COP26 Summit: ఐక్యరాజ్యసమితి కాప్26 సమ్మిట్ కోసం.. అతి చిన్న దేశం.. వినూత్నంగా సందేశం.. ఆలోచింపచేస్తున్న ప్రయత్నం!

Tuvalu Minister Message From Sea

COP26 Summit: సోషల్ మీడియాలో ఓ ఫోటో వైరల్ అవుతోంది. ఇందులో సూటు బూటు ధరించిన ఓ వ్యక్తి సముద్రం మధ్యలో నిలబడి ప్రసంగిస్తున్నాడు. ఈ ఫోటో చిన్న దేశమైన ‘తువాలు’ విదేశాంగ మంత్రి సైమన్ కోఫేది. ఈ విధంగా, కోఫె వాతావరణ మార్పులను విస్మరించడం వల్ల కలిగే తీవ్రమైన పరిణామాల గురించి ప్రపంచానికి అదేవిధంగా ఐక్యరాజ్యసమితి(UN)కి సందేశం పంపాలనుకున్నారు.

తాజాగా ఐక్యరాజ్యసమితిలో గ్లాస్గో, స్కాట్లాండ్ క్లైమేట్ చేంజ్ కాప్26(COP26) సమ్మిట్ నిర్వహించారు. పలువురు ప్రపంచ దేశాధినేతలు కూడా ఇందులో పాల్గొన్నారు. అధికారిక స్థాయిలో ఈ సమ్మిట్‌పై ఇంకా ఆన్ లైన్ లో వివిధ దేశాలు తమ ఆలోచనలు పంచుకుంటూ వస్తున్నాయి. ఇందులో తువాలు విదేశాంగ మంత్రి సైమన్ కోఫే కూడా పాల్గొన్నారు. ఆయన ఐక్యరాజ్యసమితికి రికార్డ్ చేసిన సందేశాన్ని పంపాడు. అయితే, ఈ సందేశం వీడియో రికార్డింగ్ చేయడానికి ఆయన ఎంచుకున్న ప్రదేశం ఇప్పుడు సోషల్ మీడియాలో వైరల్ అవుతోంది.

ఆ వీడియోలో ఏముంది..

మోకాలివరకూ తన ఫ్యాంట్ మడత పెట్టుకున్న తువాలు విదేశాంగ మంత్రి సైమన్ కోఫే సముద్రంలో మోకాలి లోతు నీటిలో నిలబడి తన సందేశాన్ని ఇస్తూ రికార్డు చేశారు. సముద్రంలో ఒక పోడియం.. దాని వెనుక పై వరకూ ఫ్యాంట్ పైకి మడచిన కోఫే.. ఆయన వెనుక వీడియో రికార్డింగ్ సరిగా వచ్చేందుకు ఒక నీలితెర. ఏర్పాటు చేశారు. ఈ నేపధ్యంలో తన సందేశాన్ని రికార్డ్ చేసి ఐక్యరాజ్యసమితికి పంపారు. అదే వీడియోను సోషల్ మీడియాలో కూడా షేర్ చేశారు. దీంతో ఆ వీడియో వైరల్‌గా మారింది.

సైమన్ కోఫే ఈ వీడియో ద్వారా ప్రపంచంలోని వాతావరణ మార్పుల కారణంగా సముద్ర మట్టం వేగంగా పెరుగుతోందని, దీని వల్ల తువాలు లాంటి చిన్న దేశాలు మునిగిపోయే ప్రమాదం ఉందని సందేశం ఇచ్చారు. అందువల్ల, వాతావరణ మార్పులను అరికట్టడానికి ప్రపంచంలోని అన్ని దేశాలు తీవ్రమైన అదేవిధంగా కఠినమైన చర్యలు తీసుకోవాలని ఆయన పేర్కొన్నారు. ఈ వీడియో తువాలు అధికారిక టీవీ టీవీబీసీ(TVBC) ద్వారా ప్రత్యక్ష ప్రసారం కూడా చేశారు. ఇది తువాలు రాజధాని ఫునాఫుటి మధ్యలో రికార్డ్ చేశారు. ఇంతకీ తువాలు దేశ వైశాల్యం కేవలం 25.9 చదరపు కిలోమీటర్లు. దీని జనాభా 11 వేల 792. అదేవిధంగా మొత్తం 9 ద్వీపాలు ఈ దేశంలో ఉన్నాయి.

సైమన్ కోఫే ఈ వీడియో మీరూ చూడండి ఇక్కడ..

ఇవి కూడా చదవండి: Malala Marriage: నోబెల్ శాంతి బహుమతి గ్రహీత మలాలా వివాహం..సోషల్ మీడియాలో ప్రకటన!

Corona: మిలియన్ల మంది ప్రాణాలను బలిగొన్న కరోనా ఆ ఖైదీ ప్రాణాన్ని కాపాడింది.. ఎలాగంటే..