YS Jagan: జగన్ సర్కార్ గుడ్ న్యూస్.. వారికి అన్ని సెలవులు వర్తింపు..

వార్డు సచివాలయాల్లో పని చేస్తోన్న ఉద్యోగులకు జగన్ సర్కార్ గుడ్ న్యూస్ అందించింది. వారిని అన్ని రకాల సెలవులు వర్తిస్తాయని పేర్కొంది. ఈ మేరకు పురపాలిక శాఖ కమిషనర్ ప్రవీణ్ కుమార్ కీలక ఉత్తర్వులు జారీ చేశారు. సెలవులపై తగిన చర్యలు తీసుకోవాలని మున్సిపల్ కమీషనర్లకు ఆదేశాలు జారీ చేశారు. సచివాలయ ఉద్యోగులను 5 నెలల క్రితమే రాష్ట్ర ప్రభుత్వం రెగ్యులరైజ్ చేసినా.. ఇప్పటిదాకా వారికి సెలవుల విషయంలో ప్రొహిబిషన్ విధానమే అమలవుతోంది. దీంతో ఆయా ఉద్యోగులు సాధారణ, ఐచ్చిక సెలవులే వినియోగించుకుంటున్నారు. అయితే ఈ విషయాన్ని ఉద్యోగ సంఘాలు.. పురపాలిక శాఖ దృష్టికి తీసుకెళ్లగా.. రెగ్యులర్ ఉద్యోగులకు వర్తించే అన్ని రకాల సెలవులు వార్డు పారిశుద్ధ్య, పర్యావరణ కార్యదర్శులతో పాటు సచివాలయ ఉద్యోగులందరికీ వర్తింపజేయాలని నిర్ణయం తీసుకున్నారు.