Russian Couple: పవిత్రమైన చోట నగ్నంగా ఫొటోలు దిగిన మహిళ..చివరకు ఏం జరిగిందంటే..!

Russian Couple: కొత్త ప్రదేశాలకు లేదా ఇతర దేశాల్లో పర్యటిస్తున్న సమయంలో ఆయా దేశ రూల్స్‌ అలాగే అక్కడి ప్రజల జీవన విధానం గురించి కూడా తెలుసుకోవడం మంచిది. ఇలాంటి విషయాలు ఏమి తెలియకుండా ఓవర్‌ యాక్షన్‌ చేసిన ఓ జంటకు రియాక్షన్‌ చాలా స్ట్రాంగ్‌గా వచ్చింది. ఏడు వందల ఏళ్ల చరిత్ర ఉన్న ఓ చెట్టును పవిత్రంగా భావిస్తున్నారు ఇండోనేయాలోని బాలి ప్రాంత ప్రజలు. అలాంటి చెట్టు దగ్గర ఓ రష్యా జంట అత్యుత్సాహంతో వెకిలి పనులకు పాల్పడింది. నగ్నంగా ఫోట్‌ షూట్‌ చేసింది. బాబకన్‌ గుడిలోని ఆ మర్రిచెట్టు దగ్గర న్యూడ్‌ ఫోటోషూట్‌ చేసింది ఆ జంట.

అలినా ఫజ్లీవా అనే ఇన్‌స్టాగ్రామ్‌ మోడల్‌ నగ్నంగా చెట్టు సమక్షంలో ఫోజులు ఇవ్వగా.. ఆమె భర్త అండ్రే ఫొటోలు తీశాడు. అంతటితో ఆగకుండా ఆ ఫొటోల్ని ఇన్‌స్టాగ్రామ్‌లో పోస్ట్‌ చేశాడు. ఇంకేం బాలినీస్‌ హిందూ వర్గాలకు చిర్రెత్తుకొచ్చింది. ఈ ఘటనపై ఆగ్రహావేశాలు వ్యక్తం కాగా.. రష్యా ఇన్‌ఫ్లుయెన్సర్‌ అలినా ఫజ్లీవాను, ఆమె భర్తను బాలి నుంచి వెల్లగొట్టారు. ఇక ఈ ఘటనకుగానూ శిక్షగా ఆరు నెలలపాటు ఈ జంటను ఇండోనేషియాలో అడుగుపెట్టనివ్వరు. రష్యాకు తిరిగి వెళ్లిపోయిన ఈ జంట.. క్షమాపణలు చెబుతూ ఓ వీడియోను పోస్ట్‌ చేసింది అలీనా.