Ida Hurricane: అమెరికాను వణికించిన ఇడా హరికేన్ చేసిన విధ్వంసం చూశారంటే.. కచ్చితంగా అమ్మో అంటారు!

Ida Hurricane

Ida Hurricane: మామూలు వర్షానికే మనం ఇబ్బంది పడిపోతాం. అటువంటిది హరికేన్ విరుచుకుపడితే అక్కడ పరిస్థితి ఎలా ఉంటుంది. మొన్న ఆదివారం అమెరికా భూభాగంపై అత్యంత శక్తివంతమైన హరికేన్ విరుచుకుపడింది. ఇడా అని పెరుపీట్టిన ఈ హరికేన్ సృష్టించిన విధ్వంసం అంతా ఇంతాకాదు. భారీ వర్షం.. భీకర గాలులు అక్కడ ప్రజల్ని వణికించేశాయి. ప్రధానంగా అమెరికాలోని లూసియానా కేంద్రంగా ఇడా తీవ్ర ధ్వంస రచన చేసింది. అయితే, ఈ విధ్వంసాన్ని వీడియోలు తీసిన ప్రజలు సోషల్ వీడియా వేదికగా వాటిని పంచుతున్నారు. ఆ వీడియోల్లో ఇడా విరుచుకుపడిన తీరు చూస్తే.. వామ్మో అనిపించకమానదు.

ఇడా లూసియాబనా ప్రాంతం పవర్ గ్రిడ్‌ను ధ్వంసం చేసింది. న్యూ ఓర్లీన్స్ నగరం, లక్షలాది ఇతర లూసియానా నివాసితులు విద్యుత్ ఎప్పుడు తిరిగి వస్తుందనే దానిపై స్పష్టమైన కాలక్రమం లేకుండా చీకటిలో ఉన్నారు ప్రస్తుతం. ఇళ్ళ పై కప్పులు దూరంగా ఎగురుతూ కనిపిస్తున్నాయి. ట్రాఫిక్ లైట్లు ప్రమాదకరంగా వణుకుతున్నాయి. ఈ విధ్వంసంతో కూడిన హరికేన్ ఫుటేజ్ నెటిజన్లను ఆశ్చర్యపరిచింది.

హరికేన్ భారీ వర్షపాతాన్ని తెచ్చిపెట్టినందున, న్యూ ఓర్లీన్స్ వెలుపల అనేక ప్రాంతాలు కూడా భారీ వరదలకు గురయ్యాయి. నెటిజన్లు కార్లు దూరంగా నీటిలో కొట్టుకు వెళ్లిపోతున్న వీడియోలు పంచుకున్నారు. శక్తివంతమైన గాలులతో ధ్వంసమైన వంతెనల నుండి చెట్లు నేలమట్టం కావడం, పవర్‌లైన్‌లతో చిక్కుకోవడం వరకు, నష్టాన్ని చూపించడానికి నెటిజన్లు చిత్రాలు, వీడియోలను పంచుకుంటున్నారు.

లూసియానా షెరీఫ్ కార్యాలయం ఆదివారం శక్తివంతమైన తుఫాను తీరం దాటిన కొద్ది గంటల తర్వాత ఇడా హరికేన్ నుండి ఒక వ్యక్తి మరణించినట్లు నివేదించింది.

ప్రెసిడెంట్ జో బిడెన్ బెల్ ఎడ్వర్డ్స్, మిస్సిస్సిప్పి గవర్నమెంట్ టేట్స్ రీవ్స్‌తో పాటు నగరాల మేయర్‌లతోనూ, ఇడా హరికేన్ ప్రభావం ఎక్కువగా ఉన్న ప్రాంతాల నాయకులతోనూ చర్చించారు.
ఇడా హరికేన్ కు సంబంధించి ట్విట్టర్ లో షేర్ అయిన వీడియోలను మీరూ ఇక్కడ చూడొచ్చు..

Also Read: Afghanistan Crisis: తాలిబన్లపై మరోసారి పంజా విసిరిన పంజ్‌షేర్‌ .. తాజాగా 350 మంది హతం..కీలక ప్రకటన చేసిన నార్తర్న్‌ అలయెన్స్‌..

Brazilian Viper Venom: ప్రాణాలు తీసే పాము విషంతోనే కరోనాకు మందు.. ప్రయోగాల ద్వారా తేల్చిన పరిశోధకులు