Vegetable Prices: దీపావళికి ముందే సామాన్యులకు భారీ ఊరట.. ఒక్కసారిగా దిగొచ్చిన కూరగాయల ధరలు.. రేట్లు ఇవే..

దీపావళి పండుగ వేళ తెలుగు రాష్ట్రాల ప్రజలకు పెద్ద ఊరట లభించింది. గత కొన్ని వారాలుగా పెరుగుతూ వచ్చిన కూరగాయల ధరలు.. పండుగ సందర్భంగా ఒక్కసారిగా దిగివచ్చాయి. దీంతో సామాన్యులు, గృహిణులకు ఊరట చెందుతున్నారు. కూరగాయల ధరలు అందుబాటు ధరల్లో లభిస్తుండటం వినియోగదారులకు ప్రయోజనం చేకూరుస్తోంది. బహిరంగ మార్కెట్లతో పోలిస్తే రైతు బజార్లలో ధరలు తక్కువగా ఉంటాయి. దీంతో రైతు బజార్లకు వెళ్లి తీసుకుంటే చౌక ధరకే పొందే అవకాశం ఉంటుంది. దీని వల్ల డబ్బులు ఆదా చేసుకుని గృహ బడ్జెట్ తగ్గించుకోవచ్చు. సాధారణంగా పండుగ సమయాల్లో ధరలు పెరుగుతుంటాయి. కానీ దీపావళి పండక్కి ముందే ఈసారి ధరలు తగ్గడం నిజంగా ఊరటనిచ్చే అంశంగా చెప్పవచ్చు.

హైదరాబాద్‌లో నేడు కూరగాయల ధరలు ఇవే..

కూకట్‌పల్లి మోడ్రన్ అండ్ మోడల్ రైతుబజార్‌లో ఇవాళ కిలో టమాటా రూ.27, వంకాయ రూ.18, బెండకాయ రూ.50, పచ్చిమిర్చి రూ.48, బజ్జీ మిర్చి రూ.60, కాకరకాయ రూ.38, బీరకాయ రూ.40, క్యాబేజీ రూ.11, ఫ్రెంచ్ బీన్స్ రూ.55, క్యారెట్ రూ.45, కాలీఫ్లవర్ రూ.30, దొండకాయ రూ.23 పలుకుతున్నాయి. ఇక కేజీ చిక్కుడుకాయ రూ.45, గోరుచిక్కుడు రూ.35, బీట్‌రూట్ రూ.25, క్యాప్సికం రూ.50, బంగాళాదుంప రూ.23, స్థానిక కీరదోస రూ.35కు లభిస్తున్నాయి. అలాగే ఇటాలియన్ కీరదోస రూ.35, దోసకాయ రూ.22, సొరకాయ రూ.20, పొట్లకాయ రూ.24, కందగడ్డ రూ.26, ఉల్లికాడలు రూ.55, ఉల్లిపాయలు రూ.40కు విక్రయిస్తున్నారు. ఇక మామిడికాయ రూ.15 నుంచి రూ.20 వరకు పలుకుతోండగా.. అరటిదూట రూ.9 నుంచి రూ.10, చామగడ్డ రూ.38, ముల్లంగి ఒక్కటి రూ.6 నుంచి రూ.8కి అమ్ముతున్నారు. అటు చిలగడదుంప రూ.40, గుమ్మడికాయ రూ.40, నిమ్మకాయలు డజను రూ.50 నుంచి రూ.60, మునగకాయ ఒక్కటి రూ.10 నుంచి రూ.12లకు ఇక్కడ కొనుగోలు చేయవచ్చు. బొప్పాయి రూ.50, పుట్టగొడుగులు 200 గ్రాములు రూ.50, ఎండుమిర్చి రూ.280, పాత అల్లం రూ.180, కొత్త అల్లం రూ.120 ధర పలుకుతుండగా.. కిలో వెల్లుల్లి రూ.260, చింతపండు రూ.160, ఎర్ర మిరపకాయలు రూ.80, ఉసిరికాయలు రూ.60, కరివేపాకు రూ.60, వేరుశనగ రూ.55, అలసందలు రూ.40గా కొనసాగుతున్నాయి.

విజయవాడలోని రైతు బజార్లలో ధరలు ఇలా..

విజయవాడలో కిలో టమాట రూ.39, వంగ రూ.20, బెండ రూ.22, పచ్చిమిర్చి రూ.38, కాకర రూ.32, క్యాబేజీ రూ.25, క్యారెట్ రూ.46, దొండ రూ.16, బంగాళదుంప రూ.26, ఉల్లిపాయలు రూ.39, గోరుచిక్కుడు రూ.24, దోస రూ.24, చిక్కుళ్లు రూ.56, బీర రూ.35, చామదుంప రూ.32, కంద రూ.34, బీట్ రూట్ రూ.36, కీరదోస రూ.42, బీన్స్ రూ.88, క్యాప్చికం రూ.66, అలసందలు రూ.40, చిలకడదుంప రూ.46 పలుకుతున్నాయి.