Trump: ట్రంఫ్ టారిఫ్ టెర్రర్.. భారత ఎకామనీ భవిష్యత్పై ఎలా ప్రభావం చూపబోతుంది..?
భారత్పై ట్రంప్ టారిఫ్ల పిడుగు వేశారు. పాతిక శాతం సుంకాలను విధిస్తున్నట్లు ప్రకటించారు. దీనికి అనేక కారణాలు చెబుతున్నా... అక్కసుతోనే ఈ టారిఫ్లు వేశారన్నది సుస్పష్టం. బ్రిక్స్లో భాగమైనందుకు, రష్యా ఆయిల్ కొంటున్నందుకు, తమ వస్తువులపై ఎక్కువ పన్నులు వేస్తున్నందుకు ఇలా అనేక విషయాలను మనసులో పెట్టుకుని ట్రంప్ భారత్పై పిడుగులాంటి టారిఫ్ను సంధించారు. ఇది ప్యూర్ మైండ్గేమ్తో తీసుకున్న డెసిషన్. దీంతో భారత్లో పొలిటికల్ దుమారం కూడా చెలరేగింది.
ట్రంప్ దెబ్బ మామూలుగా పడలేదు. భారత్పై కనికరం లేకుండా 25శాతం సుంకాలని వేశారు. భారత్ పాక్ యుద్ధాన్ని ఆపేశాను.. అవన్నీ ట్రేడ్ డీల్స్ బెదిరింపులతోనే అంటూ గప్పాలు కొట్టుకున్న అమెరికా అధ్యక్షుడు.. ఇప్పుడు భారత్ను దొంగదెబ్బతీశారు. 25శాతం సుంకాలతోపాటు.. బయటకు చెప్పని పెనాల్టీ కూడా విధించారు. రష్యాతో భారత్ వాణిజ్యం చేస్తున్న కారణంగానే పెనాల్టీ విధిస్తున్నట్లు ప్రకటించారు. అంటే 25శాతం ప్లస్ పెనాల్టీ అంటే అది ఎంత శాతానికి చేరుతుందో ఇప్పడే బయటపడే విషయం కాదు. ట్రంప్ సుంకాలు భారత్లోని చాలా రంగాలపై ప్రభావం పడబోతోంది. ఆగస్ట్ 1 నుంచే ఈ టారిఫ్లు అమల్లోకి వస్తాయని ట్రంప్ ప్రకటించారు. దీంతో ఆయా రంగాల షేర్లు ఇప్పటికే కుప్పకూలాయి. భారత్కు అమెరికా ఎగుమతులు 41.8బిలియన్ డాలర్లుగా ఉంటే.. అమెరికాకు భారత్ ఎగుమతులు 87.4బిలియన్ డాలర్లుగా ఉంది. అంటే దాదాపు ఏడున్నర లక్షల కోట్ల విలువైన సరుకులను భారత్ అమెరికాకు చేరుస్తోంది. ఇప్పుడు ఈ ఎగుమతులపై ట్రంప్ 25% సుంకాలు విధిస్తే.. భారతీయ ఆర్థిక వ్యవస్థ 0.5 శాతం జీడీపీని కోల్పోనుంది. ఇది పలు పరిశ్రమలపై తీవ్ర ప్రభావం చూపించబోతోంది. ముఖ్యంగా స్మార్ట్ఫోర్లు, ఎలక్ట్రానిక్ హార్డ్వేర్పై వీటి ప్రభావం భారీగా ఉండబోతోంది. యాపిల్ ఐఫోన్లతోపాటు.. పలు కంపెనీలకు చెందిన స్మార్ట్ఫోన్లు భారత్లోనే తయారై.. అమెరికాకు ఎగుమతు అవుతున్నాయి. వీటిపై 25శాతం ఇంపోర్ట్ డ్యూటీ విధించబోతున్నారు. అమెరికాకు 24 బిలియన్ డాలర్లు.. అంటే 2లక్షల కోట్లకు పైగానే భారత ఎగుమతులున్నాయి....