US Accident: అమెరికాలో ఘోర రోడ్డు ప్రమాదం.. 15 మంది మృత్యువాత..

Road Accident in US-Mexico border: అమెరికాలో ఘోర రోడ్డు ప్రమాదం సంభవించింది. ట్రక్కు.. ఎస్‌యూవీ (sport utility vehicle) వాహనాన్ని ఢీకొట్టిన ఘటనలో 15 మంది ప్రాణాలు కోల్పోయారు. చాలా మంది..

Shaik Madar Saheb |
Updated on: Mar 03, 2021 | 10:57 AM

Road Accident in US-Mexico border: అమెరికాలో ఘోర రోడ్డు ప్రమాదం సంభవించింది. ట్రక్కు.. ఎస్‌యూవీ (sport utility vehicle) వాహనాన్ని ఢీకొట్టిన ఘటనలో 15 మంది ప్రాణాలు కోల్పోయారు. చాలా మంది గాయాలపాలయ్యారు. ఈ ఘోర ప్రమాదం.. అమెరికా దక్షిణ కాలిఫోర్నియా- మెక్సికో సరిహద్దులోని స్టేట్‌ రూట్‌ 115, ఇంపీరియల్‌ కౌంటీలోని నోరిష్‌ రోడ్‌లో ఉదయం 6.15 గంటల ప్రాంతంలో సంభవించింది. ఈ ఘటనలో 14 మంది అక్కడికక్కడే మరణించగా.. ఆసుపత్రికి తరలిస్తున్న క్రమంలో ఒకరు మృతి చెందారు. మరో పది మందికిపైగా గాయపడగా.. వారందరినీ ఆసుపత్రికి తరలించినట్లు యూఎస్ అధికారులు తెలిపారు. ఎనిమిది మంది కూర్చోవాల్సిన వాహనంలో సుమారు 27 మంది వరకు ఉన్నట్లు వెల్లడించారు. ట్రక్ డ్రైవర్‌కు స్వల్పగాయాలయ్యాయి.

మృతుల్లో పది మంది మెక్సికన్‌ పౌరులు ఉన్నారని, మరికొంతమంది గురించి ఆరా తీస్తున్నట్లు వెల్లడించారు. అయితే వాహనంలో ఎనిమిది మందే వెళ్లొచ్చు. కానీ ఇంత మంది ఎందుకు.. ఎలా వెళ్లారో తెలియడం లేదని అధికారులు తెలిపారు. ఎస్‌యూవీని.. ట్రక్కు బలంగా ఢీకొట్టడంతో అందులో ఉన్నవారంతా ఒకరినొకరు అతుక్కుపోయారు. మృతదేహాలను వెలికి తీసేందుకు అధికారులు శ్రమించారు. ఈ ఘటనపై దర్యాప్తు జరుపుతున్నట్లు యూఎస్ రవాణా భద్రతా బోర్డు తెలిపింది.