Chile Sinkhole: ప్రపంచాన్నే వణికిస్తున్న చిలీ సింక్ హోల్.. ఊళ్లకు ఊళ్లనే మింగేలా..

Chile Sinkhole: ఉన్నట్టుండి భూమి కుంగిపోయింది.. అది అంతకంతకూ విస్తరిస్తోంది..అది కూడఎంతలా అంటే స్టాట్యూ ఆఫ్ యూనిటీ మునిగేంతగా..దానికి అసలు కారణమేంటీ..? చిలీలో వారం క్రితం ఒక్కసారిగా పుట్టుకొచ్చిన సింక్ హోల్ ఇప్పుడు ప్రపంచవ్యాప్తంగా పెద్ద ఆకర్షణగా మారింది. వరల్డ్ బిగ్ మిస్టీరియస్‌గా మారిన ఈ అతి పెద్ద గొయ్యి రోజురోజుకీ విస్తరిస్తోంది. ఇప్పుడు చూస్తే 160 అడుగుల వెడల్పు, 656 అడుగుల లోతుకు పెరిగిపోయింది. ఒక్క మాటలో చెప్పాలంటే.. ప్రపంచంలోనే అతి ఎత్తైన విగ్రహంగా వున్న స్టాచ్యూ ఆఫ్‌ యూనిటీ ఈ భారీ గోతిలో ఈజీగా మునిగిపోతుంది. ఫ్రాన్స్‌లోని ప్రఖ్యాత ఆర్క్‌ డి ట్రయాంఫ్‌ కూడా ఈ గోతిలో ఇమిడిపోతుంది. ఇంత పెద్ద గొయ్యి ఎలా ఏర్పడిందనే అంశంపై పరిశోధిస్తున్నామని చిలీకి చెందిన నేషనల్‌ సర్వీస్‌ ఆఫ్‌ జియాలజీ అండ్‌ మైనింగ్‌ విభాగం అధికారులు చెప్పారు.

ఈ గొయ్యి ఏర్పడిన ప్రదేశానికి అత్యంత సమీపంలోని అల్కాపరోసా అండర్‌ గ్రౌండ్‌ గనులను కెనడాకు చెందిన కంపెనీ లుండిన్‌ మైనింగ్‌ ఎల్‌యూఎన్‌ నిర్వహిస్తోంది. భారీ గొయ్యి వెలుగు చూసిన నేపథ్యంలో ఆ గనిలో పనుల్ని తక్షణం నిలిపివేయాలని ప్రభుత్వం ఆదేశించింది. గొయ్యి పడ్డ ప్రాంతంలో వున్న గనిని రెండు దేశాలు నిర్వహిస్తున్నాయి. ఈ మైనింగ్‌లో 80శాతం వాటా కెనడా కంపెనీదేతే.. . మిగిలిన 20శాతం వాటా జపాన్‌కు చెందిన సుమిటోమో మెటల్‌ మైనింగ్‌కు చెందింది. ఇప్పటికే గనిలో నీటిని తోడే యంత్రాలను చేర్చారు. గని ఛాంబర్లు ఎక్కడైనా దెబ్బతిన్నాయేమో పరిశీలిస్తున్నారు. ఈ గొయ్యి వల్ల ఈ ప్రాంతమంతా భవిష్యత్తులో వరదల్లో చిక్కుకోవచ్చని అనుమానిస్తున్నారు.

మరిన్ని అంతర్జాతీయ వార్తల కోసం ఈ లింక్ క్లిక్ చేయండి..