World Cup 2023: భారత్-ఆస్ట్రేలియా మ్యాచ్ చూడొద్దంటూ విజ్ఞప్తి.. ఎందుకంటే.?

ప్రపంచకప్‌ ఫైనల్లో ఆస్ట్రేలియాతో భారత్‌ తలపడుతుంటే చూడాలని ఎవరికి ఉండదు. దేశంలోని ప్రముఖులతో పాటు సామాన్య ప్రజలు కూడా ఆదివారం తుదిపోరు కోసం ఎదురు చూస్తున్నారు. కానీ ఆ ఫైనల్‌ను చూడొద్దంటూ దిగ్గజ నటుడు అమితాబ్‌ బచ్చన్‌ను అభిమానులు కోరుతున్నారు. ప్రపంచకప్ బిగ్ ఫైనల్‌కు ఇక కొన్ని గంటలు మాత్రమే సమయం ఉంది. ఇక, హోటళ్లు, రెస్టారెంట్లతోపాటు కూడళ్లలో బిగ్ స్క్రీన్లు కూడా ఏర్పాటు చేస్తున్నారు. టీమిండియా ముచ్చటగా మూడోసారి ప్రపంచకప్ కొట్టాలని కోరుకుంటున్న అభిమానులు బాలీవుడ్ బిగ్‌బీ అమితాబ్‌నుమ్యాచ్ చూడొద్దని, తమ కోసం త్యాగం చేయాలని కోరుతున్నారు. దీని వెనక ఓ కారణం కూడా ఉంది. ఆయన కనుక మ్యాచ్‌ను వీక్షిస్తే భారత్ ఓడిపోతుందని వారు భావిస్తున్నారు. అందుకనే తమ కోసం ఈ మ్యాచ్‌కు దూరంగా ఉండి త్యాగం చేయాలని కోరుతున్నారు. సెమీఫైనల్‌లో న్యూజిలాండ్‌పై విజయం సాధించిన తర్వాత అమితాబ్ తన ఎక్స్ ఖాతా ద్వారా స్పందిస్తూ.. తాను చూడకపోతేనే మనం మ్యాచ్‌ గెలుస్తామని చెప్పారు. ఇది కాస్తా వైరల్ అవడంతో అభిమానులు ఈవిధంగా స్పందిస్తున్నారు. దయచేసి ఈ ఒక్కసారి జట్టు కోసం త్యాగం చేయాలని విజ్ఞప్తి చేస్తున్నారు. వెల్లువెత్తుతున్న అభ్యర్థనలపై తాజాగా స్పందించిన అమితాబ్.. ఆ మ్యాచ్‌కు వెళ్లాలా? వద్దా? అని ఇప్పుడు ఆలోచిస్తున్నా అని మరోసారి ఎక్స్‌లో పోస్టు చేశారు. టీమ్‌ఇండియా ఆడేటప్పుడు ఇలాంటి నమ్మకాలను అమితాబ్‌ పాటిస్తారని 2011లో ఆయన కుమారుడు అభిషేక్‌ వెల్లడించారు.

మరిన్ని వీడియోస్ కోసం:
Videos

ప్రగతి రెండో పెళ్లి ఇదిగో క్లారిటీ.! ప్రగతి ఏం చేసిన హాట్ టాపికే.

అవును ప్రేమ పెళ్లి చేసుకోబోతున్న. కొంతకాలంగా రిలేషన్లో ఉన్నా: శ్రీదివ్య.

చేసింది 4 సినిమాలైనా.. కూడబెట్టింది మాత్రం కోట్లలో.. వరుణ్ కార్స్ కలెక్షన్స్.