ఛావా తెలుగు ట్రైలర్ వచ్చేసింది.. చూస్తే గూస్ బంప్స్ పక్కా వీడియో

మడాక్ ఫిల్మ్స్ బ్యానర్ పై దినేశ్ విజన్ ఈ చిత్రాన్ని నిర్మించారు. ఫిబ్రవరి 14న ఈ సినిమాను విడుదల చేయగా.. ఇప్పటికీ విజయవంతంగా దూసుకుపోతుంది. ఈ క్రమంలోనే ఈ మూవీ తెలుగులోనూ రిలీజ్‌ కానుంది. తాజాగా అందుకు సంబంధించిన ట్రైలర్ బయటికి వచ్చింది. ఇప్పుడా ట్రైలర్ అందర్నీ విపరీతంగా ఆకట్టుకుంటోంది. ఛావా సినిమాను ప్రముఖ నిర్మాణ సంస్థ గీతా ఆర్ట్స్ తెలుగులో విడుదల చేసేందుకు సిద్ధమయ్యింది. ఈనెల 7న తెలుగు ప్రేక్షకుల ముందుకు ఈ చిత్రాన్ని తీసుకురానున్నారు. ఇందులో భాగంగా తాజాగా ఈ సినిమా ట్రైలర్ రిలీజ్ చేసింది చిత్రయూనిట్. ధైర్యం, కీర్తిల గొప్ప మేళయింపుతో ఆవిష్కృతమైన అద్భుతమైన దృశ్యకావ్యం ఇప్పుడు తెలుగులో వస్తోందంటూ ట్రైలర్ విడుదల చేశారు.తాజాగా విడుదలైన ట్రైలర్ గూస్ బంప్స్ తెప్పిస్తోంది. ముఖ్యంగా విక్కీ కౌశల్ చెప్పిన పవర్ ఫుల్ డైలాగ్స్ అదిరిపోయాయి. మొత్తం 3 నిమిషాలు ఉన్న ట్రైలర్ వీడియోకు నెట్టింట మంచి రెస్పాన్స్ వస్తుంది. దీంతో ఇప్పుడు ఈ సినిమా విడుదల కోసం ఫ్యాన్స్ ఎంతో ఆసక్తిగా వెయిట్ చేస్తున్నారు.