రోగంతో అక్కడికి పోతే ఆ డాక్టర్ చెరబట్టినట్లే.. మనవరాలిని సైతం వదల్లే.. ఏకంగా 300 మందిని..!

France Former Surgeon Arrested

మనం అనారోగ్యంతో ఉన్నప్పుడు లేదా ఏదైనా వ్యాధికి చికిత్స అవసరమైనప్పుడు, వైద్యుడిని దైవుడిగా నమ్మి నేరుగా అతని వద్దకు వెళ్తాం. కానీ అతన్ని నమ్మి, మీ బిడ్డను తనతో గదిలో ఒంటరిగా వదిలేస్తే, మీ కుటుంబ సభ్యుడిని అతనితో ఒంటరిగా వదిలేస్తే, మీ బిడ్డపై దారుణమైన నేరం చేస్తే ఏమి చేయాలి? అలాంటి ఒక కేసు ఫ్రాన్స్‌లో అలస్యంగా వెలుగులోకి వచ్చింది.

ట్రీట్‌మెంట్ కోసం వచ్చిన వారిపై ఒక ఫ్రెంచ్ సర్జన్ తన పైశాచికత్వాన్ని చూపించాడు. ఒకరు కాదు ఇద్దరు కాదు.. ఏకంగా 100 మంది పిల్లలతో సహా 300 మందిపై లైంగిక వేధింపులకు పాల్పడ్డాడు. అయితే, కీలక విషయం ఏమిటంటే, ఈ సర్జన్ తన 33 సంవత్సరాల కెరీర్‌లో ఎప్పుడూ పట్టుబడలేదు. ఇటీవలే అతనే తన నేరాన్ని అంగీకరించాడు. దాదాపు 300 మంది రోగులను లైంగికంగా వేధించాడనే ఆరోపణలతో ఒక ఫ్రెంచ్ సర్జన్ విచారణలో ఒప్పుకున్నాడు. వారిలో ఎక్కువ మంది పిల్లలు కూడా ఉన్నట్లు పేర్కొన్నాడు. సోమవారం(మార్చి 3) విచారణ సందర్భంగా, సర్జన్ తాను అబద్ధం చెప్పడం మానేశానని, కొన్ని సార్లు అత్యాచారాలు కూడా చేసినట్లు ఒప్పుకున్నాడు.

ఈ ఫ్రెంచ్ సర్జన్ పేరు లె స్కౌరానెక్. ఆయన వయస్సు 74 సంవత్సరాలు. దేశంలోనే అత్యంత దారుణమైన లైంగిక వేధింపుల కేసులో పశ్చిమ నగరమైన వాన్స్‌లో పోలీసులు అదుపులోకి తీసుకున్నారు. అతన్ని గత వారం రోజులుగా పోలీసులు విచారణ చేస్తున్నారు. ఈ విచారణ సమయంలోనే అతను కొన్ని అత్యాచారాలకు పాల్పడినట్లు నిజం అంగీకరించాడు.

1989 – 2014 మధ్య వివిధ ఆసుపత్రులలో సర్జన్‌గా విధులు నిర్వహించాడు. ఈ సందర్భంగా 299 మంది రోగులపై తన అకృత్యాన్ని ప్రదర్శించినట్లు పోలీసులు భావిస్తున్నారు. రోగులు అపస్మారక స్థితిలో ఉన్నప్పుడు, ఆపరేషన్ తర్వాత మేల్కొన్నప్పుడు సర్జన్ ఈ నేరానికి పాల్పడినట్లు తెలిపారు. ఈ 299 కేసుల్లో 256 మంది బాధితులు 15 సంవత్సరాల కంటే తక్కువ వయస్సు గలవారు. సర్జన్ లైంగిక దాడి చేసిన వారిలో అతి పిన్న వయస్కుడు ఒక సంవత్సరం వయసున్న పిల్లవాడు కూడా ఉన్నట్లు వెలుగులోకి వచ్చింది. మరోవైపు, 70 ఏళ్ల వృద్ధుడిపై కూడా అత్యాచారం జరిపినట్లు పోలీసులు తెలిపారు.

