Watch Video: హెడ్ లైట్లో నల్లని ఆకారం.. కట్ చేస్తే బైక్ సర్వీసింగ్లో బయటపడ్డ పాము..
తూర్పుగోదావరి జిల్లా, గోకవరంలో ఓ పాము బైక్ లైట్ డూమ్లో తలదాచుకుని స్థానికులను భయబ్రాంతులకు గురి చేసింది. బైక్ రిపేర్ చేస్తుండగా హెడ్ లైట్కు చుట్టుకుని మెకానిక్ కంటపడింది. దీంతో బెంబేలెత్తిన మెకానిక్ ఒక్కసారిగా భయంతో బైక్ను కింద పడేసి పరుగు తీసాడు. అటుగా వెళ్తున్న స్థానిక యువకులు పామును బయటకు తీసేందుకు విశ్వ ప్రయత్నాలు చేశారు. సుమారు 30 నిముషాల పాటు హెడ్ డూమ్లో నుండి బయటకు తీసేందుకు కర్రలతో పొడిచారు. ఎంతసేపటికి బయటకు రాకపోవడంతో అందరూ ఆందోళన చెందారు.
తూర్పుగోదావరి జిల్లా, గోకవరంలో ఓ పాము బైక్ లైట్ డూమ్లో తలదాచుకుని స్థానికులను భయబ్రాంతులకు గురి చేసింది. బైక్ రిపేర్ చేస్తుండగా హెడ్ లైట్కు చుట్టుకుని మెకానిక్ కంటపడింది. దీంతో బెంబేలెత్తిన మెకానిక్ ఒక్కసారిగా భయంతో బైక్ను కింద పడేసి పరుగు తీసాడు. అటుగా వెళ్తున్న స్థానిక యువకులు పామును బయటకు తీసేందుకు విశ్వ ప్రయత్నాలు చేశారు. సుమారు 30 నిముషాల పాటు హెడ్ డూమ్లో నుండి బయటకు తీసేందుకు కర్రలతో పొడిచారు. ఎంతసేపటికి బయటకు రాకపోవడంతో అందరూ ఆందోళన చెందారు. డూమ్ లైట్ ఉన్న చోట చుట్టుకుని ఉండిపోవడంతో ఓ యువకుడు ధైర్యం చేసి చేతితో తోకపట్టుకుని బయటకు లాగాడు.
అలాగే బయటకు తీసిన పామును వెంటనే నేలకేసి కొట్టదంతో అక్కడ ఉన్న యువకులు పరుగులు తీశారు. మరికొందరు వీడియోలు తీస్తూ, పామును చూస్తూ ఉండిపోయారు. పామును బయటకు తీసే విధానం చూసేందుకు స్థానికులు గుమిగుడారు. గతంలో ఓ యువకుడు ఇలానే పార్క్ చేసి ఉంచిన బైక్ ట్యాంక్లో పామును గమనించుకోలేదు. బైక్ రన్నింగ్ సమయంలో బయటకు రావడంతో భయంతో బైక్ పై నుంచి కిందకు దూకి గాయలపాలయ్యాడు. అలాంటి ఘటనే తనకు కూడా రిపీట్ అయి ఉంటే తన పరిస్థితి ఏంటని ఊహించుకుని భయాందోళనకు గురయ్యాడు మెకానిక్. బైక్ రిపేర్ సమయంలో గుర్తించడంతో పెద్ద ప్రమాదమే తప్పిందనుకుని హమ్మయ్య అని ఊపిరిపీల్చుకున్నాడు ఆ యువకుడు.
మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..