Viral Video: ఎయిరిండియా విమానం ఎలా కూలిందో చూడండి.. ఒళ్లు గగుర్పొడిచే వీడియో

అహ్మదాబాద్‌లో ఘోర విమాన ప్రమాదం చోటు చేసుకుంది. అహ్మదాబాద్‌ టూ లండన్‌ వెళ్లే ఎయిర్‌ ఇండియా AI-171 విమానం ప్రమాదానికి గురైంది. మధ్యాహ్నం 1:17 గంటలకు అహ్మదాబాద్‌ నుంచి విమానం టేకాఫ్‌ తీసుకున్న వెంటనే కూలిపోయింది. మేఘానీ ప్రాంతంలోని షాహీబాగ్ హోటల్ సమీపంలో ఈ ప్రమాదం జరిగింది. ఇది బోయింగ్‌ – 787 డ్రీమ్‌ లైనర్‌ కాగా.. దీని రిజిస్ట్రేషన్‌ నెంబర్‌ VT – ANBగా ఉంది. ప్రమాద సమయంలో 242మంది ప్రయాణికులు విమానంలో ఉన్నట్లు సమాచారం. ఇక ఈ విమాన దుర్ఘటనకు సంబంధించిన లైవ్ వీడియో ఇప్పుడు సోషల్ మీడియాలో తెగ వైరల్ అవుతోంది. టేకాఫ్ అయిన కాసేపటికే అది నేలకూలింది. విమానం కూలగానే భారీ పేలుడు సంభవించింది. మంటలు పెద్ద ఎత్తున ఎగిసిపడ్డాయి. ఈ విమానంలో గుజరాత్ మాజీ సీఎం విజయ్‌రూపానీ ఉన్నట్టు తెలుస్తోంది. చెట్టును ఢీకొట్టి జనావాసాలపై విమానం కూలింది. సమాచారం అందుకోగానే అంబులెన్స్‌లు, ఫైరింజిన్లు ఘటనాస్థలానికి చేరుకున్నాయి. ప్రస్తుతం రన్‌ వే తాత్కాలికంగా మూసివేశారు.