బిల్‌గేట్స్‌కు టై గ్లోబల్ లైఫ్ టైం అఛీవ్‌మెంట్ అవార్డు… కరోనాపై విజయం పరిశోధనలతోనే సాధ్యం…
పర్యావరణ పరిరక్షణ, విపత్తులను ఎదుర్కోవడం, దాతృత్వాన్ని చూపడంలో ముందుండే ప్రపంచ కుబేరుడు బిల్‌గేట్స్‌కు లైఫ్ టైం అఛీవ్‌మెంట్ అవార్డు వచ్చింది.
TV9 Telugu Digital Desk | Edited By:
Updated on: Dec 11, 2020 | 11:18 AM
పర్యావరణ పరిరక్షణకు, విపత్తులను ఎదుర్కోవడం, దాతృత్వాన్ని చూపడంలో ముందుండే ప్రపంచ కుబేరుడు బిల్‌గేట్స్‌కు లైఫ్ టైం అఛీవ్‌మెంట్ అవార్డు వచ్చింది. టై గ్లోబల్ అనే సంస్థ ఈ పురస్కారాన్ని బిల్‌గేట్స్‌కు డిసెంబర్ 10న ఆన్‌లైన్‌లో ప్రదానం చేసింది. ఈ సందర్భంగా బిల్‌గేట్స్‌ మాట్లాడారు. ప్రపంచాన్ని పట్టిపీడిస్తున్న రోగాలను నయం చేయాలంటే పరిశోధనలు అవసరమని, ప్రయోగాల ద్వారా వ్యాధులను అరికట్టవచ్చని తెలిపారు.
పర్యావరణ పరిరక్షణ, అధిక ఉత్పత్తి, అంతు చిక్కని వ్యాధులను నిర్మూలించాలంటే పరిశోధనలు అవసరమవుతాయని, ఆ దిశగా మైక్రోసాఫ్ట్ కృషి చేస్తుందని అన్నారు. ఇటీవల మరణించిన దేశీయ ఐటీ దిగ్గజం ఎఫ్‌సీ కోహ్లికి ఇదే సదస్సులో లైఫ్‌టైమ్ సర్వీస్ టు ఇండియన్ ఐటీ ఇండస్ట్రీ అవార్డును ప్రకటించారు. ఈ సందర్భంగా టీసీఎస్ మాజీ సీఈఓ రామదొరై మాట్లాడుతూ… భారతదేశాన్ని ఐటీ రంగంలో బలమైన శక్తిగా కోహ్లి తీర్చిదిద్దారని తెలిపారు. అలాగా పలు విభాగాల్లో కృషి చేసిన వారికి టై గ్లోబల్ అవార్డులను ప్రదానం చేసింది.