విచారణ సమయంలో, సర్జన్ అందరినీ షాక్‌కు గురిచేసే ఒక విషయం చెప్పాడు. తాను గతంలో దాచాలనుకున్న, తిరస్కరించాలనుకున్న అన్ని దుష్ప్రవర్తనలు, నేరాలను ఒప్పుకోవాలనుకుంటున్నానని తెలిపాడు. అబద్ధం చెప్పి విసిగిపోయాను.వాటన్నింటినీ అంగీకరించడానికి సిద్ధంగా ఉన్నానని పోలీసుల విచారణలో తెలిపాడు. పోలీసుల దర్యాప్తులో మరిన్ని ఆసక్తికర విషయాలు వెల్లడయ్యాయి. కొన్ని పరీక్షలు నిర్వహించే నెపంతో అబ్బాయిలపై అత్యాచారం చేసినట్లు లె స్కౌరానెక్ అంగీకరించాడని పోలీసులు చెప్పారు. బాలికలపై లైంగిక వేధింపులకు పాల్పడినట్లు అతను అంగీకరించాడు. అతను తన రోగులపై అత్యాచారం చేయడమే కాకుండా, రోగుల అభ్యంతరకరమైన చిత్రాలను కూడా తీశాడు. 2005లో పిల్లల అశ్లీల చిత్రాలను కలిగి ఉన్నందుకు దోషిగా నిర్ధారించినప్పటికీ, అతని ప్రవర్తనపై కొంతమంది సహోద్యోగులు ఆందోళనలు వ్యక్తం చేశారు. అయినప్పటికీ, అతని కెరీర్‌లో ఎప్పుడూ దర్యాప్తు జరగలేదు.

అతను పదవీ విరమణ చేసే వరకు అంటే 2017 వరకు తన కార్యకలాపాలను కొనసాగించాడు. ఆ తర్వాత ఆరేళ్ల పిల్లవాడు అతనిపై అత్యాచారం చేశాడని ఆరోపించాడు. ఆ తర్వాత కొంతమంది అతనిపై కేసు పెట్టారు. దీంతో రంగంలోకి దిగిన పోలీసులు విచారణ చేపట్టారు. ఆ సర్జన్ కంప్యూటర్‌లో దాచిన రోగుల అశ్లీల చిత్రాలను పోలీసులు స్వాధీనం చేసుకున్నారు. ప్రస్తుతం, సర్జన్ జైలులోనే ఉన్నాడు. 6 ఏళ్ల బాలుడు, అతని ఇద్దరు మేనకోడళ్ళు సహా నలుగురు పిల్లలపై అఘాయిత్యానికి పాల్పడినందుకు దోషిగా తేలిన తర్వాత అతను 2020 నుండి జైలులో ఉన్నాడు.

అతని హార్డ్ డిస్క్‌లో దాదాపు 3,00,000 అభ్యంతరకరమైన ఫోటోలు, వీడియోలను పోలీసులు కనుగొన్నారు. చాలా హింసాత్మక చిత్రాలను, మరణశిక్షలను, మానవ శిరచ్ఛేదనాలను, అలాగే జంతువుల పట్ల క్రూరత్వాన్ని తాను చూశానని సర్జన్ కోర్టుకు తెలిపారు. ఇదిలావుంటే, ఆ సర్జన్ కు ముగ్గురు కుమారులు ఉన్నారని, తన పిల్లలపై తాను ఎప్పుడూ నేరం చేయలేదని చెప్పాడు. అయితే, తన పెద్ద కొడుకు కుమార్తె అయిన 12 ఏళ్ల మనవరాలిపై కూడా తాను అత్యాచారం చేశానని లె స్కోర్నెక్ ఒప్పుకున్నాడు.

మరిన్ని క్రైమ్ వార్తల కోసం ఇక్కడ క్లిక్ చేయండి..