Horoscope Today(31 July): ఆర్థిక పరిస్థితి చాలావరకు చక్కబడుతుంది.. 12 రాశులవారికి సోమవారం రాశిఫలాలు..

Daily Horoscope(July 31): జ్యోతిష్య రీత్యా గ్రహాలు, నక్షత్రాలు మీకు అనుకూలంగా ఉన్నాయా? ఆరోగ్యం విషయంలో జాగ్రత్తలు తీసుకోవాలా? స్నేహితుల నుంచి సహాయ, సహకారాలు అందుతాయా? ఆర్థికపరంగా ఎలా ఉండబోతుంది..? జూలై31, 2023న(సోమవారం) మేషం, వృషభం, మిథునం తదితర 12 రాశుల వారి రాశిఫలాలు ఎలా ఉంటాయో తెలుసుకోండి.

మేషం (అశ్విని, భరణి, కృత్తిక 1): చదువులకు సంబంధించి పిల్లలకు సమయం అనుకూలంగా ఉంది. కుటుంబ సభ్యులతోనూ, బంధువులతోనూ సఖ్యత, సాన్నిహిత్యం పెరుగుతాయి. ఆరోగ్యం మీద శ్రద్ధ పెట్టాలి. శరీరానికి తగినంత విశ్రాంతి అవసరమని గ్రహించండి. ఉద్యోగంలో బరువు బాధ్యతలతో పాటు ప్రాధాన్యం కూడా పెరుగుతుంది. మీ ఆలోచనలు, ప్రయత్నాలను ఆచరణలో పెట్టడానికి ఇది మంచి సమ యం. ఆర్థిక పరిస్థితి చాలావరకు చక్కబడుతుంది. తల్లితండ్రులు ఇంటికి వచ్చే అవకాశం ఉంది.

వృషభం (కృత్తిక 2,3,4, రోహిణి, మృగశిర 1,2): వ్యయ ప్రయాసలున్నప్పటికీ తలపెట్టిన పనులు, వ్యవహారాలన్నీ చాలావరకు పూర్తవుతాయి. ఇంటా బయటా ఒత్తిడి ఎక్కువగా ఉంటుంది. వృత్తి, ఉద్యోగాల వాతావరణం ప్రశాంతంగా ఉం టుంది. మనసులోని కోరికల్లో ఒకటి రెండు అనుకోకుండా నెరవేరుతాయి. వ్యాపారాలు నిలకడగా ముందుకు సాగుతాయి. దాయాదులతో ఆస్తి వివాదం పరిష్కారం కావచ్చు. ఉద్యోగ ప్రయత్నాల్లో సానుకూల స్పందన లభిస్తుంది. కుటుంబ సభ్యుల నుంచి సహాయ సహకారాలు లభిస్తాయి.

మిథునం (మృగశిర 3,4, ఆర్ద్ర, పునర్వసు 1,2,3): మీ వ్యూహాలు, ప్రయత్నాల కారణంగా వృత్తి, వ్యాపారాలు వేగం పుంజుకుంటాయి. ఉద్యోగంలో ప్రాముఖ్యత పెరుగుతుంది. కొన్ని ముఖ్యమైన పనులు, కార్యకలాపాలు అనుకున్నవి అనుకున్నట్టు పూర్తవుతాయి. వ్యక్తిగత జీవితం సంతృప్తికరంగా సాగిపోతుంది. కుటుంబ సభ్యులతో కొద్దిగా పారదర్శకంగా వ్యవహరించడం మంచిది. వారి సలహాలు, సూచనలు కూడా ఉపకరి స్తాయి. ఆరోగ్యం పట్ల శ్రద్ధ వహించడం మంచిది. ఆర్థిక వ్యవహారాలు అనుకూలంగా ఉంటాయి.

కర్కాటకం (పునర్వసు 4, పుష్యమి, ఆశ్లేష): భవిష్యత్తులో ఉపయోగపడగల పరిచయాలు ఏర్పడతాయి. ప్రయాణాల్లో కొన్ని అనుకోని ప్రయోజనాలు చేకూరుతాయి. బంధుమిత్రుల నుంచి శుభవార్తలు అందుతాయి. పెళ్లి ప్రయత్నాలు ఒక కొలిక్కి వస్తాయి. నిరుద్యోగులకు సొంత ఊర్లోనే ఉద్యోగం లభించే అవకాశం ఉంది. పనులు, వ్యవ హారాలు, కార్యకలాపాలు సంతృప్తికరంగా నెరవేరుతాయి. కుటుంబ సభ్యుల మీద కోపతాపాలు ప్రదర్శించడం భావ్యం కాదు. వృత్తి, ఉద్యోగాల వాతావరణం కొంత వరకూ సాఫీగా సాగిపోతుంది.

