భర్త దారుణానికి ఒడిగట్టాడు. భార్యను కత్తితో పొడిచి హత్య చేశాడు. మహారాష్ట్రలోని పర్భనీ జిల్లా ముద్గల్ గ్రామంలో ఈ దారుణం జరిగింది. ఈ ఘటనకు సంబంధించి కేసు నమోదు చేసుకున్న పోలీసులు దర్యాప్తు చేపట్టారు.

పోలీసులు తెలిపిన వివరాల ప్రకారం.. పర్భనీ జిల్లా ముద్గల్ గ్రామానికి చెందిన ఇద్దరు దంపతుల కుటుంబం సాఫీగా సాగుతోంది. అయితే, ఇటీవల మెదడులో కణితి కారణంగా నిందితుడి భార్య కొంత కాలంగా బాధపడుతోంది. దీంతో ఆమె వైద్యం కోసం ఖర్చులు పెరిగిపోయాయి. కాగా, గత కొంతకాలంగా ఉద్యోగం లేక భర్త తీవ్ర ఆర్థిక ఇబ్బందుల్లో కూరుక్కుపోయాడు. ఇదే క్రమంలో నిందితుడు శనివారం రాత్రి పదునైన కత్తితో భార్యను పొడిచి హతమార్చాడు. అనంతరం.. రక్తంతో తడిసిన దుస్తులను ఇంటికి సమీపంలో పారేశాడు. ఇదంతా గమనించిన ఇరుగుపొరుగు వారు పోలీసులకు సమాచారం అందించారు. దీంతో ఘటనా స్థలానికి చేరుకున్న పోలీసులు.. దుస్తులను స్వాధీనం చేసుకుని విచారణ చేపట్టారు. అనంతరం మృతదేహాన్ని స్వాధీనం చేసుకుని పోస్టుమార్టం నిమిత్తం తరలించారు.

ఈ ఘటనకు సంబంధించి కేసు నమోదు చేసుకున్న పోలీసులు ఆదివారం నిందితుడిని అదుపులోకి తీసుకుని విచారణ చేపట్టడంతో అసలు విషయం వెల్లడించాడు. భార్య అనారోగ్యం వైద్య ఖర్చులతో విసుగు చెందిన ఆమెను హత్య చేశాను అని నిందితుడు తన నేరాన్ని అంగీకరించాడు. హత్యానేరంతో పాటూ వివిధ సెక్షన్ల కింద పోలీసులు నిందితుడిపై కేసు నమోదు చేశారు.

Read Also …. ఆధారాలు లేని నిందలు, అధికారుల నిర్లక్ష్యం.. చేయని నేరానికి 20 ఏళ్లుగా జైలుశిక్ష.. బతుకు దారి కనిపించని బాటసారి..!

SuperStar Krishna : 50 వ‌సంతాలు పూర్తి చేసుకున్న విజ‌య‌కృష్ణ మూవీస్..సూపర్ స్టార్ కృష్ణను సత్కరించిన నరేష్