ప్రధాని మోదీ తీసుకునే సూపర్‌ ఫుడ్‌ ఇదే.. లాభాలు తెలిస్తే షాకవుతారు!

ప్రధాన మంత్రి నరేంద్ర మోదీ తనకు ఇష్టమైన సూపర్ ఫుడ్ గురించి చెప్పారు. సోమవారం బీహార్‌లోని భాగల్‌పుర్‌లో పర్యటించిన మోదీ తన ఆహారపు అలవాట్ల గురించి వివరించారు. ఈ సందర్భంగా మఖానా సూపర్ ఫుడ్ అని అన్నారు. అది ఆరోగ్యానికి ఎంతో ప్రయోజనకారి అని పేర్కొన్నారు. తాను 365 రోజుల్లో 300 రోజులు మఖానాను అహారంలో భాగంగా చేసుకుంటానని చెప్పారు. దేశ వ్యాప్తంగా చాలా మంది ప్రజలు అల్పాహారంగా మఖానాను తీసుకుంటున్నారన్నారు. అందుకు అంతర్జాతీయ స్థాయిలో దాని ఉత్పత్తి ఉండాలని ప్రధాని మోదీ పేర్కొన్నారు. రైతుల శ్రేయస్సు కోసం బీహార్‌లో మఖానా బోర్డును ఏర్పాటు చేయనున్నట్లు ఇటీవల బడ్జెట్ సందర్భంగా కేంద్ర ఆర్ధిక శాఖ మంత్రి నిర్మలా సీతారామన్ ప్రకటించిన విషయాన్ని ప్రధాని మోదీ గుర్తు చేశారు. మఖానా బోర్డు ప్రకటించినందుకు కృతజ్ఞతగా, సభలో ప్రధాని మోదీని మఖానాతో తయారు చేసిన దండతో సత్కరించారు. ఈ మఖానా వల్ల కలిగే ఆరోగ్య ప్రయోజనాలు తెలిస్తే వదిలిపెట్టరు. వీటిలో మైక్రో న్యూట్రియెంట్లు , క్యాల్షియం, మెగ్నీషియం, ఐరన్‌, ఫాస్పరస్‌ సమృద్ధిగా లభిస్తాయి. వీటిని రోజూ ఆహారంలో భాగం చేసుకుంటే మంచి ఆరోగ్యం మన సొంతమవుతుంది. వీటిలో ఉండే యాంటీ ఆక్సిడెంట్లు క్యాన్సర్‌కు వ్యతిరేకంగా పోరాడుతాయి. టైప్‌-2 మధుమేహాన్ని అడ్డుకుంటాయి. రక్తంలో చక్కెర స్థాయిలను బ్యాలెన్స్‌ చేస్తాయి.