Luck: నక్కతోక తోక్కడమంటే ఇదే మరి.. ఆ నెంబర్స్ సాయంతో 40 లక్షలు గెలుచుకుంది..!
Luck: ‘దురదృష్టం తలుపు తెరిచేంత వరకు కొడుతూనే ఉంటుంది. అదృష్టం మాత్రం ఒక్కసారే వస్తుంది. అది వచ్చినప్పు తలుపు తెరిస్తే లైఫ్..
Updated on: Sep 04, 2022 | 9:58 PM
Luck: ‘దురదృష్టం తలుపు తెరిచేంత వరకు కొడుతూనే ఉంటుంది. అదృష్టం మాత్రం ఒక్కసారే వస్తుంది. అది వచ్చినప్పు తలుపు తెరిస్తే లైఫ్ మారిపోవడం ఖాయం’ అని అంటుంటారు. అదృష్టాన్ని అందిపుచ్చుకున్నోళ్లకు పంట పండుతుంది. తాజాగా ఓ మహిళ విషయంలో ఇదే జరిగింది. అందివచ్చిన అవకాశాన్ని పరీక్షించుకుంది. విధి కూడా కనికరించడంతో దెబ్బకు లక్షాధికారి అయ్యింది. తన కారు నెంబర్‌ను రిజిస్టర్ చేసిన సమయంలో ఈ లక్ ఆమె లైఫ్ తలుపు తట్టింది.
ఇందుకు సంబంధించిన వివరాలు ఇలా ఉన్నాయి. అమెరికాలోని మేరీల్యాండ్ ప్రాంతానికి చెందిన క్వాడ్రాజెనేరియన్(43).. తన పాత కారు నెంబర్‌ను పోలిన లాటరీ కొనుగోలు చేసింది. అదృష్టం కొద్ది ఆమెకు ఆ లాటరీ తగిలింది. ఈ లాటరీలో 50 వేల డాలర్లు, భారత కరెన్సీలో అక్షరాలా 40 లక్షల రూపాయలు గెలుచుకుంది. లాటరీలో తనకు 40 లక్షలు రావడంపై సంతోషం వ్యక్తం చేసింది క్వాడ్రా. అయితే, మొదట తాను విశ్వసించలేదు. మరోసారి చెక్ చేసుకున్న తరువాత ఎగిరి గంతేసింది. వెంటనే విషయాన్ని ఇంట్లోవారికి తెలియజేసింది. లాటరీలో గెలుచుకున్న డబ్బులను కొన్ని అప్పులు చెల్లించడానికి, తన కారుకు మరమ్మతులు చేయించడం, ఇంట్లో అవసరాలను బట్టి ఖర్చు చేస్తానని తెలిపింది.
మరిన్ని హ్యూమన్ ఇంట్రస్ట్ వార్తల కోసం ఈ లింక్ క్లిక్ చేయండి..
