Numerology: మొదట్లో కష్టాలున్నా.. ఈ తేదీల్లో పుట్టినవారికి భవిష్యత్తులో తిరుగుండదట

సంఖ్యాశాస్త్రం అనేది ఒక ప్రత్యేకమైన జ్ఞానం. దీని సహాయంతో మనం వ్యక్తుల స్వభావం, ప్రవర్తన, ఆలోచనలు, భవిష్యత్తు వంటి విషయాలు అంచనా వేసే అవకాశం ఉంటుంది. హిందూ మతంలో దీనికి ప్రాధాన్యం ఉంది. ప్రతి వ్యక్తి పుట్టిన తేదీ ఆధారంగా ఒక సంఖ్య వస్తుంది. దానినే మూల సంఖ్య అంటారు. ఈ సంఖ్యనే ఆధారంగా తీసుకుని వ్యక్తి జీవితం గురించి ముందే ఊహించవచ్చు.

8, 17, 26 తేదీల్లో పుట్టిన వారు సాధారణంగా నిశ్చలమైన స్వభావం కలిగివుంటారు. ఏ పని అయినా శాంతిగా ఆలోచించి చేస్తారు. వారి మాటలు కచ్చితంగా ఉంటాయి. ఒకసారి ఏదైనా నిర్ణయం తీసుకుంటే దాన్ని పాటించేందుకు ప్రయత్నిస్తారు. అంతే కాకుండా వారు ఇతరులకు సాయం చేయడంలో కూడా ముందుంటారు.

మూలసంఖ్యా 8 ఉన్న వారు చదువు విషయంలో ఎక్కువగా కష్టపడాల్సి ఉంటుంది. సాధారణంగా వారి అభ్యాసంలో ముందుగా ఫలితాలు కనపడకపోయినా.. ప్రయత్నం చేస్తే విజయం ఖచ్చితం. టెక్నాలజీ, ఇంజనీరింగ్ వంటి రంగాల్లో ఈ తేదీల్లో పుట్టినవారికి మంచి శ్రద్ధ, తెలివి ఉంటుంది. జీవితంలో ముందుకు వెళ్లాలంటే వారి కృషి ప్రధానమైనది.

ఈ తేదీల్లో పుట్టినవారు న్యాయాన్ని గౌరవిస్తారు. వారు ఎవరికీ అన్యాయం జరగనివ్వరు. డబ్బు సంపాదించడంలో కూడా నిజాయితీకి అధిక ప్రాధాన్యం ఇస్తారు. ఇతరుల దూషణలు పట్టించుకోరు. ఎలాంటి పరిస్థితుల్లోనైనా నైతిక విలువలు పాటిస్తూ జీవితాన్ని ముందుకు నడిపిస్తారు.

మూలసంఖ్యా 8 ఉన్నవారు ప్రేమ జీవితంలో కాస్త ఇబ్బందులు ఎదుర్కొంటారు. అయితే వారు నిజమైన ప్రేమను నమ్ముతారు. ఒకసారి ప్రేమించాక సంబంధాన్ని నిలబెట్టుకునేందుకు ఎంతో శ్రమిస్తారు. వారి ప్రేమలో నిబద్ధత ఉంటుంది. అంతే కాకుండా వారి భాగస్వామికి నమ్మకమైన వారిగా నిలబడుతారు.

ఈ సంఖ్యలో పుట్టినవారు మొదట్లో కష్టపడతారు. కానీ దాని వల్ల జీవితంలో పెద్ద విజయాలు అందుకుంటారు. డబ్బు, పేరు, గౌరవం అన్నీ తర్వాత వస్తాయి. కాబట్టి నెమ్మదిగా, నమ్మకంతో ముందుకెళ్తే కచ్చితంగా మంచి స్థాయికి చేరుకుంటారు.