Covid Patients Menu: ఏపీలోని కోవిడ్ కేర్ సెంటర్.. కరోనా రోగుల ఫుడ్ మెనూ అదుర్స్..

Covid Care Center: కోవిద్-19 విలయతాండవం చేస్తోంది. తెలుగు రాష్ట్రాల్లో భారీగా కేసులు నమోదవుతున్నాయి. కరోనా బారిన పడకుండా మాస్క్ ధరించడం,..

Food (1)

Ravi Kiran |
Updated on: May 11, 2021 | 1:05 PM

Covid Care Center: కోవిద్-19 విలయతాండవం చేస్తోంది. తెలుగు రాష్ట్రాల్లో భారీగా కేసులు నమోదవుతున్నాయి. కరోనా బారిన పడకుండా మాస్క్ ధరించడం, తరచూ శానిటైజర్లతో చేతులను శుభ్రం చేసుకోవడం ఎంత ముఖ్యమో.. స్వీయ జాగ్రత్తలు తీసుకుంటూనే సరైన పౌష్ఠిక ఆహారం తీసుకోవడం కూడా అంతే ముఖ్యం. ఈ క్రమంలో కరోనా బారిన పడిన వారు త్వరగా కోలుకునేందుకు, వారిలో రోగనిరోధక శక్తిని పెంపొందించేందుకు ఏపీలోని కోవిడ్ కేర్ సెంటర్ బలమైన ఆహారాన్ని అందిస్తూ ఆదర్శంగా నిలుస్తోంది.

ఒంగోలులోని పాత ట్రిపుల్ ఐటీ కాలేజీలోని కోవిడ్ కేర్ సెంటర్ కరోనా బాధితులకు స్పెషల్ మెనూను పాటిస్తోంది. రోగులకు అందించే భోజనంలో ఎలాంటి రాజీ పడటలేదు. ఈ కోవిడ్ కేర్ సెంటర్‌లో ప్రస్తుతం 170 మంది ఉంటున్నారు. వారందరి ఆరోగ్యం ఎప్పటికప్పుడు పర్యవేక్షించేందుకు 24 గంటలు వైద్యులు, ఆరోగ్య సిబ్బంది అందుబాటులో ఉంటున్నారు. అలాగే మానసిక ఒత్తిడిని తగ్గించేందుకు ఉపశమన కార్యక్రమాలు నిర్వహిస్తున్నారు. ఎక్కువ పోషక విలువలు కలిగిన రుచికరమైన భోజనాన్ని అందిస్తోంది. ప్రతిరోజూ ఉదయం బెల్లం, పాలు కలిపిన రాగిజావ, రోజుకో టిఫిన్ అందిస్తున్నారు. మధ్యాహ్నం లంచ్‌లో, రాత్రి డిన్నర్‌లో వివిధ వెరైటీలను అందిస్తోంది. శనివారం పులిహోర, దానికి కాంబినేషన్‌గా చట్నీ.. ఆదివారం టమాటా బాత్, పొంగలి అందిస్తున్నారు.