గిన్నిస్ రికార్డ్ సాధించిన కోడి.. పిల్లులు, కుక్కలతో కలిసి తిరుగుతుంది.. టైమ్పాస్ కోసం టీవీ చూస్తుంది..ఇది ప్రపంచంలోనే..!
ఈ 21 ఏళ్ల కోడి పిల్లులు, కుక్కలు వంటి ఇతర జంతువులు ఉండే గదులలోనే ఎక్కువగా ఉంటుంది. ఎందుకంటే అది ఇతర జంతువులతో కలిసి ఉండటానికి ఇష్టపడుతుంది. కాబట్టి ఇది మొదటి ఇతర జంతువుల నుండి దూరంగా ఉండటానికి నిరాకరిస్తుంది. కొన్నిసార్లు పీనట్ కోడి ఇంట్లోకి వచ్చి మార్సీతో కూర్చుని జాలీగా టీవీ కూడా చూస్తూ ఆనందిస్తుంది.
Updated on: Sep 13, 2023 | 9:15 PM
సాధారణంగా మన ఇంట్లో పెంచే కోడి జీవితకాలం ఎన్ని సంవత్సరాలు ఉంటుందో తెలుసా? సుమారు ఐదేళ్ల నుంచి పదేళ్లు అనుకోవచ్చు. కొన్నిసార్లు కోడి జీవితకాలం దాని జాతి, కొన్ని ఇతర కారణాలపై ఆధారపడి ఉంటుంది. అయితే యూఎస్లోని ఓ కోడి ఎక్కువ కాలం జీవించి గిన్నిస్ రికార్డు సాధించింది. అమెరికాలోని మిచిగాన్ రాష్ట్రానికి చెందిన ఓ దంపతులు తమ పొలంలో ఎన్నో జంతువులను పెంచుకుంటున్నారు. ఇందులో ఒక కోడి కూడా ఉంది. వారు మాంసం కోసం ఏ జంతువును చంపరు. దాంతో ఇక్కడ ఉన్న జంతువులన్నీ తమ పొలంలో తమ జీవితమంతా సంతోషంగా గడుపుతాయి. పీనట్ అనే కోడి ప్రపంచంలోనే అత్యంత పెద్ద వయసు గల కోడిగా గిన్నిస్ వరల్డ్ రికార్డ్ సాధించింది.
సగటు కోడి ఐదు నుండి ఎనిమిది సంవత్సరాలు జీవిస్తుంది. అయితే ఈ కోడి దాదాపు 20 ఏళ్ల 272 రోజుల తర్వాత కూడా బతికే ఉంది. పీనట్ ఇది ఒక చిన్న తెలివైన కోడి. దీనికి రోజూ పెరుగు ఇవ్వాలి. పాపం ఈ కోడి జన్మకథ కూడా విషాధంగానే ఉంటుంది. ఎందుకంటే..గుడ్లు పెట్టిన తర్వాత పొదగకముందే దాని తల్లి వెళ్ళిపోయింది. దాంతో ఆ గుడ్డు కుళ్ళిపోయి ఉండొచ్చునని అనుకున్నారు. దాన్ని దూరంగా చెరువులో పడేయాలని నిర్ణయించుకున్నారు. అప్పుడే గుడ్డు లోపల నుంచి శబ్దం వినిపించింది. దాంతో ఆ యజమాని మార్సీ ఆ గుడ్డు పెంకును కొద్దికొద్దిగా ఒలిచి, కోడిపిల్లను తన చేతిలోకి తీసుకుని వెంటనే తల్లి కోడి వద్దకు తీసుకువెళ్లింది. కానీ తల్లి కోడి తన కోడిపిల్లను అంగీకరించలేదు. మార్సీ ఆ కోడిపిల్లను తానే పెంచుకోవాలని నిర్ణయించుకుని దానికి పీనట్ అని పేరు పెట్టింది. అది చాలా చిన్నది కాబట్టి ఈ పేరు పెట్టారట. ఇక్కడ కనిపించే వీడియోలో పీనట్ పిల్లులతో కలిసి ఆడుకుంటుంది. ఇతర కోళ్లు, అతని యజమాని మార్సీతో ఆనందంగా గడుపుతుంది.
ఈ 21 ఏళ్ల కోడి పిల్లులు, కుక్కలు వంటి ఇతర జంతువులు ఉండే గదులలోనే ఎక్కువగా ఉంటుంది. ఎందుకంటే అది ఇతర జంతువులతో కలిసి ఉండటానికి ఇష్టపడుతుంది. కాబట్టి ఇది మొదటి ఇతర జంతువుల నుండి దూరంగా ఉండటానికి నిరాకరిస్తుంది. కొన్నిసార్లు పీనట్ కోడి ఇంట్లోకి వచ్చి మార్సీతో కూర్చుని జాలీగా టీవీ కూడా చూస్తూ ఆనందిస్తుంది. పురాతన కోడిగా గతంలో ముఫీ అనే కోడి గుర్తింపును సాదించింది. 2011లో చనిపోయిన ఈ కోడి 23 ఏళ్ల 152 రోజులు ఈ భూమిపై జీవించింది.
మరిన్ని ట్రెండింగ్ న్యూస్ కోసం క్లిక్ చేయండి..
