AP Summer Holidays: ఏపీ విద్యార్ధులకు గుడ్ న్యూస్.. మే 9వ తేదీ నుంచి వేసవి సెలవులు.!

ఏపీ విద్యార్ధులకు ముఖ్య అలెర్ట్. మే9వ తేదీ నుంచి వేసవి సెలవులు ఉండనున్నట్లు రాష్ట్ర విద్యాశాఖ వెల్లడించింది. ఈ ఏడాది పదో తరగతి పబ్లిక్ పరీక్షలు ఏప్రిల్ 27వ తేదీ నుంచి మే9 వరకు జరగనున్నాయి. ఇక పరీక్షలు పూర్తి కాగానే సెలవులను ప్రకటించనుంది విద్యాశాఖ. అటు 1వ తరగతి నుంచి 9వ తరగతి వరకు చదువుతున్న విద్యార్ధులకు సమ్మేటివ్-2 పరీక్షలు ఏప్రిల్ 22 నుంచి మే 4 వరకు జరగనున్నాయి. అవి పూర్తయిన వెంటనే వారికి సమ్మర్ హాలీడేస్ ఉంటాయి. ఇదిలా ఉంటే.. 2022-2023 విద్యా సంవత్సరాన్ని జూలై 4 నుంచి ప్రారంభించాలని రాష్ట్ర విద్యాశాఖ ప్రణాళికలు సిద్దం చేస్తోంది. ఈ నేపధ్యంలో జూనియర్ కాలేజీలకు మే 25 నుంచి జూన్ 20 వరకు వేసవి సెలవులు ప్రకటించనున్నారు. కాగా, ఈ అంశంపై రెండు లేదా మూడు రోజుల్లో క్లారిటీ రానుంది.