కృష్ణమ్మ పరవళ్లు.. శ్రీశైలం ఆయకట్టు రైతుల్లో కొత్త ఆశలు..!
సూపర్ ఎల్ నినో భయాలు ఒకవైపు వెంటాడుతున్నప్పటికీ, కృష్ణానది ఉధృతంగా ప్రవహిస్తూ శ్రీశైలం వైపు పరుగులు తీస్తోంది. ఊహించని విధంగా ఎగువ ప్రాంతాల నుండి కృష్ణమ్మకు భారీగా వరద నీరు వచ్చి చేరుతుండటంతో శ్రీశైలం ప్రాజెక్టు పరిధిలోని ఆయకట్టు రైతుల్లో కొత్త ఆశలు చిగురించాయి. వానాకాలం సీజన్ కాస్త ఆలస్యమైనప్పటికీ, ప్రాజెక్టులకు నీటి ప్రవాహం పెరుగుతుండటంతో విత్తనాలు వేసేందుకు రైతాంగం సిద్ధమవుతోంది.
సూపర్ ఎల్ నినో ప్రభావం ఉన్నప్పటికీ కృష్ణా నది ఉధృతంగా ప్రవహిస్తూ శ్రీశైలం రిజర్వాయర్కు చేరుకుంటోంది. ఎగువన ఉన్న ఆల్మట్టి, నారాయణపూర్, జూరాల ప్రాజెక్టుల గేట్లు ఎత్తి నీటిని విడుదల చేయడంతో శ్రీశైలంలో నీటిమట్టం 55 టీఎంసీలకు చేరింది. దీంతో నంద్యాల జిల్లా ఆయకట్టు రైతుల్లో పంటలపై మళ్లీ ఆశలు చిగురించాయి. ప్రస్తుతం వస్తున్న వరద పరిస్థితుల దృష్ట్యా ఏ పంటలు వేయాలో అధికారులే స్పష్టత ఇవ్వాలని రైతులు కోరుతున్నారు. మరోవైపు తుంగభద్ర డ్యామ్కు వరద తగ్గుముఖం పట్టడంతో నీటిమట్టం 40 టీఎంసీలకు మాత్రమే చేరింది. సాగుకు పూర్తిస్థాయి నీరు అందాలంటే తుంగభద్రకు మరింత భారీ వరద రావాల్సి ఉంది.
సూపర్ ఎల్ నినో భయాలు ఒకవైపు వెంటాడుతున్నప్పటికీ, కృష్ణానది ఉధృతంగా ప్రవహిస్తూ శ్రీశైలం వైపు పరుగులు తీస్తోంది. ఊహించని విధంగా ఎగువ ప్రాంతాల నుండి కృష్ణమ్మకు భారీగా వరద నీరు వచ్చి చేరుతుండటంతో శ్రీశైలం ప్రాజెక్టు పరిధిలోని ఆయకట్టు రైతుల్లో కొత్త ఆశలు చిగురించాయి. వానాకాలం సీజన్ కాస్త ఆలస్యమైనప్పటికీ, ప్రాజెక్టులకు నీటి ప్రవాహం పెరుగుతుండటంతో విత్తనాలు వేసేందుకు రైతాంగం సిద్ధమవుతోంది.
శ్రీశైలానికి పెరుగుతున్న కృష్ణా వరద:
కృష్ణానది ఎగువన ఉన్న ఆల్మట్టి, నారాయణపూర్, జూరాల రిజర్వాయర్లు ఇప్పటికే పూర్తిస్థాయికి చేరుకోవడంతో అధికారులు గేట్లు తెరిచి శ్రీశైలానికి నీటిని విడుదల చేస్తున్నారు. 215 టీఎంసీల పూర్తిస్థాయి నీటి నిల్వ సామర్థ్యం ఉన్న శ్రీశైలం రిజర్వాయర్లో ఇప్పటికే నీటిమట్టం 55 టీఎంసీలకు చేరుకుంది. విద్యుత్ ఉత్పత్తి, ఇతర ప్రాజెక్టులకు నీటిని తరలించకుండా ఇదే స్థాయిలో మరో 20 రోజుల పాటు వరద కొనసాగితే శ్రీశైలం రిజర్వాయర్ పూర్తిగా నిండే అవకాశం ఉందని అంచనా వేస్తున్నారు.
అధికారుల మార్గదర్శకాలకై రైతుల డిమాండ్:
శ్రీశైలం రిజర్వాయర్ ఆయకట్టు పరిధిలోని నంద్యాల జిల్లా రైతులు నీటి రాకతో కాస్త ఉపశమనం పొందినప్పటికీ, భవిష్యత్ పరిస్థితులపై ఆందోళన చెందుతున్నారు. వర్షపాతం, ప్రాజెక్టులోని నీటి లభ్యతను బట్టి ఏ రకం పంటలు వేస్తే మంచిదో వ్యవసాయ అధికారులు ఇప్పటినుంచే సూచనలు, మార్గదర్శకాలు ఇవ్వాలని డిమాండ్ చేస్తున్నారు.
మందగించిన తుంగభద్ర ప్రవాహం:
మరోవైపు తుంగభద్ర నది ఎగువ ప్రాంతాల్లో కురిసిన వర్షాలకు టీబీ డ్యామ్కు జలకళ వచ్చినప్పటికీ, ప్రస్తుతం వరద ప్రవాహం క్రమంగా తగ్గుముఖం పట్టింది. డ్యామ్ పూర్తి నీటి నిల్వ సామర్థ్యం 105 టీఎంసీలు కాగా, ప్రస్తుతం నీటి నిల్వ 40 టీఎంసీలకు మాత్రమే చేరుకుంది. ప్రస్తుతం ఇన్ ఫ్లో 15,000 క్యూసెక్కులుగా ఉంది. రాబోయే రోజుల్లో భారీ వర్షాలు కురిస్తే తప్ప తుంగభద్ర డ్యామ్ నిండే సూచనలు కనిపించడం లేదు.
కృష్ణానది ఉధృతి శ్రీశైలం ఆయకట్టుకు కొండంత అండగా నిలుస్తున్నప్పటికీ, తుంగభద్ర ఆయకట్టు రైతులు పూర్తిస్థాయి సాగు నీటి కోసం మరికొన్ని భారీ వర్షాలకై ఎదురుచూడాల్సిన పరిస్థితి ఏర్పడింది. రైతులు వాతావరణ మార్పులను, అధికారుల సూచనలను గమనిస్తూ పంటల ప్రణాళికను రూపకల్పన చేసుకోవడం శ్రేయస్కరం.
మరిన్ని ఆంధ్రప్రదేశ్ వార్తల కోసం క్లిక్ చేయండి..