AP Teacher Jobs: 502 ఉపాధ్యాయ పోస్టుల భర్తీకి నోటిఫికేషన్ విడుదల చేసిన ఏపీ సర్కార్
ఆంధ్రప్రదేశ్ రాష్ట్ర వ్యాప్తంగా ఉన్న పాఠశాలల్లో వివిధ విభాగాల్లో ఖాళీగా ఉన్న 502 పోస్టుల భర్తీకి రాష్ట్ర ప్రభుత్వం..
Updated on: Aug 23, 2022 | 11:52 AM
Andhra Pradesh Teacher Recruitment 2022 Notification: ఆంధ్రప్రదేశ్ రాష్ట్ర వ్యాప్తంగా ఉన్న పాఠశాలల్లో వివిధ విభాగాల్లో ఖాళీగా ఉన్న 502 పోస్టుల భర్తీకి రాష్ట్ర ప్రభుత్వం నోటిఫికేషన్ విడుదల చేసింది. ఈ మేరకు ఆగస్టు 21న (శనివారం) ఓ ప్రకటనలో వెల్లడించింది. స్కూల్ అసిస్టెంట్లు, ఎస్జీటీ, మ్యూజిక్ ఉపాధ్యాయులు, ఆర్ట్ ఉపాధ్యాయులు, స్పెషల్ ఎడ్యుకేషన్ (స్కూల్ అసిస్టెంట్స్), ఏపీ మోడల్ స్కూల్స్, బీసీ సంక్షేమ పాఠశాలల్లో పీజీటీ, టీజీటీల నియామకానికి గాను ఈ పోస్టులను భర్తీ చేయనున్నట్లు ప్రకటనలో తెల్పింది. ఈ నోటిఫికేషన్కు సంబంధించిన పూర్తి వివరాలు ఈ రోజు (ఆగస్టు 23) అందుబాటులో ఉంచనున్నట్లు పాఠశాల విద్య కమిషనర్ యస్ సురేష్ కుమార్ తెలిపారు. ప్రభుత్వ ఆదేశాల మేరకు లిమిటెడ్ రిక్రూట్ మెంట్-2022 వివరాలు నేడు విడుదల చేయనున్నారు. ఇతర సమాచారం అధికారిక వెబ్సైట్లో చెక్ చేసుకోవచ్చు.
మరిన్ని తాజా విద్యా, ఉద్యోగ సమాచారం కోసం క్లిక్ చేయండి.
