Horoscope Today: అనేక విధాలుగా వారికి ఆదాయ వృద్ధి.. 12 రాశుల వారికి రాశిఫలాలు
Today Horoscope: మే 13, 2025 నాటి 12 రాశుల దినఫలాలను ఇక్కడ వివరించడం జరిగింది. మేష రాశివారికి ఆర్థిక ఇబ్బందులు కలిగే అవకాశముంది. వృషభ రాశివారికి ఆదాయ వృద్ధికి అవకాశముంది. మిథున రాశివారికి అనారోగ్యం నుండి ఉపశమనం లభిస్తుంది. ఇతర రాశుల వారికి వృత్తి, వ్యాపారం, కుటుంబ జీవితం, ఆరోగ్యంపై జ్యోతిష్య అంచనాలు ఇక్కడ ఇవ్వడం జరిగింది.
దిన ఫలాలు (మే 13, 2025): మేష రాశి వారికి ఆర్థిక వ్యవహారాల నిర్వహణ లోపభూయిష్ఠంగా సాగుతుంది. ఆదాయంలో ఎక్కువ భాగం వృథా అయ్యే అవకాశం ఉంటుంది. వృషభ రాశి వారికి ఆదాయం బాగానే వృద్ధి చెందే అవకాశం ఉంది. రోజంతా సానుకూలంగా, సంతృప్తికరంగా సాగిపోతుంది. మిథున రాశి వారికి అనారోగ్యం నుంచి ఉపశమనం లభిస్తుంది. పిల్లల నుంచి శుభవార్తలు అందుకుంటారు. మేష రాశి మొదలు మీన రాశి వరకు 12 రాశుల వారికి మంగళవారంనాటి రాశిఫలాలు ఎలా ఉన్నాయంటే..
మేషం (అశ్విని, భరణి, కృత్తిక 1)
ఆర్థిక వ్యవహారాల నిర్వహణ లోపభూయిష్ఠంగా సాగుతుంది. ఆదాయంలో ఎక్కువ భాగం వృథా అయ్యే అవకాశం ఉంటుంది. ఉద్యోగంలో అధికారులతో ఎంత జాగ్రత్తగా ఉంటే అంత మంచిది. ఇంటా బయటా గౌరవ మర్యాదలు పెరుగుతాయి. బంధుమిత్రులతో విభేదాలు, వివాదాలు చాలా వరకు పరిష్కారం అవుతాయి. కొత్త వ్యక్తులు పరిచయం అవుతారు. వృత్తి, వ్యాపారాల్లో శ్రమాధిక్యత ఉన్నా ఫలితం ఉంటుంది. కుటుంబ జీవితం సాదా సీదాగా సాగిపోతుంది. ఆరోగ్యం బాగానే ఉంటుంది.
వృషభం (కృత్తిక 2,3,4, రోహిణి, మృగశిర 1,2)
ఆదాయం బాగానే వృద్ధి చెందే అవకాశం ఉంది. రోజంతా సానుకూలంగా, సంతృప్తికరంగా సాగిపోతుంది. ఆస్తి వివాదం ఒకటి పరిష్కారమయ్యే అవకాశం ఉంది. వృత్తి, ఉద్యోగాల్లో కొద్దిగా ఒత్తిడి, శ్రమ ఉన్నప్పటికీ, అధికారుల ఆదరణ లభిస్తుంది. వ్యాపారంలో లాభాలు పెరగడానికి అవకాశం ఉంది. తలపెట్టిన వ్యవహారాలు నిదానంగా పూర్తవుతాయి. ఇంటా బయటా గౌరవ మర్యాదలు పెరుగుతాయి. నిరుద్యోగులకు మంచి ఉద్యోగం లభించే అవకాశం ఉంది. ఆరోగ్యానికి ఇబ్బంది ఉండదు.
మిథునం (మృగశిర 3,4, ఆర్ద్ర, పునర్వసు 1,2,3)
వృత్తి, ఉద్యోగాల్లో ప్రాధాన్యం, ప్రాభవం పెరుగుతాయి. నిరుద్యోగులకు సమయం బాగా అనుకూలంగా ఉంది. వ్యాపారాలు కూడా లాభసాటిగా సాగిపోతాయి. అనారోగ్యం నుంచి ఉపశమనం లభిస్తుంది. పిల్లల నుంచి శుభవార్తలు అందుకుంటారు. అనేక విధాలుగా ఆదాయం వృద్ధి చెందుతుంది కానీ, కుటుంబ సభ్యుల మీద ఖర్చులు అంచనాలను మించుతాయి. పెళ్లి ప్రయత్నాలు కూడా ఒక కొలిక్కి వస్తాయి. అనవసర పరిచయాలకు వీలైనంత దూరంగా ఉండడం మంచిది.
