కూతురి ఐడీ కార్డ్‌ దొంగిలించిన తల్లి.. కాలేజీలో అడ్మిషన్ తీసుకొని అబ్బాయిలతో డేటింగ్

Mother Stole: అమెరికా నుంచి చాలా విచిత్రమైన కేసు తెరపైకి వచ్చింది. ఇది తెలిసిన తర్వాత మీరు కూడా ఆశ్చర్యపోతారు.

Mother Stole

uppula Raju |

Updated on: Dec 11, 2021 | 4:00 PM

Mother Stole: అమెరికా నుంచి చాలా విచిత్రమైన కేసు తెరపైకి వచ్చింది. ఇది తెలిసిన తర్వాత మీరు కూడా ఆశ్చర్యపోతారు. ఇక్కడ ఒక మహిళ తన సొంత కూతురి ఐడీ కార్డును దొంగిలించి కాలేజీలో అడ్మిషన్ తీసుకుంది. అందులో తప్పేముంది అనుకుంటున్నారా.. సదరు మహిళ ఐడి కార్డుపై లక్షల రూపాయల విద్యార్థి రుణం తీసుకుంది. అంతేకాదు కాలేజీకి చెందిన చాలా మంది యువకులతో డేటింగ్ చేయడానికి ప్రయత్నించింది. ఈ మహిళను 48 ఏళ్ల లారా ఓగ్లెస్బేగా గుర్తించారు.

ఈమె చాలా పకడ్బందీగా ప్లాన్ ప్రకారం.. ఈ పని చేసింది. అయితే ఈ మహిళ చాకచక్యం ఎక్కువ కాలం పనిచేయలేదు. చివరకు ఆమె దొంగతనం తెలియడంతో ఆమెకు రూ.19 లక్షల జరిమానా వేస్తూ కోర్టు జైలు శిక్ష విధించింది. మీడియా నివేదికల ప్రకారం.. లారా అనే మహిళ తన కుమార్తె ఐడి కార్డును దొంగిలించి సౌత్ వెస్ట్ బాప్టిస్ట్ విశ్వవిద్యాలయంలో అడ్మిషన్ తీసుకుంది. దీని కోసం ఆ మహిళ కుమార్తె సామాజిక భద్రతా కార్డును ఉపయోగించింది.

అంతే కాదు ఈ దుర్మార్గురాలు తన కూతురు పేరు మీద డ్రైవింగ్ లైసెన్స్ కూడా తీసుకుంది. లారా ఓగ్లెస్బే కాలేజీలో అడ్మిషన్ తీసుకున్న తర్వాత 20 ఏళ్ల అబ్బాయితో డేటింగ్ ప్రారంభించింది. అతనికి తన వయస్సు 22 సంవత్సరాలు అని చెప్పి నమ్మించింది. అంతేకాదు ఆమె తన కుమార్తె పేరుతో స్నాప్‌చాట్‌లో నకిలీ ఖాతాను కూడా సృష్టించింది. తర్వాత ఆమె కుమార్తెలా దుస్తులు ధరించడం ప్రారంభించింది.

యువకులతో డేటింగ్ చేయడానికి లారా తనను తాను యంగ్‌గా కనిపించేలా చేయడానికి హెవీ మేకప్‌ను ఉపయోగించేది. ఆ ఫొటోలు చూస్తే మీరు ఆశ్చర్యపోతారు. పోలీసులకు దొరికిన తర్వాత ఆ మహిళ తన కుమార్తె ఐడిని ఉపయోగించి కళాశాల నుంచి సుమారు 5 లక్షల రుణం తీసుకుందని తెలిసింది. మోసం బయటపడిన తర్వాత లారా దీనిని ఖండించడం కొనసాగించింది. అయితే కఠినంగా వ్యవహరించడంతో నేరం అంగీకరించింది. ఈ చర్యకు గాను న్యాయస్థానం లారాకు 25 వేల డాలర్ల జరిమానాతో పాటు 5 సంవత్సరాల జైలు శిక్ష విధించింది.