సింహం (మఖ, పుబ్బ, ఉత్తర 1): పిల్లలకు సంబంధించిన అంశాలకు ప్రాధాన్యం ఇస్తారు. పిల్లల్లో ఒకరికి దూరప్రాంతంలో మంచి ఉద్యోగం లభించడం గానీ, ఉన్నత విద్యకు అవకాశం లభించడం గానీ జరుగుతుంది. పిల్లల విజ యాలు ఆనందోత్సాహాలలో ముంచెత్తుతాయి. వృత్తి, ఉద్యోగాల్లో సంతృప్తికర వాతావరణం నెలకొంటుంది. ఉద్యోగావకాశాలు మెరుగుపడతాయి. మంచి మాట తీరుతో ఇంటా బయటా అందరినీ ఆకట్టుకుంటారు. వ్యాపారాలు అనుకూలంగా ఉంటాయి. ఆర్థిక పరిస్థితి పరవాలేదనిపిస్తుంది.

కన్య (ఉత్తర 2,3,4, హస్త, చిత్త 1,2): కుటుంబంలో కొద్దిగా అపార్థాలు చోటు చేసుకున్నప్పటికీ వాటిని తేలికగా అధిగమిస్తారు. కుటుంబ సభ్యుల అభిప్రాయాలకు ప్రాధాన్యం ఇవ్వాల్సిన అవసరం ఉంది. ఆదాయం బాగానే ఉంటుంది కానీ, అంతకు మించి ఖర్చులు పెరిగే సూచనలున్నాయి. వృత్తి, వ్యాపారాలు ఒక మోస్తరుగా ముందుకు సాగుతాయి. డబ్బు ఇవ్వడం, తీసుకోవడం వంటి పనులకు దూరంగా ఉండడం మంచిది. ఉద్యోగంలో కొద్దిగా చికాకులు తలెత్తే అవకాశం ఉంది. ఆరోగ్యం పట్ల జాగ్రత్తగా ఉండాలి.

తుల (చిత్త 3,4, స్వాతి, విశాఖ 1,2,3): రోజంతా చాలావరకు హ్యాపీగా గడిచిపోతుంది. బంధుమిత్రులతో కలిసి విందుల్లో పాల్గొంటారు. ఆర్థిక సమస్యల నుంచి పూర్తిగా బయటపడతారు. ఆర్థిక పరిస్థితి మరింత మెరుగుపడడానికి కొత్త ప్రయత్నాలు చేపడతారు. కొద్దిపాటి శ్రమతో ఒకటి రెండు ముఖ్యమైన పనులు పూర్తి చేస్తారు. ప్రయాణాలలో కూడా ఎంజాయ్ చేస్తారు. ఆధ్యాత్మిక సేవా కార్యక్రమాల్లో పాల్గొంటారు. వృత్తి, వ్యాపారాల్లో కొద్దిపాటి అభివృద్ధి కనిపిస్తుంది. ఉద్యోగ జీవితం ఆశాజనకంగా సాగిపోతుంది.

వృశ్చికం (విశాఖ 4, అనూరాధ, జ్యేష్ట): నిరుద్యోగులకు మంచి ఉద్యోగ యోగం కనిపిస్తోంది. ప్రణాళికాబద్ధంగా, ఒక టైం టేబుల్ ప్రకారం వ్యవహరించి ముఖ్యమైన పనులు, పెండింగ్ పనులన్నీ పూర్తి చేస్తారు. ఆదాయ మార్గాలు పెరుగు తాయి. ఒక వ్యక్తిగత సమస్య పరిష్కారంలో సన్నిహితుల సహాయ సహకారాలు లభిస్తాయి. వృత్తి, వ్యాపారాల్లో ఉత్సాహంగా ముందుకు సాగుతారు. ఉద్యోగంలో అధికారుల నుంచి ఆశించిన ప్రోత్సా హం, ప్రోత్సాహకాలు లభిస్తాయి. ఆర్థిక, ఆరోగ్య పరిస్థితులు నిలకడగా ఉంటాయి.

