ప్రేమంటే ఇదే..చనిపోయిన తోడును లేపుతున్న పక్షి..కన్నీరు పెట్టిస్తున్న వీడియో

ఓ చెరువులోని హంసల జంటలో ఒకటి చనిపోయింది. విగతజీవిగా మారిన ఆ పక్షి శరీరం నీటిపై తేలుతుండగా.. దానిని దాని జంటపక్షి చూసింది. తన జంటను వదిలి వెళ్లలేకపోయింది. తన నేస్తం చనిపోయిందనే వాస్తవాన్ని జీర్ణించుకోలేని ఆ పక్షి, దాన్ని ఎలాగైనా తిరిగి బతికించుకోవాలని తీవ్రంగా ప్రయత్నించింది. తన ముక్కుతో నెడుతూ, రెక్కలతో కదుపుతూ మేల్కొల్పేందుకు విఫలయత్నం చేసింది. అక్కడ ఉండలేక.. అలాగని తన నేస్తాన్ని వదిలి వెళ్లలేక సతమతమై పోయింది. ఈ సీన్ చూసిన వారిని ఆ పక్షి తపన కదిలించింది. ఈ వీడియోను రిటైర్డ్ ఇండియన్ ఫారెస్ట్ సర్వీస్ అధికారి సుశాంత నందా ఎక్స్‌ లో షేర్ చేశారు. “మరణంలో కూడా విడదీయలేనంత ప్రేమ. ఈ హంస చనిపోయిన తన భాగస్వామిని మేల్కొల్పే తీరును మాటల్లో వర్ణించలేము’ అని ఆయన చెప్పుకొచ్చారు. హంసలు ఒకసారి జత కడితే.. అవి జీవితాంతం మరో భాగస్వామి వైపు కన్నెత్తి చూడవని పక్షి శాస్త్రవేత్తలు చెబుతుంటారు. ప్రస్తుతం ఈ వీడియో చూసిన నెటిజన్లు తీవ్రంగా చలించిపోతున్నారు. “ఇదే నిజమైన ప్రేమంటే” అంటూ కామెంట్లు పెడుతున్నారు.

మరిన్ని వీడియోల కోసం :

ఆగస్టులో వినాశనం.. బాబా వంగా జోస్యం నిజం కానుందా? వీడియో

నా జీవితాన్ని నాశనం చేశాడు..పుతిన్‌ పై రహస్య కుమార్తె కామెంట్‌

భయానకం పిడుగు .. వామ్మో ఆకాశమే తగలబడిందా అన్నట్లు వీడియో!