Pawan Kalyan: ఏపీ గంజాయి హబ్‌గా మారింది.. వివిధ రాష్ట్రాల పోలీస్ అధికారుల వీడియోలు షేర్ చేసిన పవన్
Pawan Kalyan: జనసేనాని అధినేత, పవర్ స్టార్ పవన్ కళ్యాణ్ మరోసారి ట్విట్టర్ వేదికగా ఏపీ ప్రభుత్వంపై సంచలన ఆరోపణలు చేశారు. తాను 2018లో చేసిన..
Pawan Kalyan: జనసేనాని అధినేత, పవర్ స్టార్ పవన్ కళ్యాణ్ మరోసారి ట్విట్టర్ వేదికగా ఏపీ ప్రభుత్వంపై సంచలన ఆరోపణలు చేశారు. తాను 2018లో చేసిన పోరాట యాత్ర రాష్ట్ర ప్రజల సామాజిక, ఆర్థిక సమస్యలను అర్థం చేసుకునేందుకు ఉద్దేశించబడిందని తెలిపారు. అంతేకాదు ‘ఆంధ్రా ఒరిస్సా సరిహద్దు’లోని గిరిజన ప్రాంతాలలో ఆరోగ్యం, నిరుద్యోగం, అక్రమ మైనింగ్, ‘గంజాయి వ్యాపారం తో పాటు గంజాయి మాఫియా’ గురించి తనకు అనేక ఫిర్యాదులు అందాయని జనసేనాని చెప్పారు. ఈ మేరకు ఓ వీడియో ట్విట్టర్ లో పోస్ట్ చేశారు.
During my ’ Porata Yatra’in 2018,which was meant to understand the socio,economic issues of people of the state. In the tribal areas of ‘ Andhra Orissa Border’ I had received numerous complaints about health, unemployment, illegal mining and also about ‘ganja trade & its mafia’. pic.twitter.com/OU74YN0LOk
— Pawan Kalyan (@PawanKalyan) October 27, 2021
నల్గొండ ఎస్పీ రంగనాధ్
అంతేకాదు ఏపీ గంజాయి హబ్ గా మారుతుందని.. ఏపీ నుంచే గంజాయి సరఫరా అవుతుందంటూ నల్గొండ ఎస్పీ రంగనాధ్ చేసిన వ్యాఖ్యలను జనసేన అధినేత పవన్ కళ్యాణ్ ట్విట్టర్‌లో పోస్ట్ చేశారు. ‘‘ఏపీ నార్కోటిక్స్ హబ్‌గా మారింది అంతేకాదు ప్రతి స్థాయిలో చాలా మంది డ్రగ్స్ లార్డ్‌లతో నిండిపోయింది. ఇది దేశం మొత్తం ప్రభావం చూపుతోంది. ప్రభుత్వ ఇన్‌ఛార్జ్‌లుగా ఉన్న నాయకులు ఉద్దేశపూర్వకంగా చేస్తున్నారని తెలంగాణ లోని నల్గొండ ఎస్పీ రంగనాధ్ మాటలతో అర్ధమవుతుంది’’ అని పవన్ కళ్యాణ్ కామెంట్ చేశారు. అంతేకాదు రంగనాథ్ గంజాయి పై మాట్లాడిన ఓ వీడియో ట్విట్టర్‌లో పోస్ట్ పెట్టారు.
AP has become a narcotics hub & filled with many drug lords at every level.Entire Nation is getting effected; due to
wilful-inaction of leaders,who are in-charge of Govt.
The following clip is from ‘SP of Nalgonda-Sri Ranganath’ of Telangana state. pic.twitter.com/EJho8p71OZ— Pawan Kalyan (@PawanKalyan) October 27, 2021
హైదరాబాద్ సిటీ-పోలీస్ కమీషనర్ అంజనీ కుమార్
ఆంధ్రప్రదేశ్ నుంచి దేశంలోని ఇతర ప్రాంతాలకు మాదకద్రవ్యాలు రవాణా అవుతున్నాయని హైదరాబాద్ సిటీ-పోలీస్ కమీషనర్ అంజనీ కుమార్ చేసిన కామెంట్స్ ను పవన్ కళ్యాణ్ తన సోషల్ మీడియా వేదికగా ప్రస్తావించారు. అంతేకాదు ఏపీనుంచి గంజాయి ఎలా రవాణా చేయబడుతున్నాయో అంజన్ కుమార్ చెప్పిన వివరాలున్న ఓ వీడియో పోస్ట్ చేశారు
Hyderabad City-Police Commissioner’ Sri Anjani Kumar, (IPS) giving out details about how narcotics are being transported from AP to rest of the country pic.twitter.com/vo05EGqnKg
— Pawan Kalyan (@PawanKalyan) October 27, 2021
ఏపీ నార్కోటిక్ హబ్ ఆఫ్ ది నేషన్ గా మారిందని కర్ణాటక లోని బెంగళూరు కు చెందిన కమల్ పంత్ వెల్లడించారు. ఇదే విషయాన్నీ జనసేనాని తన ట్విట్టర్ ద్వారా ప్రస్తావిస్తూ.. కమల్ పంత్ మాట్లాడి ఓ వీడియో సోషల్ మీడియాలో షేర్ చేశారు.
AP state being Narcotics hub of the Nation – a revelation by Sri Kamal Pant (IPS) Commissioner of Police , Bangalore , Karnataka. pic.twitter.com/Vqc8jb2fyV
— Pawan Kalyan (@PawanKalyan) October 27, 2021
Also Read: భర్త, మామ మృతి.. కుటుంబం కోసం రైతుగా మారిన ఓ మహిళ.. ఏటా రూ.25 లక్షల సంపాదన