Snake: రైల్లోని ఏసీ కోచ్‌లో వింత శబ్దాలు.. ఎక్స్‌ప్రెస్‌ ట్రైన్ లో పాము బుసలు.!

ఇటీవల వర్షాలు వరదలు కారణంగా పాములు, మొసళ్లు ఇళ్లలోకి చొరబడుతున్నాయి. అంతేకాదు వాటికి ఎక్కడ అనువుగా ఉంటే అక్కడ తిష్ట వేస్తూ జనాలను భయాందోళనకు గురిచేస్తున్నాయి. ఇప్పటి వరకూ బైకులు, కార్లలో దూరి హడలెత్తించిన పాములు ఇప్పుడు రైళ్లు కూడా ఎక్కుతున్నాయి. తాజాగా గరీబ్‌రథ్‌ ఎక్స్‌ప్రెస్‌లో ఓ నాగుపాము హల్‌చల్‌ చేసింది. అప్పర్‌ బెర్త్‌పై రాడ్‌కి చుట్టుకొని ఉన్న పామును చూసి ప్రయాణికులు వణికిపోయారు.

మధ్యప్రదేశ్‌లోని జబల్‌పూర్ నుంచి ముంబై వెళ్తున్న గరీభ్‌రథ్ ఎక్స్‌ప్రెస్ రైలులో ఓ సర్పరాజం నాట్యం చేసింది. బుసలు కొడుతూ ప్రయాణికులను భయభ్రాంతులకు గురిచేసింది. ఇందుకు సంబంధించిన వీడియో సోషల్ మీడియాలో వైరల్ అవుతోంది. జీ 17 కోచ్‌ అప్పర్ బెర్త్ పైన ఐరన్ రాడ్డుకు చుట్టుకున్న పాము ప్రయాణికులపై బుసలుకొట్టింది. పామును చూసిన ప్రయాణికులు భయంతో వణికిపోయారు. మరికొందరు మాత్రం తమ సెల్‌ఫోన్లలో దీనిని బంధించారు. ప్రయాణికుల ఫిర్యాదుతో సమాచారం అందుకున్న రైల్వే సిబ్బంది పామును పట్టుకుని సురక్షిత ప్రాంతంలో వదిలివేయడంతో అందరూ ఊపిరి పీల్చుకున్నారు.

మరిన్ని వీడియోస్ కోసం:
Videos

Viral: అతను 180 మంది పిల్లలకు తండ్రి.! ఒక్క మహిళ కూడా ప్రేమగా ముద్దివ్వలేదట.!

Copper items: రాగి వస్తువులు ధరించడం వల్ల కలిగే లాభాలు తెలిస్తే బంగారం జోలికి పోరు.!

Leaves: ఉద్యోగులకు బంపర్‌ ఆఫర్‌.. మనసు బాలేదా? సెలవు తీసుకోండి.!.