కర్కాటకం (పునర్వసు 4, పుష్యమి, ఆశ్లేష)
ఆదాయానికి లోటుండదు. ఆర్థిక పరిస్థితి ఇతరులకు సహాయం చేయగల స్థితిలో ఉంటుంది. నిరుద్యోగులకు ఆశించిన అవకాశాలు అంది వస్తాయి. పెళ్లి ప్రయత్నాలు సఫలమవుతాయి. ఉద్యోగంలో హోదా పెరగడానికి అవకాశం ఉంది. వృత్తి, వ్యాపారాలు అనుకూలంగా సాగిపోతాయి. పిల్లల నుంచి శుభవార్తలు వింటారు. ఆర్థిక లావాదేవీలకు దూరంగా ఉండడం మంచిది. సొంత పనుల మీద శ్రద్ధ పెట్టడం ఉత్తమం. కుటుంబ జీవితం సాఫీగా సాగిపోతుంది. ఆరోగ్యం బాగానే ఉంటుంది.
సింహం (మఖ, పుబ్బ, ఉత్తర 1)
వృత్తి, ఉద్యోగాలలో లక్ష్యాలు, బాధ్యతలు పెరుగుతాయి. పని భారంతో విశ్రాంతి కరువవుతుంది. వ్యాపారాల్లో లాభాలు నిలకడగా సాగిపోతాయి. ఆర్థిక వ్యవహారాలను సమర్థవంతంగా పూర్తి చేస్తారు. ఇంటా బయటా పరిస్థితులు అనుకూలంగా ఉంటాయి. కొద్ది ప్రయత్నంతో నిరుద్యోగులు ఉద్యోగం సంపాదించుకుంటారు. కుటుంబ జీవితం సంతృప్తికరంగా సాగిపోతుంది. జీవిత భాగస్వామితో అపార్థాలు తొలగిపోయి అనుకూలతలు పెరుగుతాయి. ఆదాయం నిలకడగా సాగిపోతుంది.
కన్య (ఉత్తర 2,3,4, హస్త, చిత్త 1,2)
ఆదాయం పెరగడమే తప్ప తగ్గడం ఉండదు. ఎంత ప్రయత్నం చేస్తే అంత మంచిది. షేర్లు, స్పెక్యులేషన్ల మీద పెట్టుబడులు పెట్టడానికి సమయం బాగా అనుకూలంగా ఉంది. కొందరు బంధు మిత్రుల నుంచి సమస్యలు తలెత్తే సూచనలున్నాయి. ఆర్థిక విషయాల్లో అప్రమత్తంగా ఉండడం మంచిది. వృత్తి, వ్యాపారాల్లో లాభాలు బాగా పెరుగుతాయి. ఉద్యోగంలో పదోన్నతి లభించే అవకాశం ఉంది. ఆస్తి వివాదం రాజీమార్గంలో పరిష్కారం కావచ్చు. స్వల్ప అనారోగ్య సూచనలున్నాయి.
తుల (చిత్త 3,4, స్వాతి, విశాఖ 1,2,3)
ఆర్థిక వ్యవహారాల్లో కాస్తంత జాగ్రత్తగా ఉండాల్సిన అవసరం ఉంది. ఆదాయానికి లోటు లేకపోయినప్పటికీ, అనవసర ఖర్చులు అదుపు తప్పే అవకాశం ఉంది. కుటుంబంలో శుభ పరిణామాలు చోటుచేసుకుంటాయి. ఉద్యోగ, పెళ్లి ప్రయత్నాల్లో ఆశించిన శుభవార్తలు వింటారు. గృహ, వాహన ప్రయత్నాల మీద దృష్టి సారిస్తారు. వ్యాపారంలో అంచనాలకు మించి లాభాలు గడిస్తారు. ఆకస్మిక ధన లాభానికి అవకాశం ఉంది. వృత్తి, ఉద్యోగాల రీత్యా దూర ప్రయాణాలు చేయాల్సి వస్తుంది.
