Weather: తెలుగు రాష్ట్రాల్లో వాతావరణం ఎలా ఉంటుంది.. ఇదిగో వచ్చే 3 రోజుల వెదర్ రిపోర్ట్..

Telangana - Andhra Pradesh Weather Report

తెలుగు రాష్ట్రాల్లో చలి తీవ్రత తగ్గింది. కొన్ని ప్రాంతాల్లో మాత్రం రాత్రి, తెల్లవారుజామున వేళల్లో చలి తీవ్రత అలానే ఉంది. అయితే, పగటి ఉష్ణోగ్రతలు మాత్రం పెగుతున్నాయి.. ఈ క్రమంలో వాతావరణ శాఖ ఆంధ్రప్రదేశ్, తెలంగాణలో వాతావరణ పరిస్థితులపై కీలక అప్డేట్ ఇచ్చింది.. ఇరు రాష్ట్రాల్లో పొడి వాతావరణం ఏర్పడే అవకాశము ఉందని.. అలాగే.. కొన్ని ప్రాంతాల్లో ముంచు కురిసే అవకాశం ఉందని వాతావరణ శాఖ తెలిపింది.

అమరావతి వాతావరణ కేంద్రం ప్రకారం.. ఆంధ్రప్రదేశ్ – యానములో దిగువ ట్రోపో ఆవరణములో ఈశాన్య, తూర్పు దిశగా గాలులు వీస్తున్నాయి. వీటి ఫలితంగా ఆంధ్రప్రదేశ్ రాష్ట్రంలో రాగల మూడు రోజుల వరకు వాతావరణ సూచనలు ఈ కింది విధంగా ఉన్నాయి..

ఉత్తర కోస్తా ఆంధ్రప్రదేశ్, యానాం:-

బుధవారం, గురువారం, శుక్రవారం పొడి వాతావరణం ఏర్పడే అవకాశము ఉంది. మోస్తరు పొగమంచు ఒకటి లేదా రెండుచోట్ల కురిసే అవకాశము ఉంది.

దక్షిణ కోస్తా ఆంధ్రప్రదేశ్:-

బుధవారం, గురువారం, శుక్రవారం పొడి వాతావరణం ఏర్పడే అవకాశము ఉంది.

రాయలసీమ:-

బుధవారం, గురువారం, శుక్రవారం పొడి వాతావరణం ఏర్పడే అవకాశము ఉంది.

గమనిక:- రాగల 3 రోజుల్లో దక్షిణ కోస్తా ఆంధ్రప్రదేశ్లో కనిష్ట ఉష్ణోగ్రతలు నమోదులో గణనీయమైన మార్పు ఉండదు.

రాగల 3 రోజుల్లో ఉత్తర కోస్తా ఆంధ్రప్రదేశ్, యానాం – రాయలసీమలో కనిష్ట ఉష్ణోగ్రతలు సాధారణముకంటే 2-3 డిగ్రీ ల సెంటిగ్రేడ్ తక్కువగా నమోదయ్యే అవకాశముంది.

తెలంగాణ రాష్ట్రంలో రాగల మూడు రోజుల వరకు వాతావరణ విశ్లేషణ, వాతావరణ హెచ్చరికలు:

హైదరాబాద్ వాతావరణ కేంద్రం ప్రకారం.. తెలంగాణ రాష్ట్రంలో క్రింది స్థాయి గాలులు ప్రధానముగా ఆగ్నేయ/తూర్పు దిశల నుండి వీచుచున్నవి. వీటి ప్రభావంతో రాగల 3 రోజులకు వాతావరణ సూచనలు ఈ కింది విధంగా ఉన్నాయి.

బుధవారం, గురువారం, శుక్రవారం తెలంగాణ రాష్ట్రంలో పొడి వాతావరణం ఏర్పడే అవకాశం ఉంది.

మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..