Bigg Boss 4 : అభిజీత్ హీరోగా తమన్నా హీరోయిన్ గా పెట్టి సినిమా తీస్తాన్న దెత్తడి హారిక..

బిగ్ బాస్ సీజన్ 4 లో హౌస్ లో అడుగు పెట్టిన దగ్గర నుంచి తనదైన యాటిట్యూడ్ తో ఆకట్టుకుంది  హారిక . బిగ్ బాస్ కు వెళ్లకముందే ఎంతో మంది అభిమానులను సంపాధించుకుంది హారిక. అమెజాన్ కంపెనీలో మంచి మంచి పొజీషన్ లో ఉద్యోగం ఉన్నా టాలెంట్ ను నిరూపించుకోవడం కోసం జాబ్ ను వదిలేసింది. తెలంగాణ యాసలో అదరగొడుతూ యూట్యూబ్ స్టార్ గా గుర్తింపు తెచ్చుకుంది.

తాజాగా టీవీ 9 తో మాట్లాడుతూ ఆసక్తికర విషయాలను పంచుకుంది ఈ అల్లరి పిల్ల. హారిక మాట్లాడుతూ.. ‘ఇంకా  బిగ్ బాస్ హౌస్ లోనే ఉన్న ఫీలింగ్ లో ఉన్నాను. మా ఇల్లుకూడా నాకు కొత్తగా ఉందని’తెలిపింది. ఇక బిగ్ బాస్ హౌస్ లో ఎక్కువగా ఇంగ్లీష్ మాట్లాడానికి కారణం చెప్తూ ‘బయట తెలంగాణలోనే మాట్లాడుతా.. కానీ హౌస్ లో ఎదుటివాళ్ళు మాట్లాడుతుంటే నాకుకూడ ఇంగ్లిష్ వచ్చేసిందని’చెప్పింది . ఇక హారికాకు డైరెక్షన్ ఛాన్స్ వస్తే  బిగ్ బాస్ విన్నర్ అభిజీత్  హీరోగా, తమన్నాను హీరోయిన్ గా పెట్టి సినిమా తీస్తానని అలాగే సోహెల్ కు ఫ్రెండ్ క్యారెక్టర్,అఖిల్ ను విలన్ గా తీసుకుంటా అని చెప్పుకొచ్చింది హారిక.

ఇక బిగ్ బాగ్ హౌస్ లో హారిక అభిజీత్ మధ్య ఎదో జరుగుతుంది అని సోషల్ మీడియాలో చర్చ జరిగిన విషయం తెలిసిందే. చాలా మంది ఈ ఇద్దరిమధ్య లవ్ ట్రాక్ నడుస్తుందని అభిప్రాయపడ్డారు. కానీ అభీ తనకు బెస్ట్ ఫ్రెండ్ అని తెలిపింది. హౌస్ లో ఉన్నప్పుడు చాలా క్లోజ్ ఫ్రెండ్స్ గా ఉన్నాం. మా ఇద్దరినీ అభిమానించిన ప్రేక్షకులందరికీ చాలా థాంక్స్ అని చెప్పింది. అలాగే బిగ్ బాస్ హౌస్ లో ఏడ్చినా వాళ్ళందరూ నిజంగా ఫీల్ అయ్యి ఏడ్చినా వాళ్ళే.. కమల్ హాసన్ గారు నన్ను సేవ్ చేసినప్పుడు నా ఫ్యూజులు ఎగిరిపోయాయి.  అది నా లైఫ్ లో మరిచిపోలేనిది. బ్రేకప్ స్టోరీ గురించి మాట్లాడుతూ.. నాలుగు సంవత్సరాలు రిలేషన్ లో ఉన్నామంటే మాటలు కాదు. నాలుగు సంవత్సరాలు ఇంట్లో వాళ్లకు తెలియకుండా అతడిని కలిసేదాన్ని. లవ్ లోచాలా నేర్చుకుంటాం.. ఇప్పుడు నాకు పెళ్లిమీద కూడా ఇంట్రస్ట్ లేదు.. వచ్చే 5 ఏళ్ళు పూర్తిగా కెరియర్ కు కేటాయిస్తా అని చెప్పుకొచ్చింది హారిక. ప్రస్తుతానికి ఎలాంటి ఆఫర్స్ రాలేదని ఒకవేళ వస్తే ఛాలెంజింగ్ రోల్స్ లో నటించాలని ఆసక్తిగా ఉందని తెలిపింది హారిక.