సింహంతో బాలుడి పరాచకాలు.. వీడియో

 ఈ వీడియో చూసిన నెటిజన్లు ఇది సింహమా? సుంకమా అంటూ అనుమానం వ్యక్తం చేస్తున్నారు.వైరల్ అవుతున్న ఈ వీడియోలో ఒక ఇంటి గుమ్మం ముందు ఒక సింహాన్ని గొలుసుతో కట్టేసి ఉంచారు. ఆ సమయంలో అక్కడికి ఒక బాలుడు వచ్చాడు. సింహాన్ని చూసి భయపడాల్సింది పోయి ఆ పిల్లవాడు అక్కడున్న ఆ సింహం తోక పట్టుకొని లాగుతూ ఆడుకుంటున్నాడు. అయినా ఆ సింహం బాలుడికి ఎలాంటి హాని తలపెట్టలేదు. కాసేపటికి అక్కడికి మరో వ్యక్తి వచ్చాడు. పిల్లవాడు సింహంతో ఆడటం చూసి నవ్వుతూ అక్కడి నుంచి బాలుడిని తీసుకు వెళ్ళాడు.ఈ వీడియో చూసిన జంతు ప్రేమికులు మండిపడుతున్నారు. ఒక జంతువుని ఇలా హింసించటం సరికాదని హెచ్చరికలు పలుకుతున్నారు. ఈ వీడియోను ఇప్పటికే లక్షలాది మంది వీక్షించగా 23 వేల మందికి పైగా లైక్ చేశారు.