బెజవాడలో హైడ్రామా.. కండక్టర్ చెంప పగలగొట్టిన మహిళ! కారణం తెలిస్తే షాక్ అవ్వాల్సిందే

విజయవాడ నగరంలో ఆర్టీసీ బస్సులో జరిగిన ఒక వింత సంఘటన చర్చనీయాంశమైంది. ఉచిత బస్సు ప్రయాణానికి సంబంధించి టికెట్ జారీ చేసే క్రమంలో కండక్టర్, మహిళా ప్రయాణికురాలి మధ్య జరిగిన ఘర్షణ పోలీస్ స్టేషన్ వరకు చేరింది. విజయవాడ నుండి విస్సన్నపేట వెళ్లే ఆర్టీసీ బస్సు నెం. 308 లో ఇద్దరు మహిళలు ప్రయాణిస్తున్నారు. ఉచిత టికెట్ కోసం వారు కండక్టర్‌కు ఆధార్ కార్డులు చూపించాల్సి ఉండగా, ఇద్దరు మహిళలు కలిసి మూడు ఆధార్ కార్డులను కండక్టర్‌కు అందించారు. మీరు ప్రయాణిస్తుంది ఇద్దరే కదా, మూడు కార్డులు ఎందుకు ఇస్తున్నారు? అని కండక్టర్ ప్రశ్నించారు. ఈ చిన్న ప్రశ్న కాస్తా పెద్ద వివాదానికి దారితీసింది. ఇద్దరి మధ్య వాగ్వాదం జరగగా, ఆగ్రహానికి గురైన మహిళ అందరి ముందే కండక్టర్ చెంపపై లాగి కొట్టింది.

తన సిబ్బందిపై దాడి జరగడంతో స్పందించిన డ్రైవర్, బస్సును ఏమాత్రం ఆపకుండా నేరుగా నున్న పోలీస్ స్టేషన్‌కు తీసుకెళ్లారు. అయితే, ఆ ప్రాంతం తమ పరిధిలోకి రాదని నున్న పోలీసులు చెప్పడంతో, ప్రయాణికులతో సహా బస్సును సింగ్ నగర్ పోలీస్ స్టేషన్‌కు తరలించారు.

పోలీసుల విచారణలో మహిళా ప్రయాణికురాలు మాట్లాడుతూ.. కండక్టర్ తనను అసభ్య పదజాలంతో దూషించారని, అందుకే చేయి చేసుకోవాల్సి వచ్చిందని పేర్కొన్నారు. దీనిని కండక్టర్ ఖండించారు. తాను కేవలం టికెట్ నియమాల గురించి మాట్లాడానని తెలిపారు. ఈ వివాదంతో సంబంధం లేని మిగతా ప్రయాణికులు మిట్ట మధ్యాహ్నం ఆకలితో అలమటిస్తూ స్టేషన్ దగ్గర పడిగాపులు కాయాల్సి వచ్చింది. వారి గొడవలో మమ్మల్ని ఎందుకు ఇబ్బంది పెడతారు? అంటూ ప్రయాణికులు అధికారులపై ఆగ్రహం వ్యక్తం చేశారు. ప్రస్తుతం పోలీసులు ఇరు వర్గాల నుండి స్టేట్‌మెంట్లను సేకరించి విచారణ జరుపుతున్నారు.

ఇవి కూడా చదవండి

ఆదర్శ వివాహం..ప్రాణాలకు తెగించిన యువతి ధైర్యానికి ప్రశంసల వెల్లువ

పెరుగు vs మజ్జిగ..ఎండాకాలంలో ఏది తింటే మంచిది? నిపుణుల సూచన

వంద రోగాలకు ఒకటే మందు.. మీ ఉదయాన్ని ఇలా మొదలుపెట్టండి..! లాభాలు

పసిడి ప్రియులకు పండగే! మరింత తగ్గిన బంగారం ధర, ఇవాళ్టి రేట్స్...

మరిన్ని ఆంధ్రప్రదేశ్ వార్తల కోసం క్లిక్ చేయండి..