ధనుస్సు (మూల, పూర్వాషాఢ, ఉత్తరాషాఢ 1): అన్ని రంగాల వారికి సమయం అనుకూలంగా ఉంది. ఏ ప్రయత్నమైనా సఫలం అవుతుంది. ఆర్థిక వ్యవహారాల్లో స్థిరత్వం లభిస్తుంది. ఉద్యోగంలో అధికార యోగానికి అవకాశం ఉంది. ప్రభుత్వ ఉద్యోగులకు ఆర్థిక ప్రయోజనాలు కనిపిస్తున్నాయి. బంధుమిత్రులకు అండగా నిలబడతారు. ఒక శుభ కార్యంలో పాల్గొంటారు. మంచి పరిచయాలు ఏర్పడతాయి. వృత్తి జీవితంలో డిమాండ్ పెరు గుతుంది. వ్యాపారాలు లాభదాయకంగా ముందుకు సాగుతాయి. ఆరోగ్యం అనుకూలంగా ఉంటుంది.

మకరం (ఉత్తరాషాఢ 2,3,4, శ్రవణం, ధనిష్ట 1,2): ఆర్థికంగా అనుకూల వాతావరణం ఉంటుంది. పిల్లలు చదువుల్లోనూ, పోటీ పరీక్షల్లోనూ విజ యాలు సాధిస్తారు. జీవిత భాగస్వామి నుంచి కూడా శుభవార్తలు అందుతాయి. ఉద్యోగంలో ఒత్తిడి ఉన్నప్పటికీ, సకాలంలో, సంతృప్తికరంగా బాధ్యతలు నిర్వర్తిస్తారు. స్నేహితుల నుంచి ఆర్థిక సహాయం కోసం ఒత్తిడి ఉంటుంది. ముఖ్యమైన వ్యవహారాలు, పనులు సునాయాసంగా పూర్తవుతాయి. వ్యాపారాల్లో కూడా అంచనాలను అందుకుంటారు. ఆరోగ్యం పట్ల జాగ్రత్తగా ఉండాలి.

కుంభం (ధనిష్ట 3,4, శతభిషం, పూర్వాభాద్ర 1,2,3): ఆర్థిక, ఆరోగ్య పరిస్థితులు నిలకడగా ఉంటాయి. ఇతరుల వ్యవహారాలను తలకెత్తుకోవడం కంటే సొంత వ్యవహారాల మీద శ్రద్ధ పెట్టడం మంచిది. వృత్తి, ఉద్యోగాల రీత్యా ప్రయాణాలు చేసే అవకాశం ఉంది. పిల్లల నుంచి ఆశించిన సమాచారం అందుతుంది. జీవిత భాగస్వామికి మంచి గుర్తింపు లభిస్తుంది. స్థిరాస్తి వ్యవహారాల్లో తెలివైన నిర్ణయాలు తీసుకుని సమస్యను పరిష్కరించుకుం టారు. వృత్తి, వ్యాపారాలు సాధారణంగా సాగిపోతాయి. ఆరోగ్యం మీద ఒక కన్ను వేసి ఉండాలి.

మీనం (పూర్వాభాద్ర 4, ఉత్తరాభాద్ర, రేవతి): ఆర్థిక వ్యవహారాలు గతం కంటే మెరుగ్గా ఉంటాయి. సన్నిహితుల నుంచి అవసరమైనప్పుడు సహాయ సహకారాలు అందుతాయి. రావలసిన డబ్బు చేతికి అందుతుంది. ఉద్యోగపరంగా రావా ల్సిన బకాయీలు కూడా వసూలు అవుతాయి. ముఖ్యమైన అవసరాలు తీరిపోతాయి. వ్యాపా రాల మీద పెట్టుబడులు పెంచే అవకాశం ఉంది. ఉద్యోగంలో అధికారుల అండతో ఉన్నత పదవి దక్కే సూచనలున్నాయి. కుటుంబ జీవితం ప్రశాంతంగా సాగిపోతుంది. ఆరోగ్యం పరవాలేదు.

Note: ఇక్కడ సమకూర్చిన సమాచారం వారివారి నమ్మకం, విశ్వాసాల మీద ఆధారపడి ఉంటుంది. దీన్ని నిర్ధారించేందుకు ఎలాంటి శాస్త్రీయ ఆధారాలు లేవని గమనించగలరు. పాఠకుల ఆసక్తిని, నమ్మకాన్ని దృష్టిలో ఉంచుకుని ఈ సమాచారాన్ని అందించాము.

మరిన్ని జ్యోతిష్య కథనాలు చదివేందుకు ఇక్కడ క్లిక్ చేయండి