Kolkata’s Underwater Metro: దేశంలోని తొలి అండర్‌ వాటర్ మెట్రోను చూశారా

కోల్‌కతా ఈస్ట్‌-వెస్ట్‌ మెట్రో పొడవు మొత్తం 16.6 కిలోమీటర్లు. ఇందులో 10.8 కిలోమీటర్ల పొడవున మెట్రో మార్గం.. భూమి కింది భాగంలో ఉంటుంది. ఆ తరువాత నదిలోపలికి ప్రవేశిస్తుంది. ఈ మార్గంలో హావ్‌డా మైదాన్‌ నుంచి ఎస్‌ప్లనెడ్‌ స్టేషన్ల మధ్య 4.8 కిలోమీటర్ల మేర.. అంటే 520 మీటర్ల పొడవైన అండర్‌వాటర్‌ మెట్రో టన్నెల్‌ ను నిర్మించారు. ఇది హుగ్లీ నదిని 45 సెకన్లలో దాటేస్తుంది. ఈ అండర్ వాటర్ టన్నెల్‌ను అత్యాధునిక టెక్నాలజీతో ప్రకృతి విపత్తులను కూడా తట్టుకునేలా రూపొందించారు. బ్రిటన్‌కు చెందిన సంస్థల సహకారంతో ఈ టన్నెల్ నిర్మించారు. ప్రస్తుతం హౌరా నుంచి సీల్దాకు రోడ్డు మార్గంలో వెళ్లాలంటే గంటన్నర సమయం పడుతుండగా.. ఈ అండర్‌వాటర్‌ మెట్రో మార్గం అందుబాటులోకి రావడంతో కేవలం 40 నిమిషాల్లోనే చేరుకోవచ్చు. ఈ అండర్‌వాటర్ టన్నెల్ నిర్మాణ సమయంలో ఎన్నో సవాళ్లు ఎదురయ్యాయి. పై నుంచి వచ్చే నీటి ఒత్తిడిని తట్టుకుని, టన్నెల్ లోపలికి నీరు రాకుండా అడ్డుకునే యంత్రాన్ని రూపొందించాల్సి వచ్చింది. అయితే ఇలాంటి టన్నెల్ ను దేశంలో ఇప్పటికే నిర్మించినా.. ఈ టన్నెల్ మాత్రం నది లోపల ఉంది. సాధారణ టన్నెల్ బోరింగ్ మెషిన్‌తో… దీనిని ఆపరేట్ చేయడం వీలు కాలేదు. దీంతో ఈ టన్నెల్‌ను తవ్వడానికి అవసరమైన టన్నెల్ బోరింగ్ మెషిన్ ను ప్రత్యేకంగా జర్మనీలో తయారు చేశారు. ఇది నేలను తవ్వుతూ, తవ్విన వెంటనే చుట్టూ ఉండే భాగాన్ని సురక్షితంగా మూసివేస్తూ వచ్చింది. అలా ఈ మెట్రో మార్గాన్ని రెడీ చేయడం సాధ్యమైంది.

మరిన్ని వీడియోల కోసం ఇక్కడ క్లిక్ చేయండి

Also Watch:

సెక్యూరిటీ గార్డు నుంచి సాఫ్ట్‌వేర్ ఇంజినీర్‌గా

నీ ఫిట్‌నెస్ సూపర్‌ బ్రో… సైకిల్‌పై ఈఫిల్‌ టవర్‌ ఎక్కాడు

సెల్ఫీ తీయబోతూ.. 18 వేల అడుగుల్లో పట్టు తప్పి

హీరోయిన్లను ఇబ్బంది పెడుతున్న లేటెస్ట్ టెక్నాలజీ..

కాసులు కురిపిస్తున్న కామెడీ జానర్‌