ఆకాశంలో అరుదైన దృశ్యం.. అరుదైన బ్లడ్ మూన్ వచ్చేస్తోంది

ఇది ఈ ఏడాది రెండో సంపూర్ణ చంద్రగ్రహణం కాగా, హార్వెస్ట్ మూన్‌తో కలసి వస్తోంది. భారత కాలమానం ప్రకారం సెప్టెంబర్‌ 7 రాత్రి 11.00 నుంచి 12.22 వరకు చూడవచ్చు. ఇది ఆసియా, ఆస్ట్రేలియా, యూరప్‌ ప్రాంతాల్లో స్పష్టంగా కనిపిస్తుందని శాస్త్రవేత్తలు చెబుతున్నారు. సెప్టెంబర్ 7న ఏర్పడనున్న ఈ సంపూర్ణ చంద్రగ్రహణాన్ని భారతదేశం, చైనా, రష్యా, పశ్చిమ ఆస్ట్రేలియా, తూర్పు ఆఫ్రికా, అరబ్ దేశాలలో నివసించే ప్రజలు చాలా స్పష్టంగా చూస్తారు. ఈ గ్రహణం ఉత్తర అమెరికాలో కనిపించదు. కానీ అలాస్కా పశ్చిమ భాగంలో పాక్షిక చంద్రగ్రహణం కనిపిస్తుంది. బ్రిటన్, పశ్చిమ ఐరోపాలో నివసించే ప్రజలు చంద్రుడు ఉదయించిన వెంటనే గ్రహణంలో కొంత భాగాన్ని చూసే అవకాశం ఉంటుంది. ఇక మనదేశంలో చంద్రగ్రహణం సెప్టెంబర్ 7న రాత్రి 08:58 గంటలకు ప్రారంభమై, సెప్టెంబర్ 8న 01:25 వరకు ఉంటుంది. ఈ సమయంలో, ఎరుపు, నారింజ రంగులో చంద్రుడు కనిపిస్తాడు. భూమి నీడ పూర్తిగా చంద్రుని ఉపరితలంపై పడినప్పుడు సంపూర్ణ చంద్ర గ్రహణం సంభవిస్తుంది. సూర్యకాంతి చంద్రుని డిస్క్‌ను ప్రకాశవంతం చేస్తుంది. కానీ మధ్యలో భూమి ఉండటం వల్ల, సూర్యకాంతి చంద్రుడిని చేరుకోవడానికి ముందు భూమి వాతావరణం గుండా వెళుతుంది. భూ వాతావరణం గుండా ప్రయాణిస్తున్నప్పుడు, సూర్యకాంతి చెల్లాచెదురుగా ఉంటుంది. అంటే తక్కువ తరంగదైర్ఘ్యం నీలం , పొడవైన తరంగదైర్ఘ్యం ఎరుపు కంటే ఎక్కువగా ఉంటుంది. ఈ సమయంలో ఎరుపు కాంతి చంద్రుని వైపు వంగి ఉంటుంది. అందుకే ఈ చంద్రగ్రహణాన్ని బ్లడ్‌మూన్‌ అని పిలుస్తారు. దీని కారణంగా చంద్రుని రంగు పూర్తిగా మారుతుంది.

మరిన్ని వీడియోల కోసం ఇక్కడ క్లిక్ చేయండి

Also Watch:

మునిగిన ముంబై.. ఆర్థిక రాజధాని అతలాకుతలం

Weather Update: మరో మూడు రోజులు వానలు దంచుడే దంచుడు .. ఈ జిల్లాలకు బిగ్‌ అలర్ట్‌..

Roopchand Fish: రక్తం రుచి మరిగిన చేప.. ఇతర చేపలకు భిన్నం

పీఎం కిసాన్‌ డబ్బులు రాలేదా? అయితే ఇలా చేయండి

ప్రేమించిన అమ్మాయికి ‘బాంబు’ గిఫ్ట్‌ పార్శిల్‌ అందుకున్న భర్త.. చివరికి