Vangaveeti Radha: రంగా అభిమానులు తలుచుకుంటే.. వంగవీటి రాధా సంచలన కామెంట్స్‌..

Vangaveeti Radha Krishna: వంగవీటి రాధా మరోసారి ఆసక్తికర కామెంట్స్‌ చేశారు. ఇప్పుడు ఆయన వ్యాఖ్యలు రాష్ట్రవ్యాప్తంగా చర్చనీయాంశమయ్యాయి. తనను భూమ్మీద లేకుండా చేయడానికి కొంతమంది ప్రయత్నిస్తున్నారని వంగవీటి రాధా ఇటీవల సంచలన కామెంట్స్‌ చేశారు. ఆ వ్యాఖ్యలపై రాష్ట్ర వ్యాప్తంగా రాజకీయాలు వేడెక్కడంతోపాటు.. తీవ్ర చర్చ జరిగింది. తాజాగా మరోసారి ఇంట్రెస్టింగ్‌ కామెంట్స్‌ చేశారు రాధా. రంగా (Vangaveeti Mohana Ranga) అభిమానులు తలుచుకుంటే ప్రభుత్వాలను కూల్చేస్తారు, నిలబెడతారంటూ రాధా తెలిపారు. రంగా పేరు చెప్పుకుని ఎంతోమంది రాజకీయ పదవులు అనుభవించారని చెప్పారు. విజయవాడకు రంగా పేరు పెట్టాలని, రంగా పేరు చెప్పుకొని రాజకీయ పదవులు పొందినవారు కోరాలని రాధాకృష్ణ సూచించారు. జిల్లాకు (krishna district) రంగా పేరు ఎవరు పెట్టినా వారిని అభినందిస్తానని చెప్పారు రాధా. విజయవాడలోని 28వ డివిజన్ శ్రీనగర్ కాలనీలో ఏర్పాటు చేసిన వంగవీటి రంగా కాంస్య విగ్రహాన్ని ఆదివారం రాధా ఆవిష్కరించారు. ఈ సందర్భంగా ఆయన ఈ వ్యాఖ్యలు చేశారు.

తన తండ్రి రంగా ఆశయాలు కొనసాగించడమే ధ్యేయమని రాధా స్పష్టం చేశారు. తనకు జీవితాంతం అండగా ఉండేది రంగా అభిమానులేనని చెప్పారు. రంగా పేరు రాష్ట్ర వ్యాప్తంగా మార్మోగడం సంతోషంగా ఉందంటూ రాధాకృష్ణ పేర్కొన్నారు. రంగాకు ప్రాంతం, కులం, మతం తెలీదని.. రంగాకు తెలిసింది బాధితులకు, పీడితులకు న్యాయం చేయడమేనని రాధా వివరించారు. రంగా తనయుడిగా రాజీపడడం తెలియదని, సమస్యలపై పొరాడడమే తెలుసంటూ రాధా పేర్కొన్నారు.

Also Read:

Indian Navy Milan 2022: విశాఖ చరిత్రలో ఇది గర్వించదగ్గ రోజు.. మిలాన్‌-2022లో సీఎం జగన్..

Viral Video: పుష్పా సాంగ్‌తో అదరగొట్టిన ఎమ్మెల్యే.. ఊ అంటారా తల్లి ఉహూ అంటారా అంటూ..