Devaragattu: నెత్తురోడిన దేవరగట్టు.. 100 మందికి గాయాలు.. కొందరి పరిస్థితి విషమం

Kurnool: కర్నూలు జిల్లా దేవరగట్టులో నెత్తురోడింది. బన్ని ఉత్సవంలో హింస చోటు చేసుకుంది. కర్రల సమరంలో 100 మందికిపైగా గాయాలైనట్లు సమాచారం. ఈ ఘటనలో ఒకరు మృతి చెందగా, మరి కొందరి పరిస్థితి విషమంగా ఉన్నట్లు తెలుస్తోంది. గాయాలైన వారిని చికిత్స నిమిత్తం సమీప ఆస్పత్రికి తరలించారు. మృతుడు ఆలూరుకు చెందిన పోతురాజు (32) గుర్తించారు. మాలమల్లేశరస్వామి ఉత్సవ ఊరేగింపులో ఈ హింస చెలరేగింది. కర్రలు, దివిటీలు తిప్పే క్రమంలో కొందరి తలలు పగిలినట్లు సమాచారం. ఈ విషయం తెలుసుకున్న జిల్లా ఎస్పీ విక్రాంత్‌ స్వయంగా రంగంలోకి దిగారు. ఈ కర్రల సమరంలో 11 గ్రాముల ప్రజలు పాల్గొన్నారు.

పూర్వ కాలంలో ఆత్మరక్షణ కోసం, శరీరాన్ని దృఢంగా ఉంచుకోవడం కోసం ఈ కర్రసామును నేర్చుకునేవారు. సంక్రాంతి, దసరా వంటి పెద్ద పండుగలలో లేదా ఊరి జాతరల సమయంలో ఈ కర్రల సాము ప్రదర్శనలు ప్రత్యేక ఆకర్షణగా నిలుస్తాయి. గ్రామీణ ప్రాంతాల్లో ఇప్పటికీ యువతకు ఈ విద్యను నేర్పించే సంప్రదాయం కొనసాగుతోంది. ప్రతి యేటా ఈ కర్రల సమరంలో ఎంతో మంది గాయపడుతున్నారు.