చంద్రబాబు విదేశీ పర్యటన రద్దు..!

ఆంధ్రప్రదేశ్ మాజీ సీఎం, టీడీపీ అధినేత చంద్రబాబు నాయుడు ఎన్నికల ఫలితాల అనంతరం విదేశీ పర్యటనకు వెళ్లాలని నిర్ణయించుకున్న సంగతి తెలిసిందే. ఈ నెల 7 నుంచి 13 వరకూ కుటుంబసభ్యులతో కలిసి విదేశాలకు వెళ్లాలని చంద్రబాబు సన్నాహాలు చేసుకున్నా.. జూన్ 12 నుంచి ఏపీ అసెంబ్లీ సమావేశాలు ప్రారంభం కానుండంతో ఈ టూర్‌ను రద్దు చేసుకున్నారు. దీంతో నియోజకవర్గాల వారీగా పార్టీ ఓటమికి గల కారణాలను చంద్రబాబు సమీక్షించే అవకాశముంది.

మరోవైపు,కేశినేని నాని తతంగం చూస్తుంటే పార్టీలోని నేతల మధ్య అసంతృప్తి ఉందని చెప్పకనే చెబుతోంది. అటు అసెంబ్లీలో పార్టీ అనుసరించాల్సిన వైఖరిని కూడా చంద్రబాబు ఖరారు చేయనున్నట్లు తెలుస్తోంది.