Jawad Cyclone: జొవాద్ ఎఫెక్ట్.. విశాఖలో ముందుకు చొచ్చుకొచ్చిన సముద్రం.. అధికారుల అలెర్ట్..

Jawad Cyclone: జొవాద్ ఎఫెక్ట్.. విశాఖలో ముందుకు చొచ్చుకొచ్చిన సముద్రం.. అధికారుల అలెర్ట్..
Vizag Rk Beach

Vizag RK Beach: జొవాద్ తుఫాన్ కారణంగా విశాఖపట్నంలో సముద్రం అల్లకల్లోలంగా మారింది. ఆర్కే బీచ్‌లో సముద్రం ముందుకు దూసుకొచ్చింది. దీంతో బీచ్ వెంబడి భూమి కోతకు

Shaik Madarsaheb

|

Dec 05, 2021 | 3:03 PM

Vizag RK Beach: జొవాద్ తుఫాన్ కారణంగా విశాఖపట్నంలో సముద్రం అల్లకల్లోలంగా మారింది. ఆర్కే బీచ్‌లో సముద్రం ముందుకు దూసుకొచ్చింది. దీంతో బీచ్ వెంబడి భూమి కోతకు గురైంది. దుర్గాలమ్మ ఆలయం వరకు 200 మీటర్లు భూమి కోతకు గురవడంతో స్థానికులు ఆందోళన చెందుతున్నారు. దీంతోపాటు పలు చోట్ల భూమి కుంగిపోయింది. దీని ప్రభావంతో పిల్లల పార్కులోని ప్రహరీ గోడ కూలిపోయింది. బల్లలు విరిగిపోయాయి. దీంతో అధికారులు అప్రమత్తమయ్యారు. ఆర్కే బీచ్‌లోకి పర్యాటకులను నిషేధించారు. ఎవరూ రాకుండా అధికారులు బారికేడ్లు ఏర్పాటు చేసి సిబ్బందిని మోహరించారు.

ఈ మేరకు అధికారులు పార్కుకు వచ్చే రహదారుల్ని మూసివేశారు. ఎవరిని లోపలికి అనుమతించకుండా కట్టుదిట్టమైన భద్రతను ఏర్పాటు చేశారు. కాగా..జొవాద్‌ తుఫాను నేపథ్యంలో సముద్రం ముందుకొచ్చి ఉంటుందని వాతావరణ శాఖ అధికారులు భావిస్తున్నారు. ఈ తుఫాను ఈ రోజు సాయంత్రానికి ఒడిశాలోని పూరి తీరాన్ని తాకే అవకాశముంది. ఇది బలహీన పడి తీవ్ర వాయుగుండంగా మారే అవకాశమున్నట్లు ఐఎండీ పేర్కొంది. ఆ తరువాత ఉత్తర ఈశాన్య దిశగా ఒడిస్సా తీరం వెంబడి ప్రయాణం కొనసాగించి పశ్చిమ బెంగాల్ తీరం వైపునకు వెళ్లే అవకాశం ఉందని వాతావరణశాఖ తెలిపింది.

Also Read:

Jawad Cyclone Update: ఏపీలోని ఆ ప్రాంతాల్లో మరో మూడురోజులు వర్షాలు.. వాతావరణ శాఖ అలెర్ట్..

Health Tips: ‘టీ’తో కలిపి ఈ ఆహారపదార్ధాలను తీసుకుంటున్నారా.. అలాగైతే ఆరోగ్య సమస్యలు కొని తెచ్చుకున్నట్లే!

Follow us on

Related Stories

Most Read Stories

Click on your DTH Provider to Add TV9 Telugu