Weather Alert: అల్పపీడనం ఎఫెక్ట్.. శుక్రవారం ఈ ప్రాంతంలో వర్షాలు.. ఇదిగో తెలుగు రాష్ట్రాల వెదర్ రిపోర్ట్..

Telangana - Andhra Pradesh Weather Report

తెలుగు రాష్ట్రాల్లో ఉష్ణోగ్రతలు పెరుగుతున్నాయి. ఆంధ్రప్రదేశ్, తెలంగాణలో కేవలం ఉదయం వేళ కొంచెం చలి ఉంటోంది.. ఆ తర్వాత ఎండలు పెరుగుతున్నాయి. ఈ క్రమంలోనే బంగాళాఖాతంలో అల్పపీడనం కూడా ఏర్పడింది. దీని ప్రభావంతో కొన్ని ప్రాంతాల్లో వర్షాలు కురిసే అవకాశం ఉంది. ఈ నేపథ్యంలో తెలుగు రాష్ట్రాల్లో వాతావరణ పరిస్థితులపై వాతావరణశాఖ కీలక అప్డేట్ ఇచ్చింది.. వాతావరణ కేంద్రం ప్రకారం.. నిన్నటి అల్పపీడనం హిందూ మహాసముద్రం – అనుబంధ ఉపరితల ఆవర్తనం సగటు సముద్ర మట్టానికి 5.8 కి.మీ ఎత్తు వరకు విస్తరించి ఉంది. ఇది పశ్చిమ-వాయువ్య దిశగా శ్రీలంక వైపు ప్రయాణించి రాబోయే 24 గంటల్లో తక్కువగా గుర్తించబడే అవకాశం ఉంది.

అమరావతి వాతావరణ కేంద్రం ప్రకారం.. దిగువ ట్రోపో ఆవరణములో ఉత్తర కోస్తా ఆంధ్రప్రదేశ్, యానములో ఈశాన్య దిశగా – దక్షిణ కోస్తా ఆంధ్రప్రదశ్, రాయలసీమలో తూర్పు, ఆగ్నేయ దిశగా వీస్తున్నాయి. వీటి ఫలితంగా ఆంధ్రప్రదేశ్ రాష్ట్రంలో రాగల మూడు రోజుల వరకు వాతావరణ సూచనలు ఈ కింది విధంగా ఉన్నాయి.

ఉత్తర కోస్తా ఆంధ్రప్రదేశ్, యానాం – దక్షిణకోస్తా ఆంధ్రప్రదేశ్:-

గురువారం, శుక్రవారం పొడి వాతావరణం ఏర్పడే అవకాశము ఉంది. పొగమంచు ఒకటి లేదా రెండు చోట్ల కురిసే అవకాశముంది.

శనివారం పొడి వాతావరణం ఏర్పడే అవకాశము ఉంది.

రాయలసీమ:-

గురువారం, శుక్రవారం పొడి వాతావరణం ఏర్పడే అవకాశము ఉంది. పొగమంచు ఒకటి లేదా రెండు చోట్ల కురిసే అవకాశముంది.

శుక్రవారం తేలికపాటి నుండి ఒకమోస్తరు వర్షాలు కురిసే అవకాశము ఉంది.

గమనిక :- ఈరోజు రాయలసీమ లో కనిష్ట ఉష్ణోగ్రతలు సాధారణముకంటే 2-4 డిగ్రీల సెంటిగ్రేడ్ తక్కువగా నమోదయ్యే అవకాశముంది. రేపటి నుండి కనిష్ట ఉష్ణోగ్రతలు నమోదులో గణనీయమైన మార్పు లేదు. కోస్తాంద్ర లో రాగల 3 రోజుల్లో కనిష్ట ఉష్ణోగ్రతలు నమోదులో గణనీయమైన మార్పు లేదు.

తెలంగాణ రాష్ట్రంలో రాగల మూడు రోజుల వరకు వాతావరణ విశ్లేషణ – వాతావరణ హెచ్చరికలు:

హైదరాబాద్ వాతావరణ కేంద్రం ప్రకారం.. తెలంగాణ రాష్ట్రంలో క్రింది స్థాయి గాలులు ప్రధానముగా ఆగ్నేయ దిశ నుండి వీచుచున్నవి. వీటి ప్రభావంతో రాగల మూడు రోజులు.. అంటే.. గురువారం, శుక్రవారం, శనివారం తెలంగాణ రాష్ట్రంలో పొడి వాతావరణం ఏర్పడే అవకాశం ఉంది.