వృశ్చికం (విశాఖ 4, అనూరాధ, జ్యేష్ట)
ఆదాయం బాగానే పెరుగుతుంది కానీ, ఆర్థిక వ్యవహారాలు కొద్దిగా ఇబ్బంది పెడతాయి. ఆర్థిక సమస్యలు తగ్గుముఖం పడతాయి. కొందరు బంధుమిత్రులకు ఆర్థికంగా బాగా సహాయపడతారు. ముఖ్యమైన పనులు, వ్యవహారాల్ని కొద్ది శ్రమతో పూర్తి చేస్తారు. వృత్తి, వ్యాపారాలు నిలకడగా సాగిపోతాయి. ఉద్యోగంలో అదనపు బాధ్యతల్ని కూడా బాధ్యతగా నిర్వర్తిస్తారు. ఇతరుల విషయాల్లో జోక్యం చేసుకోకపోవడం చాలా మంచిది. సొంత పనుల మీద కొద్దిగా శ్రద్ధ పెట్టడం అవసరం.
ధనుస్సు (మూల, పూర్వాషాఢ, ఉత్తరాషాఢ 1)
ఆదాయం పెరిగే అవకాశం ఉంది కానీ, ఆర్థిక సమస్యల పరిష్కారం మీద ఎక్కువగా వ్యయం చేయాల్సి వస్తుంది. ఒకటి రెండు వ్యక్తిగత సమస్యలు కూడా పరిష్కారం అవుతాయి. వృత్తి, వ్యాపారాల్లో కొత్త నిర్ణయాలు తీసుకుంటారు. ఉద్యోగంలో పదోన్నతులకు అవకాశం ఉంది. ఆర్థిక పరిస్థితి చాలావరకు అనుకూలంగా పురోగమిస్తుంది. కుటుంబ జీవితం ఉత్సాహంగా, ఉల్లాసంగా సాగిపోతుంది. నిరుద్యోగులు ఆశించిన శుభవార్తలు వింటారు. స్వల్ప అనారోగ్యానికి అవకాశం ఉంది.
మకరం (ఉత్తరాషాఢ 2,3,4, శ్రవణం, ధనిష్ట 1,2)
అదనపు ఆదాయ ప్రయత్నాల్లో శ్రమాధిక్యత ఉంటుంది. షేర్లు, స్పెక్యులేషన్ల మీద మరింతగా మదుపు చేయడం మంచిది. ఉద్యోగ, పెళ్లి ప్రయత్నాలకు సమయం బాగా అనుకూలంగా ఉంది. కొద్ది శ్రమతో ముఖ్యమైన పనులు, వ్యవహారాలను పూర్తి చేస్తారు. వృత్తి, వ్యాపారాలు నిలకడగా సాగిపోతాయి. కుటుంబ సభ్యులతో కలిసి దైవ దర్శనం చేసుకుంటారు. ఆస్తి వివాదానికి సంబంధించి తోబుట్టువులతో ఆచితూచి వ్యవహరించడం మంచిది. పిల్లలు ఘన విజయాలు సాధిస్తారు.
కుంభం (ధనిష్ట 3,4, శతభిషం, పూర్వాభాద్ర 1,2,3)
కొద్ది శ్రమతో ఆదాయం పెరుగుతుంది. ఆర్థిక వ్యవహారాల్లో కొద్దిగా జాగ్రత్తగా ఉండడం మంచిది. కుటుంబ జీవితం హ్యాపీగా సాగిపోతుంది. ప్రయాణాల వల్ల లాభాలు కలుగుతాయి. చేపట్టిన పనులన్నీ సవ్యంగా పూర్తవుతాయి. ఆర్థిక వ్యవహారాలలో జాగ్రత్తగా ఉండడం మంచిది. ఎవరికీ ధనపరంగా వాగ్దానాలు చేయవద్దు. సొంత పనుల మీద దృష్టి పెట్టడం మంచిది. వృత్తి, ఉద్యోగాల్లో పనిభారం పెరిగినప్పటికీ, ఆశించిన ప్రతిఫలం ఉంటుంది. వ్యాపారాలు నిలకడగా సాగిపోతాయి.
మీనం (పూర్వాభాద్ర 4, ఉత్తరాభాద్ర, రేవతి)
ఉద్యోగ జీవితం సాఫీగా సాగిపోతుంది. వృత్తి, వ్యాపారాల్లో కొద్దిపాటి లాభాలకు అవకాశం ఉంది. మంచి పరిచయాలు కలుగుతాయి. ముఖ్యమైన వ్యక్తిగత సమస్య ఒకటి అనుకోకుండా పరిష్కారం అవుతుంది. ఆదాయం నిలకడగా సాగిపోతుంది. నిరుద్యోగులకు దూర ప్రాంతంలో ఆశించిన ఉద్యోగం లభించే అవకాశం ఉంది. అనుకోకుండా మంచి పెళ్లి సంబంధం కుదురుతుంది. ముఖ్యమైన వ్యవహారాలు, పనులు సునాయాసంగా పూర్తవుతాయి. ఆరోగ్యం బాగానే ఉంటుంది.