అంతరిక్షంలోకి 13.5 లక్షల మంది పేర్లు.. నాసా సరికొత్త ప్రయోగం!

అమెరికా అంతరిక్ష పరిశోధన సంస్థ ‘నాసా’ మరో చారిత్రాత్మక ప్రయోగానికి సిద్ధమైంది. ‘నాన్సీ గ్రేస్ రోమన్ స్పేస్ టెలిస్కోప్’ ద్వారా ప్రపంచ వ్యాప్తంగా సేకరించిన దాదాపు 13.5 లక్షల మంది పేర్లను అంతరిక్షంలోకి పంపనుంది. ప్రజలు సమర్పించిన ఈ పేర్లతో పాటు ఆర్టెమిస్-2, 3 మిషన్ల వ్యోమగాముల పేర్లను ఒక చిన్న మెమరీ కార్డులో భద్రపరిచి, టెలిస్కోప్‌లోని ప్రత్యేక స్మారక ఫలకంలో అమర్చారు. ఈ టెలిస్కోప్‌ను నాసా తొలి చీఫ్ ఆస్ట్రానమర్, ‘హబుల్ మదర్’గా పేరుగాంచిన డాక్టర్ నాన్సీ గ్రేస్ రోమన్ గౌరవార్థం రూపొందించారు. ఇది భూమి నుంచి దాదాపు 16 లక్షల కిలోమీటర్ల దూరంలో ఉన్న సూర్యుడు-భూమి లాగ్రాంజ్ పాయింట్ 2 (L2) వద్ద రీసెర్చ్ చేయనుంది. జేమ్స్ వెబ్ టెలిస్కోప్ కూడా ప్రస్తుతం ఇక్కడే పనిచేస్తోంది. హబుల్ టెలిస్కోప్ కంటే 100 రెట్లు ఎక్కువ వీక్షణ పరిధి కలిగిన ఈ కెమెరాతో డార్క్ ఎనర్జీ, డార్క్ మ్యాటర్‌పై పరిశోధనలు చేయనున్నారు. స్పేస్‌ఎక్స్ ఫాల్కన్ హెవీ రాకెట్ ద్వారా ఫ్లోరిడాలోని కెన్నడీ స్పేస్ సెంటర్ నుంచి ఆగస్టు 30న దీనిని నింగిలోకి ప్రయోగించనున్నారు. విశ్వాన్ని అన్వేషించే వ్యోమనౌకలకు మానవత్వానికి గుర్తుగా పేర్లను పంపే సంప్రదాయాన్ని నాసా ఈ వినూత్న ప్రయోగంతో కొనసాగిస్తోంది.

మరిన్ని వీడియోల కోసం ఇక్కడ క్లిక్ చేయండి

Also Watch:

డెన్మార్క్ రాజకుమారి సంచలనం.. రాయల్ లైఫ్ వదిలి మిలిటరీలోకి ప్రిన్సెస్ ఇసాబెల్లా!

మీ రేషన్ కార్డ్ స్మార్ట్‌కార్డ్‌గా మారబోతోంది.. ఆగస్టు 15న పంపిణీ

హైదరాబాద్‌లో అతిపెద్ద క్రైసిస్.. ఇళ్లు వదిలి పారిపోతున్న పిల్లలు.. తప్పు ఎక్కడ జరుగుతోంది?

తండ్రిని ఆసుపత్రికి తీసుకువెళ్లిన కూతుళ్లు.. ఆ తర్వాత ఏం చేశారో చూడండి!

అమ్మాయిలకు గుడ్ న్యూస్.. ఇంటర్ పూర్తి చేస్తే ఉచితంగా పైలట్ శిక్షణ!